好耐之前幫妹妹約咗今日打,一係唔打,一打打兩支:1./ 肺炎鏈球菌, 2./ 六合一, 3./ 仲食埋輪狀病毒的疫苗.妹妹真的好大聲,係好大聲咁喊,卓希以前係唔喊的,但係今日妹妹就不停咁喊,直至到過嚟我手上先唔再喊.
不過到晚上妹妹真的有少少發燒,又唔肯食奶,只好由得佢休息,睇下明天會否好轉,唉!明天又要去健康院,真的節目豐富.
不過到晚上妹妹真的有少少發燒,又唔肯食奶,只好由得佢休息,睇下明天會否好轉,唉!明天又要去健康院,真的節目豐富.
- Jun 04 Wed 2008 21:45
打針日(妹妹兩個月人仔啦!)
- Jun 03 Tue 2008 22:04
我家有個thomas狂！
今日無水、無廁所水、又成座樓噴殺蟲濟，我哋去邊好呢？
早上卓希返咗學後，我哋都繼續係屋企，因為我有些文件要處理，下午等兩個小子訓咗後(基本上係我叫醒卓希，而妹妹就一直訓到我哋返屋企為止)，我哋去咗花園街，睇得最多嘢同買得最多嘢的係卓希豬，我係唯一一個乜都無買到的！
仲有依把要收起的剪力，因為卓希未識用，但見到就買定先，日後佢返學要做手工時都可以用得著！
早上卓希返咗學後，我哋都繼續係屋企，因為我有些文件要處理，下午等兩個小子訓咗後(基本上係我叫醒卓希，而妹妹就一直訓到我哋返屋企為止)，我哋去咗花園街，睇得最多嘢同買得最多嘢的係卓希豬，我係唯一一個乜都無買到的！
仲有依把要收起的剪力，因為卓希未識用，但見到就買定先，日後佢返學要做手工時都可以用得著！
- Jun 02 Mon 2008 22:43
點算？
明天我哋一家可以去得邊呢？因為會無廁所水，又會無食水，乜水都無時係屋企都唔可以做得乜嘢！有想過去沙田屋企，但係mormor，morfar佢哋去長洲，我又唔想咁大工程跟著去，都係近近哋找個地方落下腳算數！(兩個姐姐今日作反地提議明天全日係mega box，又話有廁所，又有食巿，我先唔去，要我使咁多錢！)
- Jun 01 Sun 2008 22:07
全人奶
眼見仲一個星期就要返工,真的好唔捨得對仔女.尤其是唔知返工後,會唔會仲有咁多奶水,所以依兩日都係咁餵人奶,不過晚上臨訓之前個餐都係要奶粉,想佢可以訓耐D.
哈!出乎我意料之外,我又夠奶水,每次個女食完人奶之後,都會幾滿意咁望著我,個心真的好甜.以前諗住可以儲得幾耐就可以多幾安奶俾個女,原來唔使的,佢都可以好滿足,只要餵密D就得,所以未到夠鐘時,個女一嘈我就會自動獻身.
講起晚上訓覺,基本上妹妹係可以由晚上十點訓到第二天六點幾,不過要係一個條件下先得,就係開冷氣!!!!依個正一冷氣妹嚟的,之前兩晚因為天氣涼番少少,咁卓希爸就話唔好開冷氣,點知咁就慮咗我,因為第一晚個女就四點幾叫我,昨晚仲C,一點幾就叫我,然後五點幾又叫我,真的辛苦C.依個無冷氣的夜奶幾時先可以戒掉呢?
哈!出乎我意料之外,我又夠奶水,每次個女食完人奶之後,都會幾滿意咁望著我,個心真的好甜.以前諗住可以儲得幾耐就可以多幾安奶俾個女,原來唔使的,佢都可以好滿足,只要餵密D就得,所以未到夠鐘時,個女一嘈我就會自動獻身.
講起晚上訓覺,基本上妹妹係可以由晚上十點訓到第二天六點幾,不過要係一個條件下先得,就係開冷氣!!!!依個正一冷氣妹嚟的,之前兩晚因為天氣涼番少少,咁卓希爸就話唔好開冷氣,點知咁就慮咗我,因為第一晚個女就四點幾叫我,昨晚仲C,一點幾就叫我,然後五點幾又叫我,真的辛苦C.依個無冷氣的夜奶幾時先可以戒掉呢?
