close
卓希今日失咗聲，不過已經退哂燒，我都唔准佢返學住。因為姐姐話好多工人姐姐都話有好多小朋友咳咳，卓希咁細個，等佢係屋企休息下啦！
今我返晏，早上卓希都係扭，扭唔飲水。咁我咪唔理佢，佢又扭要我餵佢(←佢考緊我的耐性)，係無聲的情況下都要扭計。咁好啦，無聲仲好，我咪由佢扭，扭到佢肯飲水為止，仲飲哂大大杯的水！
我見佢無得返學，又真的好好悶，咁我就帶佢一齊搭巴士。我家樓下的巴士，在早上十時前係循環線來的，所以咪帶埋卓希同tun姐姐，等佢哋送我返工一半路程(我逢星期五都大多數唔楂車，因為好塞車的)，然後原車返屋企。
到我要落車時，卓希訓咗，未到屋企時，佢已經醒咗，仲問媽媽呢？姐姐就答佢話我返咗工，佢都無扭！
係轉車返工之前，我走咗上護協，為咗買first teeth的牙膏給卓希。好耐都無上過去啦，今日給我的感覺係好多嘢都加咗價，唔再係我以前心目中咁平！(不過一般都平過出面街的)
全站熱搜
留言列表
廚藝“棒” (5)
