目前分類:難得出去wet (85)

瀏覽方式: 標題列表 簡短摘要

昨晚在FACEBOOK臨訓前和媽媽們討論今日公眾假期有乜嘢攪作,熄機前我就係咁二提議:「大埔海濱公園」,點知今日正在做FACIAL時,恩琳媽媽打來,問是否堅的,橫點老公病咗,佢就一定唔跟的,又唔想係屋企,一於奉陪去玩!

嘩!一個電話,四個家庭齊齊去玩,然後仲去沙田搵第五個家庭一齊食飯,超開心哋玩足七小時!

page.jpg 

page2.jpg 

suklaic 發表在 痞客邦 留言(0) 人氣()

  • Sep 23 Thu 2010 22:23
  • 去玩

今日係中秋節補假日,工人姐姐放假,我哋一家無乜地方好去,都只好去九龍玩到玩,試下用部新IPHONE嚟影相先!

IMG_0001.JPG 

IMG_0003.JPG 

IMG_0004.JPG 

連影影片都幾好,不過真係唔係好識用住!

 

suklaic 發表在 痞客邦 留言(0) 人氣()

今日放咗工後,等咗好耐都無尖沙咀的車,終於都係要跳咗上架旺角VAN,我成日諗,如果唔係心光去九龍灣的交通咁麻煩,我一定唔會再楂車,依家過TUNNEL真係好貴呀!

去咗旺角,都係為咗個IP CAM配番一個好D的SPEAKER,依家有一個SPEAKER後,同屋企的關係好似拉近咗少少,不過今年真係忙到都無時間睇個CAM!

跟著就去尖沙咀MEET老公及兩個小朋友,佢哋就由屋企出嚟,為咗去睇花燈,今年的花燈主題就係:「香港彰月狂想曲」。我哋一家人又有藉口出去玩下,行下,走下,散下心!

為咗個女而買的美心HELLO KITTY月餅!

page7.jpg 

page.jpg 

page2.jpg 

page3.jpg 

page4.jpg 

page5.jpg 

page6.jpg 

suklaic 發表在 痞客邦 留言(0) 人氣()

今早返咗教會,我好多個星期都無得聽道,老公話佢陪小朋友上去主日學,咁我就好好咁聽分享啦,哈!原來今日係爸爸講道,我都唔知添!聽聽下,老公就SMS給我,妹妹又要找我啦!今次我話我想聽,唔上去,如果真係攪唔點,就帶佢落嚟啦,真係落咗嚟!妹妹一入門口,就大大聲咁講:「係MORFAR呀!」攪到正在講道的爸爸都要答佢:「係呀,係呀!」超好笑!

下午,我哋帶埋啟言及玲玲姐姐,整整向黃金海岸酒店出發,好彩教會的RUBY幫我哋,令到我哋可以入住主題房,真係好開心,唔使我日日係屋企係咁諗快要返工啦!

page.jpg 

page2.jpg 

page3.jpg 

page4.jpg 

page5.jpg 

page6.jpg 

suklaic 發表在 痞客邦 留言(0) 人氣()

離要返工的日子越來越近,心情真的麻麻地,而且要幫屋企買嘢日用品,一開始開工,我就會忙到乜都無時間。

好啦!老公就返工,我就帶一對仔女去買嘢,先先去mega box,妹妹的白色底衫,內褲,黑鞋,白波鞋,認真係錢、錢、錢,倒水咁買嘢!

mega box買咗一輪後,又去咗淘大的銀行到辦私人的事,然後mormor打嚟,問:「我哋幾時見?」我真係忙到不得了,不過兩個小朋友好鐘意佢哋,所以都要見見。之但係morfar開會開到成五點,佢哋想去城門水塘到俾小朋友玩山水,我唔想,怕收咗太陽之後,會冷親佢哋,所以提議去大埔海濱公園到有簡單的野餐,哈,居然過到關,話好!

返到屋企,我同工人me姐姐係咁好忙咁準備野餐的食物,燒賣、三文治、腸仔等,仲叫咗三個飯盒,然後預備好多凍飲!

 原來依個時間去海濱公園真係好舒服,雖然係無風,但無個種的熱,好舒服,個個都好開心,最重要係車可以去到,方便拎好多嘢都得!

