昨天已和mormor訂好了今天帶卓希去長洲，為的是讓他“跑”。雖然天文台話會落雨，但長洲只有陰天，沒有下雨。
我們到達長洲時，初初卓希有些不肯自己行，也許那環境令他不安。尤其是那些運泥的電油車，他第一次見，所以有些怕怕。我們無目的地週圍行，又行去朋友的茶餐廳，但原來她們今天休假，所以便去她們家找她們。又找到她們的婆婆，一起去飲茶，我們都相識了差不多三十年。記得以前小時，爸媽一放假就會帶我和弟弟去長洲小住兩三天，不過那時的我，很不喜歡去長洲，小姐脾氣的我覺得多蚊、又要住山頂(由碼頭行上去都要半小時之內)、又無電話、又無電視、總之就乜都無。最慘就係住完的最後那天要全屋打掃，洗哂所有的床單、打掃哂全屋(有成千尺的)，個時覺得係屋企仲做唔夠咩，放假又要做。
而負責看守這所度假屋的就是一對年老的婆婆和伯伯(就是今天的婆婆)，我當時每天都係到等佢哋的女回家可以和我傾計同玩！時間過得真快，伯伯已去世多年，姐姐都變咗做人哋的媽媽，今天我才知道佢的細女都大學畢業，真的歲月崔人老！
時間過得真快，又係時候SAY GOODBYE，因為mormor約了朋友，所以我哋唔可以係長洲留太長的時間，下午三時半已經返到屋企了。點知剛剛回去屋企樓下，就係咁落好好好好好大的雨。當時我心裏真的感謝神，因為我們回到家了，如果還是在長洲的話就大件事啦！
晚上收到馮姑的電話，得知她已生了七磅的小兒子，真的很開心。不過也替她辛苦，因為她痛了成三十小時，都只係開得三度，要開刀生。依家我諗起生小朋友個種痛時，都有怕怕。不過生完之後見到小朋友的那種喜悅，是無法形容的。
suklaic 發表在 痞客邦 留言(0) 人氣()
其實麻，有時我會覺得自己好幸福，有時又會覺得自己好辛苦。
像今天返完教會之後，我哋一家去hollywood plaza，食飯、睇丁字床、行bossini等時，我會同卓希係咁爭要卓希爸，嗰時我會覺得自己好幸福， 大家一家人好開心咁彼此相愛。但係一到卓希爸同卓希一齊唔同我合作時，我會氣到出煙。又會自己罵自己怎會走入這個楊家當中，每次一落街，卓希就會要爸爸抱，抱得多，雙腳的大肌唔攰的話，咪行得唔好！依個咁簡單的原理，卓希爸都唔去合作，成日就係咁抱卓希，氣到我生蝦咁跳！無眼睇！
話說今日我哋一齊去睇床給卓希同新姐姐，都諗住唔會咁快買，因為想卓希習慣多d自己房，同想新姐姐陪住卓希訓係佢身邊耐d先買床。我哋的心水係翡翠的丁字床！買現成的都要成四千幾元，我哋間房仔細咗三吋，所以要訂做，都要成五千二。d錢好似唔係錢咁，好似倒水咁。
跟著我哋就上咗飛鵝山到行，我負責楂住車，佢哋兩父子就係半路開始自己行上山(鬼叫我老公無車牌咩！)每每去到一個避車處，我就係咁叫：「希希！」咁卓希聽到後，就會行得好快咁飛嚟我身邊！佢好勁，連卓希爸都話要上車啦，佢都話唔想，要行！所以話平時都係卓希爸縱壞哂！不過可惜的是我太興奮地和卓希玩，忘記了影相，真失敗！
suklaic 發表在 痞客邦 留言(2) 人氣()
我好鬼鐘意食蛋卷，一見到某商場見到有人即場做蛋卷時，就會即買。聽人講過話北角有間
“德成號”(都係近來先知)，就托羅姑娘幫我買，佢話原來依間“德成號”日日都好快賣哂所有的蛋卷！咁利害？？？
今日羅姑娘終於幫我買到啦！嘩！真的好好味，卓希都一口氣食咗兩條。我諗我哋會好快就食哂佢的啦！(好開心呀！)
suklaic 發表在 痞客邦 留言(3) 人氣()
