close
今日卓希返學，我做咗好多好重要的嘢！帶咗佢上校車後，就去觀塘的運輸署到攪車的牌費！我咁多年嚟都係第一次自己去攪的，因為往年都係大嫂的公司d人幫我，佢哋係做車行的，所以個個星期都要去運輸署，我見今年自己有產假，觀塘又開咗一間運輸署辦公室，咁就自己去啦！
嘩！原來咁多人的，我仲諗住咁早應該無乜人添，點知都排咗成半小時，先輪到我，但係一去到counter，又會好快咁攪惦！
之後就返咗BU到交下學期讀書的form，原以為會有好多街邊位(我的停車證只限於下午五時半同星期六才可以用)，但原來係無位同有好多車等位！所以只好厚著面皮同護衛員話十分鐘之內就得，好彩佢都俾我泊入大學到。所以我真的在十分鐘之內攪惦哂，然後就返屋企。
返到屋企，休息咗十五分鐘，又係時候落樓接卓希啦！時間真的好似唔夠用，不過自己覺得好充實啦！
今日係我放產假以嚟第一日唔使返工，個心都好掛住心光，成日係到諗，依家judy應該幫我代緊第幾堂呢？d學生又點呢？不過後來我同自己講，要好好地享受這十個星期，十個星期後，唔想做都唔得，又何需咁諗住呢？
全站熱搜
留言列表
廚藝“棒” (5)