 所以,返到屋企,我都散哂!但係依個假期同對仔女玩得好開心!

page.jpg 

page2.jpg 

page3.jpg 

suklaic 發表在 痞客邦 留言(0) 人氣()

今日心血來潮,一家人先先去咗科大到飲茶,然後就去咗西貢大坳門放風爭,五個同行,就只有我一個識得起個風爭,真係超攪笑!兩個小朋友玩咗一陣就去咗去玩草,連風爭都唔要啦!

page.jpg 

page2.jpg 

page3.jpg 

page4.jpg 

suklaic 發表在 痞客邦 留言(0) 人氣()

一個星期前,已經打咗電話去絧纙灣的中央圖書館的玩具圖書館去BOOK時間。所以今早老公返工後,嗱嗱臨我哋三個就出街啦!為咗怕帶著兩個,又帶著車仔,又拎住兩袋嘢咁上巴士,我選擇咗楂車,泊係大球場。今早我已經BRIEF咗卓希,架車泊到好遠,一定要行,千祈千祈唔可以扭計,如果唔係第時我唔會再BOOK玩具圖書館的。所以卓來回兩次,卓希都好合作,因為佢有心理準備!

兩個小朋友係玩具圖書館內玩得好開心,開心到唔想走,好彩係D姐姐們要佢哋走,咁先肯走人。然後我哋係圖書館內睇咗一小時的圖書,卓希好用心咁去睇,反而今次係妹妹係到攪攪震,仲問我走未呀!

跟著打給細姑姐,佢哋居然無出到絧纙灣,好,我哋自己三個去找食。一起行到AGNIS B CAFE,大家都被佢的蛋糕吸引著,好吧,一起分一個SET LUNCH,當中包括一件蛋糕,本來兩個一坐底就話要食蛋糕,唔食麵包,點知我話唔食麵包就唔准食蛋糕。一係唔食,一食就食到唔停,成個FRENCH BREAD兩個小朋友食哂,跟著仲蛋糕,超開心,因為我哋三個都係不一定要食飯之人,無壓力呀!

page.jpg 

page2.jpg 

點知後來我做咗一個壞的決定,就係去咗SOGO的玩具部,兩個小朋友一睇到D玩具,眼發光,腳都唔係郁!妹妹就癡住TOY STORY 3的玩具,卓希就癡住D打架的車仔。幸好,我話走時起碼有一個同我合作,另一個就被我夾上車仔,走人!

返到麗晶,去咗租碟的店舖,租咗隻TOY STOY 1給他們看,開心到不得了,好囉,我就趁這個時間做做家務。細姑姐一家後來到我們家,為咗上網,然後我哋就一起去九龍城金寶到食泰國菜,細姑姐讚個條魚讚到不停!(本來係想去隆姐的,但太多人,但金寶都唔差!)卓希芍婷好鐘意同表舅父玩,成日表舅父表舅父咁叫,真係起哂雞皮!

suklaic 發表在 痞客邦 留言(0) 人氣()

  • Aug 10 Tue 2010 21:24
  • 包池

今早卓希學游水,教練話佢今日唔聽話,也許係去旅行玩散咗個心,唔聽教練指示!其實都唔只今日唔聽指示的啦,一路以嚟都係咁,尤其是佢有個所謂的慈父包庇住佢,所以近來我用印花制度,係得我一個可以給印花,佢要學吓聽人講嘢!

下午返咗心光到游水,簡直就係包咗個私人泳池,最靚的CLUB HOUSE都無今日咁正!救生員鍾叔仲特登開咗兩把沙灘傘給我們,等我們在水中都有一個陰的地方。

我一路楂車返去,個心就怦怦咁跳得好急,越近就越心跳加速。其實係屋企我已經行又唔係,企又唔係,執行裝時已經好散慢,同平時的我唔似,點知返到心光,係更衣室到先諗起平時會帶的妹妹尿片及兩個小朋友的水樽都全忘記!很久前我已諗要返一返去,睇吓自己的反應如何,唔想八月尾先返到去後要困住足足八小時才走得。想係自己自由身時,返一返去,如果頂唔住都可以自由地走人,等自己再次適應,唔想迫自己處於透唔到氣的狀況。今日見到啦,我係一片雲,都係要多D時間去適應才可以。

兩個小朋友玩得超開心,之後我哋仲去咗APM到食嘢,返到屋企,散嗰個係我!仲失敗的,是我哋無帶到相機,無影到兩個小朋友的歡樂時光!唉!真係失魂!

suklaic 發表在 痞客邦 留言(0) 人氣()

今日一早返咗教會,崇拜完咗之後,我哋就出發去東涌,因為約咗JASON,佢好鬼大膽,係無通行證之下要試楂車入去大嶼山,咁有方便車的話,我哋一於照跟!

