close
昨天請了一天假，今天返工後，真的好似7-11咁直落。先先嚟監考(都好，我帶咗notebook，計埋d分)，然後就係美勞科會，再嚟聖經科會。跟著就係食飯，唔好以為食飯可以休息，有兩個攪攪震的學生入咗嚟我辦公室，係到談天說地(我都差d無力理佢哋，最後我有我閉目養神，佢哋有佢哋講，我聽)。跟著就要監考(都係用notebook嚟寫早上的會議記錄，同做其他的文件處理)，接著就係開學生輔導組會議，開到四時半。跟著一返到辦公室就要找學生預備明天崇拜的詩歌，又要打電話給講員問經文。嘩！好多嘢要跟進，到夠鐘要去禮堂晚禱時，我真的開始無力啦，奈何今晚又要返學！真的有點兒：我自己攞嚟！
在返bu的途中，得知卓希爸在澳洲的姨媽病重，醫生也叫家人有心理準備。我哋大家都知嫲嫲好想去，睇吓佢依個哎呀姐妹，不過就係因為近農曆年假，機票貴之餘都無哂位。所以大家正在想辦法，希望兩老能見見面。也許在今個週未，嫲嫲他們會過來我們家，利用現在先進的科技，網上面談，來讓兩老見見面。我們隨時ready的，不過都要等澳洲表哥他們找到一部有web cam的notebook，仲要就係醫院可以有得無線上網，咁先可以完兩老的心願。唉！原來要盡孝心都唔容易，有錢都無機票與時間。
全站熱搜
留言列表
廚藝“棒” (5)
