close
卓希今日忟到不得了，一來“吽”大牙，二來係佢今日痾得特別痛，成個PAT PAT都紅哂。所以一早就痾咗一次，然後仲有兩次係個D未痾清的尾尾。本來我諗住今日一早會佢去機塲送舅父機，點知佢係咁痾D未清哂的，好難帶佢出去。仲有就係咁扭計，連明知要執玩具時，都係咁扭。嗱嗱嗱！有片為證！





連卓希契媽打電話嚟，都清楚聽到佢近來討厭的咸聲！(係我覺得討厭！)


卓希昨天只飲了醫生介紹的140ML鹽水，晚上用奶開了乳酸粉給他便唔肯飲奶，今日下午一見到佢又係咁痾時，便立即用道地的巨峰提子汁加乳酸粉給他飲，多咗甜的飲品，佢就一口氣飲哂，不過飲完之後都痾咗兩次。所以卓希爸同我都想明天帶佢去睇趙醫生，但怕醫生話我哋太緊張，便在晚上致電趙醫生。好彩打給趙醫生，佢話唔使去睇佢(又唔使？？？都未見過有醫生成日叫人唔使去睇佢，不過都好，唔使請假提早放工！)，佢話照我今日所形容的，卓希應在好傳中，痾，係因為要痾清腸內的唔乾淨，而且係要多D時間睇佢飲咗孔酸粉之後的反應。趙醫生話，如果無嘔、無胃口、無痾血就不用去醫院，醫院咁多菌，有時去咗仲比未去也許會差！最重要係佢一痾咗之後，就要俾多D藥用鹽水佢飲。所以綜合以上的一切，都要俾多幾天時間睇下卓希的情況！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