真係好好天,又唔係太熱或太曬,不過回到家後我都發現自己紅哂!

page.jpg 

本來,我真係真係真係好想同D同事一齊去食晚飯,因為當中又有一些舊同事,但係我又好彩哋無,因為婷婷訓到返屋企,然後係咁扭計,話仲要去挖蜆,又話要去街,連飯都唔肯食。好彩無俾到D咁的情境我的同事見到啫,尤其是我會成個癲婆咁話佢!

suklaic 發表在 痞客邦 留言(1) 人氣()

我哋未放暑假之前,已經話要去科學館到再玩,今次真係好開心,係咁玩!不過,真係超多人,由祖國嚟的小朋友,真係唔知乜嘢係守規則,我好幾次都話佢哋要排隊,真的UN頂TABLE!


希希楂車就睇唔清個MON,妹妹楂車就未望過前面,仲成日扭錯駄,真係笑C我!

page.jpg 

page2.jpg 

page3.jpg 

suklaic 發表在 痞客邦 留言(0) 人氣()

今日一早,卓希學完英文後,我哋就出發去機場,因為要接由加拿大回來的細姑姐一家三口!

page.jpg 

page2.jpg 

送咗佢哋返慈雲山屋企後,就返屋企,休息咗一陣後,老公提議去食自助餐,點知,去到我哋平時覺得平又好食個間居然無位,只好去酒店食啦!真好味!

suklaic 發表在 痞客邦 留言(0) 人氣()

今日去咗迪迪尼,我都話要一早出門口啦!成班姓楊的都唔聽我講,應該十點去到,但係十點先出門口。一去到迪迪尼,就嚇C我,未見過成車成車成車人咁湧入去大門口。真係錯有錯著,我唔知STOP緊人唔准係側門入之時,已經一個轉身四人入咗去。好彩去慣去熟,有策略地去玩,總算最想去迪迪尼的妹妹玩咗POOH POOH,仲有佢叫我陪佢去玩咖啡杯,真係超開心!但係因為去咗好多似,所以無帶到相機去,只係顧住玩!


下午三時就已經起程回家,見到天色真係好靚,返屋企拿單鏡反光機,然後直踩上飛鵝山,係山下見到好清,但原來上到山上才見到好模,真係好污染!

page.jpg 

page2.jpg 

page3.jpg 

suklaic 發表在 痞客邦 留言(0) 人氣()

好多日都無寫BLOG,係因為無乜心機寫,而且又無力寫,事緣係星期三好開心咁早放後,就接到老公的電話,話婷婷妹妹發高燒!個心立刻沈咗落去,唉!又嚟一鑊乜嘢呢?返到屋企,見到妹妹個人都好精靈,又玩得,又食得,只係發燒,咁個心都定咗D!

點知,去到七月一日,佢的燒無退過,仲成日好癡身之餘,又扭計。本來一早就幫卓希約咗教會牧師個仔去玩,但係點知我同妹妹無得去,只係得卓希同老公去,連pizza都無得食呀!

到七月二日,一早起身我就頭好暈,天璇地轉咁,然後一起身就去痾,痾咗幾次,係咁出冷汗,但係無辦法,都要頂硬上,因為有好多嘢要去做!但係個人就頭重重咁,晚上一早就去訓啦!妹妹是日就好似退咗燒,日間都無燒過(姐姐話),但到晚上我在家時,就覺得佢有少少燒,38點幾,都係食藥為上!

到咗今日,妹妹真係退哂燒,不過我就好攰,好似傳染咗俾我咁,無法啦,佢真係好癡身,我哋兩個的關係真的非比尋常!

到咗下午,老公諗到不如去上山玩水,咁我哋就去咗沙田,寶福山後的城門水塘水霸到玩水,好開心,兩個小朋友玩到唔願走,但係妹妹只玩十五分鐘就要佢換衫,卓希就可以多五分鐘,因為佢哋的身體真係較弱,唔可以玩得咁盡!

 page.jpg

page2.jpg 

page3.jpg 

suklaic 發表在 痞客邦 留言(0) 人氣()

今日我哋一家大小去咗西貢睇龍舟,我咁大個女都係第一次睇現場,好好睇,妹妹都好落力咁幫D龍舟打氣!但係落雨,妹妹又癡住我,所以影得一兩張相,超無奈!