今日我又帶卓希返工啦，不過今次英姐又請咗假、judy ee又出咗去探訪。所以成層三樓只係得我哋幾個，就要將卓希收埋！哈哈哈！
不過我都無乜點理佢，一返到學校，佢就係辦公室到玩玩具，跟著我哋一齊食飯盒，然後就由芳ee睇住卓希，我就去咗福音週的午間點唱。點唱完之後，就去上堂，上完堂之後返辦公室，就見到卓希訓咗。我一路都無乜點理佢，都係芳ee主力照顧佢！我仲有時間罰人添！
下午卓希醒咗之後，就同三樓嗰d姐姐們一齊玩，又係到跑，由我辦公室跑到職員休息室。後來仲係職員休息到睇聖經vcd添！
晚上青年團的第三組又出去啦！去山頂，所以咪又帶卓希返工囉！今晚卓希得一個字“勁”，全程自己行，下午已經跑咗一輪，晚上仲同我哋係山頂到行圈！間直係fit到不得了。
suklaic 發表在 痞客邦 留言(0) 人氣()
suklaic 發表在 痞客邦 留言(0) 人氣()
近來，我的腦裏時常在想一個問題，我是否轉職呢？十年前，上帝把我放在這個事奉的崗位上，十年後的今天，機會來了，可以轉職，但我又會需要好慎重的考慮。
兩份工作我都有興趣，而且咐合我的性格。新的工場會有更多的section head 的決策要定，依個也是我心裏的一個令我反覆思想的問題。因為我要認定到底自己是否有能力做新的工場，另外，也是最重要的，不是為了權力而轉。
今天和judy傾了一段時間，期間鼓起勇氣告知自己對權力的有關思想。各人認識我多年，都知道我真的不喜歡別人叫我做“主任”，因為覺得自己和別人真的沒有分別。所以近來有這思想會覺得自己好唔啱，好似有一個心魔魔係心裏，叫自己轉工場只是為了權力。一直以來都沒有答應，也沒有再深的表示，為的是要先整頓自己的思路，內心禱告了很多遍，都未能清楚知道前路如何。我不是表示自己很聖潔，而係覺得自己有咁樣的思想好污穢，做神的工作是不可以咁樣諗的。今天和judy傾了時，真的為自己這樣不妥的思想而哭了。judy真的好好，用了聖經以斯怗來和我分享，以斯怗也不是希望自己當皇后的，但天父把她放在那位置時，自然有衪自己美好的計劃。(救了全國以色列人)
自問無以斯怗咁偉大，眼前也未能看到如果真的轉咗新工場的話，有何大的作為。不過會不繼地把這件事放在禱告中，求神給我指引，引我行一條正確的路，不是為自己，而是為了天父的事工。
suklaic 發表在 痞客邦 留言(0) 人氣()
天氣真的唔好，濕濕淋淋咁，卓希都有d忟忟哋。昨天晚上凌晨兩點半就係咁喊，又扭計，係咁扭卓希爸抱，又扭要食奶。當然我唔會又係半夜俾奶佢食，因為已經戒咗奶咀。佢訓到成頭都係嗅汗，今日訓下午個覺時，訓訓下又醒下，又喊下。所以今晚我哋都要剪綵咁用冷氣啦，搬咗嚟都成兩個月，第一次開冷氣。
卓希爸係出名慳到不得了的，以前我熱到連皮膚都紅到一逹逹，佢晚上都唔肯開冷氣。就算我唔理佢，自己開冷氣，佢都會自己走咗出廳到訓。但係依家為咗個仔，只係三月尾咋，已經要開冷氣啦！阿仔萬歲！
suklaic 發表在 痞客邦 留言(2) 人氣()
卓希一路以來都好鐘意“車，”記得我細路細時又係咁，直致到爸媽買lego給他就自己諗出好多唔同的創意出來。
所以由卓希兩歲生日時，我哋就話所有的車都係lego就最好，因為可以由得佢自己係咁砌。初初卓希都唔識砌的，當時我都有諗係咪自己心急呢？不過這一個月以來，佢的住展真的好快，加上我哋有時會砌不同的方法給他看，所以佢依家就真的係自己砌。好似上次為了戒奶咀而買的消防車，同他一齊砌好後，佢有自己的意見，又話唔係咁，又話要咁，又要咁。今日佢又有自己的創意啦！
