本來做咗十二小時嘢,真係好鬼攰,真的無諗住打BLOG,但係唔寫又未能正確咁表逹我自己的情緒。

上星期六,MORMOR已經話我知,佢身體某一個地方長了一個大粒嘢,唔痛,但大得好快,我話佢要快D去睇醫生,咁MORMOR就好乖咁星期二醫生一開門就去咗睇醫生,仲照埋超聲波。

頭先放工,快到家時MORMOR打來,話個報告出咗,醫生都唔知係乜嘢嚟的。後來我返到停車場後,MORFAR打給我,話個骨科醫生話不是腫瘤,是裏面有一個水泡,然後再睇裏面係有嘢,但唔知係乜嘢!

返到屋企,我係咁打給JUDY,問問有無依一科的醫生介紹,幫MORMOR約咗明天去睇佢。但整個過程我都雙手震得好利害,真的分不清是我太攰呀,還是太緊張。在那一刻,我突然好怕會失去MORMOR,家裏發生太多事情,小朋友們剛先長大,能自己同MORMOR、MORFAR去街及傾談,如果真的有事,我會好好好好傷心的。希望天父阿爸保守帶領,醫生能有聰明智慧去幫助MORMOR!

創作者介紹
創作者 suklaic 的頭像
suklaic

港楊回憶,樂趣無窮!

suklaic 發表在 痞客邦 留言(0) 人氣()