- May 30 Fri 2008 23:19
頭痛
依兩日真的勁頭痛，前兩天的頭痛是在頭後面，今天的頭痛是在頭前面，超煩！也許是天氣唔好的緣故，所以真的好痛！
- May 29 Thu 2008 21:53
癡身膏藥
妹妹真係癡身膏藥,兩個姐姐抱佢都唔肯,係要大大大大聲咁喊,引我出手抱佢才收聲.咁我返工後點算?????無眼睇,只好有時係ip cam到睇下佢哋攪成點.
第二樣令我有些擔心的是妹妹好鐘意埋身餵奶,近幾天開始唔肯食奶粉,連我好辛苦先泵到出嚟的人奶(一日三次,每次都泵到最少三安),放係奶樽到佢都唔肯,一定要埋身.其實我好鐘意同佢埋身食奶,個感覺好好,不過長遠嚟想,佢一定會係屋企到喊到拆天,唉!點自算呢?
第二樣令我有些擔心的是妹妹好鐘意埋身餵奶,近幾天開始唔肯食奶粉,連我好辛苦先泵到出嚟的人奶(一日三次,每次都泵到最少三安),放係奶樽到佢都唔肯,一定要埋身.其實我好鐘意同佢埋身食奶,個感覺好好,不過長遠嚟想,佢一定會係屋企到喊到拆天,唉!點自算呢?
- May 28 Wed 2008 15:43
一身鬆哂
趕了三天,終於出哂九班卷,仲做埋答案.接落嚟的產假餘下日子,我要好好咁享受同對仔女的時間.
話說依家做咗二十四考媽媽,日日都要陪對仔女訓晏覺,最主要係妹妹下午洗澡後,要一路訓著一路餵佢食人奶,咁樣大人同bb都一路餵就一路訓,訓訓吓就真的訓著咗.兩個小朋友一個大人一張床,就係咁,日日下午都要"陪訓",我怕返咗工之後,到下午時間會好眼訓,因為習慣咗麻!
話說依家做咗二十四考媽媽,日日都要陪對仔女訓晏覺,最主要係妹妹下午洗澡後,要一路訓著一路餵佢食人奶,咁樣大人同bb都一路餵就一路訓,訓訓吓就真的訓著咗.兩個小朋友一個大人一張床,就係咁,日日下午都要"陪訓",我怕返咗工之後,到下午時間會好眼訓,因為習慣咗麻!
- May 27 Tue 2008 23:19
one class only
我仲有中三班的卷未出,做到氣都咳!
- May 26 Mon 2008 21:20
瑞士尊貴理財
我join咗瑞士尊貴理財都好幾年啦,佢對會員的offer都幾好的,上次有劉德華演唱會的票,跟著又有郭富成的演唱會,今次仲有一次免費的facial做添.
今日就攞住張理財咭,去咗鑽石山的ingrid millet做它們最貴的facial,魚子精華素facial,簡直"正",好耐都無做facial啦,所以感覺好relax.
我做緊facial,卓希同妹妹及兩位姐姐就係商場到睇玩具,又去買嘢食,真的各自各精彩!
出卷進度:我出咗小一至小五,仲有有小六及中學,一定要加油呀!
今日就攞住張理財咭,去咗鑽石山的ingrid millet做它們最貴的facial,魚子精華素facial,簡直"正",好耐都無做facial啦,所以感覺好relax.
我做緊facial,卓希同妹妹及兩位姐姐就係商場到睇玩具,又去買嘢食,真的各自各精彩!
出卷進度:我出咗小一至小五,仲有有小六及中學,一定要加油呀!
- May 24 Sat 2008 22:53
好鬼唔得閒
事緣我要出卷啦！如果六月放完產假返工先出的話，大過趕及一定做唔切，又要轉做點字，好多嘢做的。所以我依家雖然話叫放緊假，但係今日開始出卷啦！頭都痛埋！
- May 22 Thu 2008 22:33
產後檢查
生咗妹妹都成六個幾星期啦!今日要去做產後檢查,唔單只咁,我仲做埋字宮頸的檢查.
唉!做女人真係唔容易,又要顧屋企,仲要顧自己,少d精神都唔得.我今日都有話俾醫生知個字宮位有時仲會陰陰痛,醫生叫我唔好拎重嘢,盡量啦!
不過話時話,香港的醫療服務又真係幾好,好似今次生妹妹咁,住半私家的病房d護士又好.仲會打返電話嚟跟進我餵人奶的情況.
今日去產後檢查又唔使錢,做字宮頸檢查都只係俾$100,以前我未結婚前已經有檢查,嗰時唔識,次次都要去私家(又或者保險送的女性檢查),嘩!貴到不得了,但係依家我識啦,一定要去母嬰健康院,都只係三年一次啫,好直得!
香港的醫療咁好,唔怪得咁多大陸人要落嚟生仔啦!