所以我同卓希爸都決定，下一步要卓希戒片的話，都係會以買lego為主，不過就真的好貴。佢貴在要找人design，又design得嚟要可以給小朋友的小肌自己做到的。不過為咗鼓勵卓希同引佢做到我們的要求時，貴一貴都要買。最多嗰個月自己買少兩件衫啦！(我已經好耐無買衫啦！因為怕好似報紙個段新聞咁“無哂大碼”！)
suklaic 發表在 痞客邦 留言(0) 人氣()
我今多年以來都唔會儲惠康印花，不過今次例外，因為想要架“單車”。
卓希爸話跟本無可能，依個我都知，不過就當係我自己一種的興趣，要儲成750個印花才可以免費換取這部單車。想要單車的原因係因為佢係可以摺合得的(方便儲藏)，有避震、6前速波箱、可調校高低。聽落都好似幾好咁，而且一我哋落樓行五分鐘就有單車公園，可以換定的話，以卓希咁鐘意“車”的性格，就一定有用得著的地方。就算佢未用得著，我同卓希爸都可以去玩下啦！
不過由去年十一月至今天為至，我都只係儲到188個印花，
幾時到750個呢？如果只係用200或500個印花再加錢去換的話，我都覺得唔化算。所以各位朋友，如有惠康印花的話，請告知！謝謝！
suklaic 發表在 痞客邦 留言(0) 人氣()
卓希爸係學校到可以以平的價錢買到disney的卡通片，一百元有成八隻，一開始就給卓希睇白雪公主，跟住就煩啦！佢日日都公主前，又公主後，
一日到黑都要睇公主。“主”到我頭都暈，我開始問他，「咁媽媽媽靚定係公主靚呀？」佢又話公主！(仲咗毒！)
咁今日我又問佢，「王子靚定係bb靚？」佢的答案居然係：「公主！」真係俾佢笑c！不過又一定要人陪佢睇，因為一有個繼母同塊魔鏡時，又要人攬住佢條腰嚟睇住電視，真的好好笑！
依個仔有時真的好感性，佢唔單只會同一般男仔一樣鐘意“車”，佢又會kiss自己嗰d公仔，又好緊張d公仔。今次仲加埋白雪公主添，唔話佢毑毑哋都唔得！
suklaic 發表在 痞客邦 留言(0) 人氣()
卓希昨晚連續兩次係一點同五點四十分要飲奶奶，我攰到簡直想c！一早七點三十分又起咗身，芳ee到咗都要卓希爸陪，我就打c都唔起身。成個背脊都係痛，唔知係咪昨天的唔舒服的延續呢？
所以我哋一家大小就浩浩蕩蕩咁，晨早就去德福，去銀行、郵局、麵包廊，仲有就係去馬沙買復活蛋。
因為依家教緊小一及小二用唔同方法整復活籃，又答應佢哋如果做得靚靚的話，周老師就會買朱古力復活蛋給他們放係個籃到。但係我都唔知邊到有復活蛋賣，只係見到馬沙有，貴到我跳起，鬼叫自己答應在先咩，所以都一定要去買啦！一人一粒咋！(肉都痛埋，卓希都無得食，因怕他會有啖而咳！)
suklaic 發表在 痞客邦 留言(0) 人氣()
嗯！有好重要的事情，要做決定，仲係考慮中。不過都要諗下自己的能力是否能應付，同是否真的正確！
suklaic 發表在 痞客邦 留言(1) 人氣()
今日收到好多卓希fans的e-mail，真的令我好感動，好多好好的人關心我哋一家，又叫我唔好為咗依個學生動氣！先先多謝你哋的關心，我考慮了一段時間，決定唔加密碼啦！你哋繼續睇啦！不過得閒留吓言，等我都知有邊個嚟過麻！
今日放學後，我同陳姑娘就開始了大迫供，係咁要嗰個痴心的學生講哂點樣知道我d網址，同點樣知道我的msn地址。不過佢大話連編，仲話係jj俾我的e-mail地址給她，點知我仲可以立即打給jj，證實佢講大話。我同陳姑娘要佢開哂所有佢的e-mail account，delete哂佢save我的資料！佢成日話係佢自己亂咁打然後就找到我的e-mail，根本無可能！佢又話係yahoo到找到我的blog，但係我試過係yahoo到只會找到yahoo同ｍsn的blog，完全無依個pixnet的blog(只喺係G字頭嗰到才找到！)
