港楊回憶，樂趣無窮！

唔知點解，昨晚卓希九點已經訓咗，理應係我的黃金時間，但係對著部電腦，又唔係好想寫嘢。唔係話無嘢發生，而係唔想寫，不過又唔想咁樣白白無咗一日的日記，所以就咁“牙”住個位。

記得吉媽之前的日記話佢自己自閉，其實我由九月開始要返長時間工時，已經開始係咁自閉，有d嘢想極都想唔通。來來去去都係嗰幾條的問題，今個星期晚上唔使返學後，我的心情有少少好咗d。心情好些的原因是我覺得自己似番個媽媽，放工後會返屋企照顧個仔同老公。心情平伏好多，不過都引起我再想自己去讀書係咪一個錯的選擇。唉！原來做媽媽真的不簡單，尤其是老公太縱個仔時，好怕卓希的人格會唔好，所以有時我都會堅持原則，俾佢見到唔係佢一話要就一定會得到的。

卓希玩了一個月的城巴完全被他玩到解體，卓希爸今日放工帶他去文具店到再買過時，佢哋兩父子居然一買就買兩輪巴士，真的得來太容易了，大細都咁難教。我無氣啦！

今早我臨返工前會帶一帶卓希落街的，今早樓的幼稚園學生到我們樓下的公園仔到玩，卓希好想同佢哋玩，人哋排隊玩滑梯，佢又排埋一份，我個個星期帶佢去playgroup的心機真的沒白廢。