唉!做女人真係唔容易,又要顧屋企,仲要顧自己,少d精神都唔得.我今日都有話俾醫生知個字宮位有時仲會陰陰痛,醫生叫我唔好拎重嘢,盡量啦!
不過話時話,香港的醫療服務又真係幾好,好似今次生妹妹咁,住半私家的病房d護士又好.仲會打返電話嚟跟進我餵人奶的情況.
今日去產後檢查又唔使錢,做字宮頸檢查都只係俾$100,以前我未結婚前已經有檢查,嗰時唔識,次次都要去私家(又或者保險送的女性檢查),嘩!貴到不得了,但係依家我識啦,一定要去母嬰健康院,都只係三年一次啫,好直得!
香港的醫療咁好,唔怪得咁多大陸人要落嚟生仔啦!
- May 21 Wed 2008 22:11
大頭蝦
今日我才上網看看自己在bu所修的科目是那一天要上課,一早就知道是明天星期四晚要返學,但再細心一看,才知道其他的導修課也是逢星期四.那問題便大了,因為我逢星期四晚要返工,學校有團契,我走唔開的.
快快的打電話給bu,他們需一封學校的信,證明我逢星期四晚都要留校.幸好院長在心光,又可以好快的和他解釋,他很合作地在下午的時間已寫好這封信,亞霞仲幫我fax埋添,睇吓會唔會轉得組啦!
快快的打電話給bu,他們需一封學校的信,證明我逢星期四晚都要留校.幸好院長在心光,又可以好快的和他解釋,他很合作地在下午的時間已寫好這封信,亞霞仲幫我fax埋添,睇吓會唔會轉得組啦!
- May 20 Tue 2008 22:39
二對一
兩個姐姐晚晚都想攪得點妹妹，之但係我個女又點會咁容易攪呢？到最後咪又要我出馬！
- May 19 Mon 2008 21:46
暑期活動
係時候要幫卓希找一些暑期的活動了，雖然佢七月份都要返學，不過想佢星期六去學吓游水，廣闊佢的視野！
- May 18 Sun 2008 21:49
返坪石
今晚我哋返咗坪石村食飯, 感覺好似好耐都無返過(個幾月),但係都會少D返,因為我哋真的好多人, 一行六個人呀!
- May 17 Sat 2008 21:51
朋友仔
今日卓希一班以前玩開playgroup的朋友仔,嚟咗屋企探我哋,仲一齊好開心咁玩添.
然後仲一齊焗蛋糕仔,好好玩.
仲有一樣好的嘢,就係第二位姐姐已經嚟到我哋屋企啦, 佢叫做ME姐姐,係我奶奶以前個工人,之前返過印尼,但係又想返香港搵錢,所以我哋就請咗佢.
依家我哋一家有六個人,一個字,"勁"!
然後仲一齊焗蛋糕仔,好好玩.
仲有一樣好的嘢,就係第二位姐姐已經嚟到我哋屋企啦, 佢叫做ME姐姐,係我奶奶以前個工人,之前返過印尼,但係又想返香港搵錢,所以我哋就請咗佢.
依家我哋一家有六個人,一個字,"勁"!
- May 16 Fri 2008 22:38
有親友自遠方來
我家親友真是遍佈世界很多地方, 細姑丈由君拿大回來,我們便約他飲茶, 他很喜歡小朋友的, 他抱著妹妹時個樣好"林"!
- May 15 Thu 2008 22:19
濕地公園
趁卓希爸仲放緊假，我哋就等卓希放咗學之後，到天水圍的濕地公園走一走！卓希近來同morfar係咁講有關鱷魚，所以其中一個目的都係去睇睇鱷魚！- May 14 Wed 2008 23:01
改名
妹妹終於有個中文名啦！楊芍婷！今日我仲同卓希爸去咗攞出世紙添！
另外，由於卓希九月開學的禮賢幼稚園係需要一個英文名，anders舅父幫忙諗咗好耐，終於改咗啦：Hayden
另外，由於卓希九月開學的禮賢幼稚園係需要一個英文名，anders舅父幫忙諗咗好耐，終於改咗啦：Hayden
- May 13 Tue 2008 21:54
昂平360
卓希爸今個星期放假,所以決定今日去昂平360行行走走.