唉！我都唔知點話佢，今日直頭問佢點解會咁喜歡我，唔放過我？佢話係因為我以前無罵過佢！簡直廢話，我咁的性格點會唔話佢，以前都有話過佢啦！總之佢係一個大話蓋過另一個大話，連佢自己都信哂自己的大話！我星期一會再同陳姑娘迫佢講的，點都要知佢係邊到得知我的msn e-mail！
suklaic 發表在 痞客邦 留言(1) 人氣()
我的同事光龍介紹我飲依隻咖啡，真的好好味！！！
其實自從由瑞典返到香港後，覺得香港的咖啡真的無個種“咖啡香”的味。另一方面，香港人飲咖啡大多是加糖又加奶，但我係飲黑咖啡，乜都唔加。再講，我以前上過美容班，原來茶同咖啡都會令到雀斑增多，所以都為咗靚同個人口味，戒咗好多年。不過今次試飲咗一杯後，又覺得依隻好好飲，佢唔會太甜，奶又唔係好多，對我嚟講最重要就係個種咖啡香味真的好濃。所以都忍唔住係超巿到買一盒返辦公室到飲。原來一盒都唔平的，成四十多元，不過就有二十包。嗯！！！好好味！！！我D咖啡蟲癮又返嚟啦！！！
P.S.我唔係喺到賣廣告！
suklaic 發表在 痞客邦 留言(1) 人氣()
前兩天我都唔敢咁開心，但今天早上真的很開心。因為卓希自戒奶咀以來，連續第三晚無扭到要奶咀，開心到我飛起！
有兩晚半夜都有走過嚟要同我哋訓，但昨天晚上就自己係床到一覺訓到大天光，仲訓到早上八點才起床！真的感謝神，因為自卓希出世後，我都未試過可以一訓就訓成晚，通常都要起身照顧佢，所以我真的很開心！卓希努力加油！
近來我都會係到諗自己的工作能力，為何會咁諗呢？係因為工作量越來越多，有時唔想take up嗰d的工作又唔得，係因為嗰d的工作係真屬於我的範圍。有時真的做到喘不過氣來，會唔會係時候轉換工作的性質呢？因為某種原因，我要係五月前做決定，我都係十五十六！求天父給我聰明智慧去想，去決定！
簡直係大shock，俾我發現令到我要轉blog的學生居然找到我的blog，好討厭！我唔會再轉blog，如俾我發現佢又係出面週圍講我d嘢，又或者又copy我的日記話，一定會狠狠地罵她！(唔怪得知一日有咁多個人入嚟睇啦！又係佢作怪！)
所以，各位，基於這個原因，我又會set 密碼啦，如果你想繼續睇我們的近況話，請告知你們的網址，那我便可以set入電腦到！請send去我的e-mail：suklaic@hotmail.com
你話啦！又煩到我啦！
suklaic 發表在 痞客邦 留言(3) 人氣()
求天父加給卓希力量，可以戒掉奶咀！ 係戒奶咀的第三及第四天, 卓希晚上已經沒有醒話要奶咀了, 感謝神. 另外, 在戒奶咀的第四天白天, 也不用抱著才能訓著. 佢媽媽我真的很高興.
卓希媽四月十六日及二十三日考試，兩科，求天父給我時間與力量去應付！
卓希爸學校三月二十四日校友會的盆菜燕，求天父幫助一班校友和卓希爸一同計劃與合作！
和院長開宗教會，傾了很多有關福音事工部方面的轉變，求天父給我們三人力量去面對，尤其是大家的前路應樣去走。
新姐姐將會在四月中到香港, 求天父給我們一家能適應, 尤其是卓希要學習和她相處. 求天父給我力量去教導新姐姐怎樣處理家務及照顧卓希. 其實我真的有擔心, 因為我未試過train人的, 芳ee做家務都係自動波, 佢見過我係咁做, 佢就會有時記得一樣係咁做. 所以真的求天父給我耐性.
