close
今日我開始要返工啦！

不過今早返工之前，要做一樣好重要的嘢，就係去東區醫院。去做乜？？？去睇婦產科，因為我有咗！

第一次產檢，要聽talk啦，要見護士，要抽血。今次的懷孕比起上次辛苦，訓唔到、食唔到、仲嘔唔出、成日都無乜精神(一有力都去哂教卓希)，今次仲好怕好噪的環境。總之就係辛苦啦！！！希望過多三個星期後(即三個月)，會舒服d啦！！！！！

下午趕返工，心光的政策係睇婦產科只可以請半天假，就算醫生給了一天的假紙，也不可以請全日，一定返半日工才可以！依家個肚唔重又唔大，趕返工都算ok，但係腹大便便時，就真的好攰。

返到心光，雙腳由返到心光開始到走，都未能在自己的位置座多過十分鐘，真的好多嘢要跟，成張工作枱都係文件，只好係今個星期盡量完成吧！
arrow
arrow
    全站熱搜

    suklaic 發表在 痞客邦 留言(6) 人氣()

    E-mail轉寄