- May 12 Mon 2008 21:07
青年恩福團會議
唉！放產假都係唔放過我，今日班學生嚟我屋企開會。因為七月就係夏令營，仲有好多嘢未決定，所以今日係咁商量。
個幾月無見過班學生，佢哋好似大過咗好多，不過又有d肥咗好多，超攪笑！原來佢哋好鐘意食薑醋的，今日係咁食薑醋蛋，好少年輕人會鐘意食薑醋，佢哋又唔同，仲要加添，真的好好笑！
個幾月無見過班學生，佢哋好似大過咗好多，不過又有d肥咗好多，超攪笑！原來佢哋好鐘意食薑醋的，今日係咁食薑醋蛋，好少年輕人會鐘意食薑醋，佢哋又唔同，仲要加添，真的好好笑！
- May 11 Sun 2008 15:42
洗禮
妹妹今日洗禮
- May 10 Sat 2008 17:31
溫馨夏日頌親恩
今日卓希的學校舉辦了“溫馨夏日頌親恩”的活動，目的是讓兒童用不同的表演節目頌讚及感謝家人的愛護。
正在等待表演的卓希
送給媽媽的禮物
- May 09 Fri 2008 21:49
好嘈，又好熱
唉！依個大維修真係好吵耳，早上都無事，下午想去休息時，就係咁係廚房外面係咁“轉”。好彩兩個小朋友都各自各的訓咗，咁嘈都無嘈醒佢哋，如果唔係我一定會破口大罵的。有時真係俾個大維修玩c，突然又嘈，咁我同得兩個小朋友去邊啫？去得遠又怕要趕回家煮飯，落樓下又怕到妹妹食奶時間，要佢係條大毛巾下食奶真的好熱！所以真的有苦自己知，下星期一定要諗定d地方去，再係咁人都癲！
- May 08 Thu 2008 21:28
改名
妹妹就快四十日啦！係時候要改名，我哋會用“芍”字係中間，因為堂家姐都係用依個“芍”(芍藥，白芍)。
爺爺俾咗d選擇我哋：
芍昕：黎明，明亮
芍芬：芬芳
芍蓓：蓓蕾
芍婷：娉婷，婷婷玉立
芍莛：麥莛兒
芍芙：芙蓉，芙蕖
不如都請大家俾d意見啦！星期日前一定要決定到，因為妹妹星期日洗禮啦，到時就要有一個決定性的名，下星期仲要去拿出世紙！
爺爺俾咗d選擇我哋：
芍昕：黎明，明亮
芍芬：芬芳
芍蓓：蓓蕾
芍婷：娉婷，婷婷玉立
芍莛：麥莛兒
芍芙：芙蓉，芙蕖
不如都請大家俾d意見啦！星期日前一定要決定到，因為妹妹星期日洗禮啦，到時就要有一個決定性的名，下星期仲要去拿出世紙！
- May 07 Wed 2008 22:23
第二次交留位費
今日要返九龍塘禮賢，為的是幫卓希交第二期的留位費！一早嫲嫲就過咗嚟，幫忙睇住妹妹先，我就一個人出咗去，嘩！好free的感覺！
其實仲有好多地方好想去，不過個心諗住個女係屋企，嫲嫲又要趕返屋企時，就快快返屋企睇住隻豬妹妹！
繼續追劇中！
其實仲有好多地方好想去，不過個心諗住個女係屋企，嫲嫲又要趕返屋企時，就快快返屋企睇住隻豬妹妹！
繼續追劇中！
- May 06 Tue 2008 21:48
近照
很多朋友都話我好少放妹妹的相上網，真的無時間，一有時間我都走上床到訓。所以日特別影咗少少相！
飲緊人奶時的“林”樣
換緊片片時的舒服樣
由於我哋屋成座樓做緊大維修，今日仲好似“四面楚歌”，廚房位的天井又有人係到做嘢，睡房外又有吊船，廳外又有另一架吊船，真的吵耳，所以下午決定入一入沙田mormor，morfar屋企，走開吓都好！咁啱，anders舅父的電單車係到，卓希就一定唔放過咁的機會！
天若有情的最新做型照！(哈哈哈，新一代的牛德華！)
mormor抱住妹妹的滿足樣
後記：
今早妹妹返咗健康院，重4.69kg，所有黃疸都無啦！
仲有呀，今日泵奶放入冰格時，見到一個壯觀的情況，就係save咗好多人奶呀！
猜猜有幾多袋？
答案係：15袋，每袋最少有五安，有d有成六安的！希望返工後可以保持啦！
飲緊人奶時的“林”樣
換緊片片時的舒服樣
由於我哋屋成座樓做緊大維修，今日仲好似“四面楚歌”，廚房位的天井又有人係到做嘢，睡房外又有吊船，廳外又有另一架吊船，真的吵耳，所以下午決定入一入沙田mormor，morfar屋企，走開吓都好！咁啱，anders舅父的電單車係到，卓希就一定唔放過咁的機會！