也為到芳ee的去向祈禱, 她還未有任何的打算. 求天父給她開路.
suklaic 發表在 痞客邦 留言(0) 人氣()
都唔夠二十四小時，(只係早上十一時三十分咋) 就有成百幾個人瀏覽我個網！！！！！
到底係乜嘢人呢？？？希望唔好係嗰個痴心學生就得啦！！！
晚上返到屋企，嘩！成二百幾人，真的奇怪？
我都只係比咗d好熟的朋友知我哋的網址，真的奇怪！
今晚早咗返屋企，見到芳ee慢手慢腳我就有d火滾，煮飯前梗係預備好哂所有的餸，洗哂佢，同cut哂佢，點知乜都味做，只係yip哂d肉！氣到我不得了，話咗卓希同我哋一齊食的話，就要六時半就食，因為下午佢無乜食下午茶，等我哋返屋企先食，免得佢食唔落！唉！只好係芳ee同卓希沖涼的時候，快快手的自己做，卓希食到yummy yummy！我都好耐無正式咁落廚，都怕自己生手，不過為咗唔想再食芳ee個d無味的餸話，就要自己做啦！都好，見到卓希爸同卓希食得咁快又食哂時，就知道自己所做的無白廢到！
晚上八掛去吉媽的BLOG到睇下佢哋發生乜事時，見到小吉發難的短片，令到我有感而發。就係其實小吉同卓希兩個都識得用說話表達，但係很多時也許他們有道理的，也會唔理三七二十一，先發難，等你哋班大人買佢怕先！所以近來如果卓希會咁樣發難時，我會教他正確的表達方式先，然後才做他的要求(如合理的話！)教自己個仔真的好好好好難，不過，有時又超可愛！
suklaic 發表在 痞客邦 留言(0) 人氣()
阡陌社區浸信會舉辦的佈道會
日期 : 2007年3月23-24日
時間 : 晚上8時
地點 : 紅磡香港體育館
講員 : 林以諾牧師
林牧師真的好好，每次佈道會都會給心光學生免費的入場票。次次都係最前的幾行(因為弱視的學生太遠便看不到)，最前的幾行都係最貴的，像今次的，每張都係成三百大元，有成三十張票，所以都成幾萬元。
今日下午我要三點半之前到青衣拿這些入場卷，而早上又有多堂，所以要係出去之前做好一些文件的檔案處理。，但係個心就好想去禮堂，因為今日係心光的話劇比賽，學生們預備咗好耐，好認真地練，今早七時四十五分已經係飯堂到係咁練，所以真的好想睇。奈何我未攪惦自己的工作，無得睇！做完之後，又夠鐘要出去了！唉！我幾時攪得點d工作呢？？？
suklaic 發表在 痞客邦 留言(0) 人氣()
我的blog pet都養咗一段時間，由於我時常忙工作同家庭，仲有晚上要讀書，便無乜嘢理過隻blog pet，只係盡責地日日係咁寫日記，作為它們的食糧。
幸好見到吉媽的blogpet已進入另一階段，才知道原來每隻blog pet在不同的階段會有唔同的特徵，咁我都去下自己個日記到睇下！
多謝小丁的提醒，給我看到自己第一隻的“小淘氣”已經進入另一階段，當我按下它時，今天還發現佢會係頭頂噴唔知d乜嘢出嚟，
超攪笑！
仲識得同我玩，又有行羞家的鼻水，
最攪笑就係突然頭頂會有條草，
但係又會消失的，真的好得意！
suklaic 發表在 痞客邦 留言(0) 人氣()
卓希依兩晚去到半夜都有找奶咀，係咁發癲咁講“奶咀”，提佢話已經扔咗佢仲吵多d，只好話開奶奶給他。不過我會以四安水加兩匙奶粉，d味淡到不得了，不過卓希飲完之後都訓返。其實佢係好好好想要有啜奶咁的感覺啫！
