close
今日又過得好平靜，只係改卷又改卷，改嚟改去都未改完，諗住今晚返學改，點知成堂都充實到一d時間都無。


今晚個講師提出可唔可以早些上堂，因為課程發展依科每次只係上兩小時，所以係七時四十五分上堂，九時四十五分落堂，不過好多同學仔都係九點半走人，因為要趕校車。所以個講師問可否七時十五分上堂，有好又有唔好啦，好就係可以九時十五分落堂，唔好就係我好好好趕，因為我會返屋企先，睇下個仔，仲同佢一齊食飯。攪得嚟都成七點，如果七時十五分的話，我未必會食飯啦！其他的堂仲衰，六時四十五分上堂，邊到有時間食到嘢呀，所以近來個胃真的時時陣陣痛，都唔知攪乜！


今日問咗一些搬屋的價錢同程序，係同一個屋村都要成$1200，我哋已經有好多傢俬都唔使搬啦！不過之前我問過吉媽，都係大約咁的價錢。我問的那些搬運公司，大多都係喺基督教週報到睇到的廣告，希望大家基督徒，唔好開得咁大的數啦。依家仲有兩間搬運公司會嚟報價，跟著就係卓希爸去決定。


講起佢，我仲未原諒佢的，都唔係點啋佢，一定要佢自己同我同卓希say sorry先可以告一段落。咁樣扔底我哋就走咗，唔嬲就怪啦，我都唔係好好脾氣的！你識黑面，我都識！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