港楊回憶，樂趣無窮！

今日tun姐姐放假，就由我同卓希爸負責帶卓希返學同放學。帶卓希返咗學之後，一路行就同卓希爸話今日係我好想要的生活，先先送個仔返學，然後嘆早餐(卓希爸話今日係嘆情人節早餐)，跟著返屋企做吓嘢一陣又返去接卓希放學。卓希爸話係依d係咪就係少奶奶生活，我話咪就係囉！

不過，下午卓希爸又要返工，如果係返學校做嘢都無咁嬲，但係又係去嗰個咁的佛聯會唔知乜嘢活動。d佛教學校又係，成日搵學校的老師嚟做佢哋大型活動的布景板，啍！真係煩。所以下午又係只得我同卓希豬係屋企，幸好，佢次次得我同佢時，佢都好合作又聽話。卓希豬訓醒無耐卓希爸就返嚟，然後就係我預備晚飯的時間。

今晚我整咗個日式火鍋，係咁掛住整，唔記得幫我的靚靚火鍋影相添，真的好靚的，又好味！(自己點都要讚下自己的)

仲有幾日就要返工啦，依d咁的生活好快又會無！

題外話：好彩我對tun姐姐嚴啫，佢依家每日早上都會俾個電話我收起佢，晚上卓希豬跟哋入房後我就會俾返佢。昨晚俾返佢無幾耐，都未夠十點，佢個電話就係咁響，當時我同卓希爸係咁對望，然後tun姐姐好唔好意思咁走咗入洗手間到聽，我就同卓希爸話：好彩我堅決要收起佢的電話，就算佢唔打出去，都會有人打俾佢啦！所以佢昨晚已經約咗人，今日放假就學人入咗大埔到玩，都唔知有乜好玩？話係印尼店到睇人打機！無聊！依家我打緊日記，佢個電話又係咁響，我由得佢，始終今日係佢的放假日，唔可以迫得咁緊要，不過明天開始又要嚴啦！