我上網找lego的玩具時，找到依個bob the builder的dig set。咁諗住返完教會之後，就去尖沙咀的玩具反嘔城到買答應咗的嘢，點知咁大間的玩具反嘔城都唔係齊哂所有的model，俾卓希見到依架消防車fire truck，佢喜歡到不得了，我問佢點解爸媽會買玩具呀？佢唔知幾識答，又話要乖乖，又話訓覺唔要奶咀咀，講就天下無敵，到晚上半夜時做就無能為力！
我哋兩個都認為買lego就係最好，因為可以給卓希自己發展創作能力，唔一定係一款的玩法，可以自己整好多唔同的方法，所以日後d玩具都會以lego為主！
suklaic 發表在 痞客邦 留言(0) 人氣()
今日又係得我一個人湊住卓希，因為卓希爸要返工，所以全日都係我一個人照顧隻b仔。話說佢要戒奶咀，不過要佢無咗奶咀後自己訓(日頭)就真係難咗少少，但係為咗鼓勵佢，我哋決定買佢鐘意的工程車lego給他。
晚上去飲之前，我哋就去咗吉之島，諗住咁大間公司，就一定有我哋係上網所見到的bob the builder lego，點知係無，而卓希爸又衰多口咁話咗俾卓希知話我哋會買玩具，所以就粗粗地買咗一set四架九巴給他嚟頂住。
晚上去咗九龍灣展貿到飲，jason and eppie，聽就聽咗成年幾兩年話佢哋要結婚。今晚終於係佢哋的大喜日子，卓希都算係咁，成晚都玩個四架九巴，到最後都係頂唔順，十一點走人。點都叫做到過麻！
suklaic 發表在 痞客邦 留言(0) 人氣()
今天我補假，可以係屋企同卓希一齊。本來係想帶他去太平山去跑下，點知係我經過昨天的工作太攰，唔去啦！便約了mormor去沙田食飯同上道風山探morfar。
未出門口之前，要先同卓希噴鼻，由於佢遺傳咗我的鼻敏感，成日好多鼻水倒流，而形成好多咳，所以依家日日佢都要噴鼻，而次次佢都係咁的樣！
激c！
我哋先先去沙田的ikea食飯，好好味，都有少少掛住d瑞典餐，跟著卓希就去玩波波池。但係我都唔俾佢玩咁耐，一來佢係最細嗰個(今次大人唔可以跟入去)，二來見到佢d小朋友玩得好癲，怕會唔小心整到卓希。跟著就上咗道風山，探morfar，仲係嗰到食好好味的馬沙餅。
之後我怕卓希眼訓，便回家，佢真的係車到訓咗，不過都唔食芳ee點樣放底佢的，一放底佢就醒咗，係咁扭我抱。c啦！我仲要換衫去學校的annuel dinner，咁點算？只好開電視，卓希近來喜歡看白雪公主，咁就利用下依隻vcd，俾我有些空間。
係返屋企的途中，我同卓希落咗車，係沙田一個不知名的垃圾桶到做咗一個好決絕的事情，就係把他的奶咀扔掉。仲係要卓希自己扔的，我只係同佢講，如果佢肯戒咗奶咀，訓下午覺時唔要奶咀(晚上我同卓希爸係屋企，佢唔會要奶咀訓覺的)，咁我就會買他心愛的車車。卓希勁快咁扔掉奶咀，我都要計劃快d明天買給他先！希望成功啦！如果唔係，芳ee又會有好多說話給我聽的！(最多comment同最煩就係佢！)
晚上去了心光一年一度的annuel dinner，MR SCALES話都已經有七年無係晚上攪annuel dinner，我都唔記得咗有幾多年，不過只係記得上次最後一次係晚上的anneul dinner 係我做MC，話過無下次的！今年對我自己嚟講，都有少少特別，就係拿了係十光服務的老人牌。不經不覺就十年啦！回望過去真的感謝神一路的帶領，如果無天父給我力量的話，我唔會做到今天！感謝主！
suklaic 發表在 痞客邦 留言(0) 人氣()
