我好想買麵包機，想咗好好好好好耐！老公應承買俾我做2010年的聖誕禮物，到我連廚房個櫃都執空咗個位，都未有機到手！
昨天去豆b生日會，同0502媽媽們傾開，原來佢哋好多都有買麵包機，讚不絕口，佢哋大多數人都係買象印。
我係依到睇到好多有機象印的資料！
本來呢，我係諗住要kenwood，因為我仲有五百元豐澤coupon，但係睇咗象印後，就覺得kenwood太大(成個微波燼咁大)，相比起象印就只係高，無咁大，而且象印可以整果醬！(mormor的致愛！)
我真係好想要，以前係瑞典自己整麵包，爸爸一定讚不絕口，我一放假返屋企，佢就問我幾時整麥包，細路就問我幾時整叉燒包，成功感好大！但係依家？死貓就食得多，我好想好想有番自己興趣的空間！
BTW，今日係情人節，往年我同老公都唔會點樣慶祝，只係感覺想有少少自己拍拖的時間(依家成日都係四人行)。花...............我就無，不過老公請我到樓下的椰林閣食飯(近屋企，食完飯可以快快返屋企同小朋友一齊，我哋兩個都係仔女狂)！
全站熱搜
留言列表
廚藝“棒” (5)