天若有情的最新做型照！(哈哈哈，新一代的牛德華！)
mormor抱住妹妹的滿足樣
後記：
今早妹妹返咗健康院，重4.69kg，所有黃疸都無啦！
仲有呀，今日泵奶放入冰格時，見到一個壯觀的情況，就係save咗好多人奶呀！
猜猜有幾多袋？
答案係：15袋，每袋最少有五安，有d有成六安的！希望返工後可以保持啦！
- May 05 Mon 2008 16:01
我真係發燒呀！
昨天發現右邊胸痛，今早起床就發現連左邊都痛。快快拿奶泵出嚟泵奶，但係中間最入的都係泵唔到，只係鬆到外面的範圍。要妹妹幫忙啜，佢又顧住訓。早上我還去了一趟銀行，在途中已經覺得自己唔妥，腰好似燒的痛，喉嚨又好熱，我知自己發燒了，快快返屋企。
唉！燒到39.4度，想去睇醫生，醫生又落咗場，成個人都無力落樓。上網找有關乳線炎的資料，見到原來好多餵人奶的媽媽為咗個小b，忍痛同發燒，一定要小b埋身餵！有一個仲食粒panadol，突然俾我諗起，懷孕時醫生給了些panadol給我看門口，都無食過，快快找它出來。然後用奶泵先把前奶泵出來，然後就要妹妹幫忙埋身食，果然鬆咗好多，個頭都無咁重。不過都係有痛的感覺，所以其實一日有三餐食奶粉的(要預備我返工後無咁多奶水麻)，便放棄一餐，全面要妹妹埋身！
下午訓咗半小時後，燒退咗少少，但都還有燒，要努力泵奶！
到晚上基本d燒都退咗，不過有部份都係未通得哂，妹妹要幫我呀！
- May 04 Sun 2008 21:18
好痛呀
今日下午決定要出外走走，便先到啟業村買家庭用品。跟著就帶卓希及妹妹(一定仲有卓希爸同tun姐姐啦)，去九龍灣大公園到玩！
我家公主仔成日都係偏偏係依個時候要埋身，其實佢自己攰到不得了，不過成日都要埋身先肯訓。咁我就用條毛巾遮住，成功地係公園到餵十分鐘人奶。
唔知係咪妹妹食得唔夠深，返到屋企我個胸開始有些痛，也許是乳線炎。洗澡時才有機會睇清楚，真係有一少部份地方硬硬哋，就係痛嗰個地方。唉！我要好小心處理先得，如果唔係會發燒的！
- May 03 Sat 2008 21:55
邊到有哺乳衣？
我就快出關，明天妹妹就一個月，我已經係咁諗要去邊到行，去邊到玩，去邊到SHOPPING買平嘢！
不過，一諗起今次妹妹係食全人奶時，麻煩就嚟啦，一、要搵地方“拿”起件衫嚟餵奶，二、我谷奶時又點算呢？我係BK見到有媽媽出街時係用BABY SLING，不過我已經有揹帶，唔想要多一條，所以思路便向哺乳衣到諗。
我係咁上網找，都唔係好多地方有，同埋D款麻麻地，仲有就係貴到C。都唔知今次妹妹會食人奶食幾耐(卓希食到五個月，不過當時只係早晚兩餐)
如果有乜嘢好介紹的話，請告知！
不過，一諗起今次妹妹係食全人奶時，麻煩就嚟啦，一、要搵地方“拿”起件衫嚟餵奶，二、我谷奶時又點算呢？我係BK見到有媽媽出街時係用BABY SLING，不過我已經有揹帶，唔想要多一條，所以思路便向哺乳衣到諗。
我係咁上網找，都唔係好多地方有，同埋D款麻麻地，仲有就係貴到C。都唔知今次妹妹會食人奶食幾耐(卓希食到五個月，不過當時只係早晚兩餐)
如果有乜嘢好介紹的話，請告知！
- May 02 Fri 2008 21:38
全城傳聖火
係電視到睇傳聖火就最好不過，網上有人開始自己都用msn傳聖火，等我都做下先！
ς§ς§ς§§
ς§§ς§ς§
ς§ς§ς§ς
\____/
\__/
\/
依個唔係雪糕筒(我今日用msn傳俾細佬時佢話似)，係網上朋友們所傳的聖火！大家都嚟傳吓啦！
ς§ς§ς§§
ς§§ς§ς§
ς§ς§ς§ς
\____/
\__/
\/
依個唔係雪糕筒(我今日用msn傳俾細佬時佢話似)，係網上朋友們所傳的聖火！大家都嚟傳吓啦！
廚藝“棒” (5)