都唔知係咪我欠咗d生楊的，日頭有楊兆泓煩住，依晚就有楊卓希唔訓。話說唔知係咪天氣暖咗少少，卓希今天和昨天早上凌晨五點就起身，煩到c，一時又話大大，一時又話要出去(廳)。我好想找人嚟出氣，不過都攰到無哂力，本以為佢經過昨天郁動咗咁多，會大覺訓耐d，點知仲早過平時起身！楊生，放過我吧！
suklaic 發表在 痞客邦 留言(0) 人氣()
今日我擔粗粗的帶卓希返工，將佢收埋係辦公室，因為晚上團契分組活動會去赤柱，想帶埋卓希一齊去。但係我又唔放心芳ee自己帶著他搭車嚟心光找我，所以便要卓希同芳ee屈蛇係辦公室，要佢哋等我成日，晚上六點先出發！
對卓希嚟講，當然係開心啦！十一點幾返到心光後，佢就係我辦公室到玩契媽課室的玩具。十二點幾，我哋叮飯食，三個人係辦公室到食自己帶嚟的飯盒。
跟著，我就等卓希唔為意的時候走開咗，要預備上堂，唔可以俾佢跟著。不過隻衰豬成日都係咁要搵“英姐”，令到英姐鬼咁開心。我上完堂返嚟後，以為佢訓咗啦，點知原來佢太高興(可想言之佢係屋企只係對著芳ee係幾咁悶)，過咗成三個鐘都唔肯訓。所以我上完堂之後就“暗”咗佢成半小時先訓到，佢賓在太興奮啦！
佢只係訓咗一小時，因為我打點字時，點字機比較大聲，所以佢咪醒咗。不過都好，那時也差不多五點，我要去崇拜的時間，就由芳ee幫卓希沖涼先！
六點啦！終於出發了，卓希一坐上心光校巴已經開心到不得了，我哋去赤柱先去醫肚(M記)，然後週圍去行下，
係沙灘到坐下來，大家傾下計！卓希就不停咁玩，走圍走，成晚都無要抱過，係咁自己行，所以真的可愛之極！
係回程時，我同芳ee都用唔同的方法，要令卓希唔好係車到訓，返到屋企，仲要幫佢沖多次涼，因為佢實在跑得太多，成身都係嗅汗，我好希望佢會攰到明天訓耐d，訓耐d，訓耐d！
suklaic 發表在 痞客邦 留言(0) 人氣()
媽媽成日都叫我玩完d玩具要自己執，不過都唔明，就咁放哂d玩具係到咪好！我一早起身又有得玩，都唔明d大人諗乜的？仲有呀，晚晚媽媽都用最後個支奶嚟迫我執玩具的，好！我唔使你哋大人幫我，bb自己嚟！
suklaic 發表在 痞客邦 留言(0) 人氣()
好想幫個blog換下新衫，依個舊的便成為歷史，但其實我都好鐘意舊的，因為有我同吉媽的心血係到！不過講真，如果唔係識到吉媽，又如果唔係見到佢個日記，又又如果唔係佢鼓勵我的話，我都唔會有今日的blog，同咁好心機晚晚係打字(返工仲打唔夠咩！)
舊介面，bye bye啦！
suklaic 發表在 痞客邦 留言(0) 人氣()
suklaic 發表在 痞客邦 留言(0) 人氣()
點可以咁架！所以今天我都有意無意咁係佢面前到執。佢成日係我想執嘢時，就出手做，我一定唔會俾佢做，如果佢真的咁醒目的話，我返工的日子，卓希訓覺的時間，佢就有大把時間做啦，便乜我要做的時候佢又出手。寧願我自己辛苦，都要整好屋企放嘢的SYSTEM，等日後新姐姐嚟的時候，有好的開始！
。
JASON話我使乜咁緊張？我話新的介面好溫馨的，我好想有時睇一睇麻，佢話：你真的為仔狂！咁我都認少少，依樣的狂對我來說係一種對卓希的補償，因為係佢最需要媽媽的這個時段我唔係佢身邊，這件事也令我緊緊於懷的！(現在我才明白為何當年馬姑娘會為咗個女而放棄宿舍部的工作！)
我都唔知為何當初會養她，一時貪新鮮吧！
廚藝“棒” (5)