下午就係屋企休息,我唔可以太粗勞,好容積攰,也許係個鼻影響,明天一定要去睇專科,東區個到要轉時間係好麻煩,只好自己去旺角個醫生到。

係FB到見到有舊生POST咗姚副校上電視的片段,在此

個心只有一個目標,為咗班學生,大家都會出盡辦法幫心光的!

 

suklaic 發表在 痞客邦 留言(0) 人氣()

今日我哋一家人去咗尖沙咀睇大郵輪,好開心,食完飯之後先去畫班,今個學期最後一次,之後卓希就會有暑期班,在啟業村,等我哋大人都要暑期休息吓先!

page.jpg 

page2.jpg 

畫班,因為婷婷跟著卓希,所以妹妹係唔使錢咁一齊玩的!

page3.jpg 

suklaic 發表在 痞客邦 留言(0) 人氣()

我哋一早PLAN咗今日去南Y島,本來係JASON療我哋去先,點知佢臨時又話要去同迪迪玩FOOTBALL,D男人真係信唔過!由得佢哋,我哋自己一家去玩!

嘩!我嚟過南Y島咁多次,未試過好似今日咁,好...................多...........................人.................................呀!

我哋用咗最簡單的方法到中環,的士,然後渡海小輪,計過,我哋四個人要俾成四十多元巴士錢,仲要行出碼頭,不如加多十元坐的士,然後坐天星小輪,真的舒服好多!

page.jpg 

到四號碼頭,但仲有半小時才開船,只好係碼頭咐近行吓!

page2.jpg 

好多人呀,未試過見南Y島咁多人的!連亞婆豆腐花都食唔到!

page3.jpg 

妹妹都自己行咗一段路的!

page4.jpg 

今日為咗降,兩個小朋友今日係咁食好多違禁品!

page5.jpg 

成兩點先食午飯!我哋搵到一間無乜人的餐廳,超正!

page6.jpg 

咁就一定唔少得我影的相啦!哈!

page7.jpg 

suklaic 發表在 痞客邦 留言(0) 人氣()

天氣真係好好,唔出去行吓真係會悶C,所以我哋就去咗迪欣湖!

先係迪欣湖放底佢哋,然後泊係迪士尼(因有ANNUEL PASS 唔使錢泊車),然後就自己一個坐的士過去MEET佢哋!回程佢哋居然同我一齊行番去攞車,兩個小子都好有耐力咁行!

page.jpg 

用ANNUEL PASS玩船仲有半價,不過天氣太好,好熱呀!

page2.jpg 

page3.jpg 

suklaic 發表在 痞客邦 留言(0) 人氣()

今日老公要去書商的TALK,工人姐姐又放假,得我一個人湊住兩件!所以一早就帶佢哋去九龍公園到玩,順道等老公。好好天,又有動物睇,又有迷宮玩,時間過得好快,個幾小時咁就過去,一齊約老公去食飯,然後帶卓希去畫班。

page.jpg 

跟著終於返屋企,去到屋企樓下時,經過公園,又要玩一番!好!係屋企關咗成個星期,玩吓都好!

page2.jpg 

page3.jpg 

晚上我哋去咗MOMOR、MORFAR屋企食PIZZA,又同芳EE及她的女一齊,跟著就係最重要的,到神學院放生三條魚。之前卓希係學校的旅行撈到五條魚,DIED到兩條,剩下三條,由於我哋真係唔係好識合照顧佢哋,所以問咗MORFAR好耐,可唔可以放埋係神學院的魚池,佢話可以!但係,都就咗好耐到就唔到日頭的時間去,今晚横點都去神學院,咁就順道去放生。晚上去都有一個好處,就係我哋個三條都係金魚仔,神學院個D全部都係魽鯏,仲係大大條的,我哋好怕一放落去之後,D大魚就游嚟食哂D細魚。今晚D大魚初初都無出嚟,所以放生時D水好平靜,係去到後來放魚糧後,D大魚先出嚟。晚上睇得唔清時,如果D大魚真係食咗D細魚,小朋友們都睇唔清,無咁殘忍,真的感謝天父!

page.jpg 

是否真的呢?

