close
依個突然停課，真的令到好多人亂哂陣腳。卓希好鐘意返學，日日都問住明天是不是要返學，所以為免佢同tun姐姐係屋企到困獸鬥，我今日帶哂佢哋兩個返工。
由於昨天卓希爸買了一份新的thomas火車給卓希，所以佢今日帶埋，一返到心光，就係到自己玩玩具。咁仲好，佢有佢玩，我有我做嘢！大約九時多，我就安排佢去職員休息室到睇聖經卡通片，睇了兩集(差不多共一小時)，然後就去地下的心光幼兒中心到借單車玩。嘩！佢哋共借了三款唔同的車給卓希玩，開心到佢不得了。玩完大肌的活動之後，就輪到靜的活動了，帶他們上四樓圖書館，教卓希要好似係學校咁，睇完一本書就放返，跟著睇第二本書。咁樣睇睇下，佢都睇咗多過大半小時才回三樓找我。最後就同佢去咗契媽負責的展能課室到玩不同的玩具，最慘就係我打極電話都找不到契媽，如果唔係，就可以拿到銷係櫃裏面嗰d好玩的玩具。不過卓希係咁玩吓、玩吓，又玩咗成四十五分鐘，又係時候去食午飯。
我哋約咗光龍，judy同家駒，去香港仔食飯，好耐無咁樣一齊食飯啦！返到心光，我就迫卓希係辦公室張sofa到訓係到，佢初初都話唔肯訓，又話唔眼訓，我一於唔理，唔眼訓都係係到休息下。唔知係咪我開咗冷氣的抽濕呢，空氣舒服地唔使十分鐘，佢已經訓咗！一訓就係一個半小時，到佢醒時，又差不多係我放工的時候！
所以我都好enjoy帶佢返工，依家又有tun睇住佢，我仲借埋學校的對講機，睇吓佢哋去咗邊，要收拾玩具時又唔使自己行去叫佢哋，一按對講機就得，超方便！總之，卓希有佢自己玩，我就有我係咁做嘢，仲有少少文件要處理，星期三整埋之後，就可以安心放假啦！
全站熱搜
留言列表
廚藝“棒” (5)