收到這樣的電郵,大家評評是否真的呢?

~沒有剝皮的洋蔥
目前甲流在世界各地肆虐,美國已經宣佈進入緊急狀態,加拿大在全國免費注射疫苗,中國也有5萬多人感染了病毒。
 
這次的流感的確給人們的生活帶來很多麻煩和困擾。
 
一個加拿大朋友把下面這封郵件發給我和一些朋友。
 
我把它翻譯出來送給大家,希望對你有所幫助,希望大家健康平安不要生病。其中的一些東西與我們中醫和中華飲食有關聯。
 
當流感造成了四千萬人死亡時,有一位醫生到各地農場去探視,看是否可以幫助人們戰勝流感。很多農民和他們家庭感染了流感,很多人因此而死亡。
 
這位醫生來到一家人家。出乎預料,這家的每一個人都非常健康。
 
醫生詢問這家的做法與其他人家有何不同,這家的妻子說她在家裡的每一個房間裡放置了一顆沒有剝皮的洋蔥。醫生無法置信,就問是否可以要一顆洋蔥以便放在顯微鏡下觀察觀察。
 
她給了他一顆。
 
醫生觀察時真的在洋蔥上發現了流感病菌。
 
顯然,洋蔥吸收了病菌,因此讓這家人保持健康。
 
如今,我從亞利桑那州我的理髮師那裡聽到類似的故事。
 
她說幾年前她的很多僱員感染流感,她的很多顧客也是如此。
 
次年,她在她的理髮店裡放了幾個果盤,裡面放了一些洋蔥。
 
令她吃驚的是,她的員工沒有一個生病的。看來洋蔥真的起作用
… 
買一些洋蔥吧,把它們擺放在你家的果盤裡。
 
如果你是坐辦公室的,在你的辦公室裡,或者辦公桌下面,或者在柜子頂部放置幾顆洋蔥吧。試試看效果怎麼樣。
 
我們去年做了,沒有人得流感。如果你仍然得了感冒,也許會是比較輕微的症狀。
 
不管結果如何,除了幾顆洋蔥之外,你又有什麼損失呢?
 
我把這個送給我在奧爾良的朋友,她經常給我一些健康方面的建議。
 
她回複說了關於洋蔥的最有趣的實驗︰ 我不知道那個農民的故事,但是我知道我得了肺炎。無需說,我病的不輕。我讀到一篇文章,建議把洋蔥的兩頭切掉,插在叉子上,然后把叉子放在花瓶裡,晚上放在病患身旁。
 
洋蔥因為病菌而在次日清晨變黑。我開始好起來。
 
請擺顆沒有剝皮的洋蔥吧 記得兩頭要切掉喔
......

suklaic 發表在 痞客邦 留言(0) 人氣()

今早我哋都係屋企休息,然後下午三點先出發,去咗科學館,仲買咗全年的家庭證,二百大元,四個人!一年內可以去香港科學館、香港太空館 (何鴻燊天象廳除外)、香港藝術館、香港歷史博物館、香港海防博物館、香港文化博物館及孫中山紀念館!

咁啱,真係次次都咁啱,係「神州生態動物標本展」好好睇,我哋都有睇內容的!

page.jpg 

page2.jpg 

然後就係週圍玩,成兩個多小時都只係玩得最底個層,卓希都唔想走住,無奈佢爸爸肚餓,要食飯,只好走人,下次再嚟過!

page3.jpg 

page4.jpg 

page5.jpg 

suklaic 發表在 痞客邦 留言(0) 人氣()

今日係婷婷一歲最後一天,一於去玩!

好耐以前,已經好想約牧師個仔出嚟玩,上次去挪亞方舟又約唔到,今次早一個月前已經約好,一定要一齊去玩!

我哋都係自己楂車去海洋公園,只係早上十點幾,已經超多人,但係人人都走咗去對面山,我哋留守係兒童樂園個邊,無乜人,小朋友們玩完又玩,開心到不得了!

page.jpg 

我盡用支長鏡,而且學緊用快拍,睇吓我D成果!

page2.jpg

page3.jpg 

 咁啱,蜥蜴館昨天才開,我哋又有睇埋佢!

page4.jpg 

真係好開心,去過海洋公園咁多次,玩得最盡情都係今日,玩到晚上七時才走!

page5.jpg 

suklaic 發表在 痞客邦 留言(0) 人氣()