昨晚算是我在這裏睡得最好的一晚,不過條腰都係好痛!
08:00 醫生(dr king,我的主診醫生)巡房,都係木口木臉,問一句答一句。
09:00 piers來電,提醒我“喜樂的心乃是良藥”
12:00 小琪來探我,為的是借那個無線usb給我,真的多謝她,令我可以係醫院到無咁悶。
15:20 超好笑,我上到網後,便用ip cam睇吓屋企的情況,剛好有個護士經過,然後五個護士圍住我部電腦睇妹妹係屋企到爬。超攪笑!
15:50 大大班醫生巡房,原來dr king要present給好高級的主管有關他所負責的病人,一聽佢講英文就好笑,因為唔好聽!輪到佢嚟我個位時,佢講哂我的病歷及處理方法時,佢的阿sir就係咁問佢:你仲識d乜嘢treatment可以嚟同依位病人測試的,佢就講咗一大炸treatment。但係個阿sir都唔放過佢,係咁問:what’s more do you know?驚到dr king成個人都震哂。到最後,阿sir放過佢時,佢阿sir回望我一下,我當時就同佢阿sir講:「he had done a good job.」個阿sir對我微笑話:「he could do better then that.」跟著最掋c就係跟係最後嗰個男醫生同我話:「唔好讚佢Y,佢會hill架!」笑到我Y!
18:10 老公到,難得的二人時間,大家都好掛住對方!
親愛的天父
在醫院的其間,讓我更看到人身體的軟弱與無助,當人病時,連拿一隻杯子都不能,睡在床上連轉身都不能!天父啊,求祢教導我更能照顧自己的身體,提醒我不要太過勞慮。也給所有的醫生力量與聰明智慧來幫助有需要的人!
感謝祢給我一班很關心我的同事,雖然我不認同心光的制度,但同事們真的很關心我,又時常提醒我,求天父給他們更多的力量,來愛主更愛人。
奉主命求,啊們!
suklaic 發表在 痞客邦 留言(1) 人氣()
今日婷婷七個月啦,醫生批准我返屋企幾小時,幾小時都好Y!
08:15 醫生(dr chan)巡房,我們有以下的對話:
醫:「你今日返去,要小心條導管,唔好俾小朋友整到,有乜嘢事就立即返嚟。你會幾點返嚟?」
我(想乘乘機機):「我可以最遲幾點返到嚟?」
醫:「咁,唔好太過份就得!」
我:「咁,食完晚飯先返嚟得唔得?」
醫:「唔得,咁又過份得濟!三點啦!」
我:「四點啦,你巡房都係差唔多時間先係依個部門。」
就係咁,我可以四點前返醫院,其實前一日姑娘已話我知,不過都係要多口問問吓醫生。
09:00 唉!等咗好耐先有姑娘有時間幫我洗個傷口,先可以走。
09:15 自行乘的士離開東區醫院
15:45 返到病房,要忙一輪先可以坐下來
20:15 大姑姐嚟探我,成21:30才走,真的是“想當年”
22:00 打咗好多電話,為的是處理工作事務,依隻擦鞋王,我返到心光你就知!
22:40 和小珠通電話,原來他有無線上網的usb,太好了,我可以試係醫院上唔上到網,唔使咁悶!
親愛的天父:
多謝祢給醫生批准我回家幾小時,雖然時間短,但和兩個小朋友相處得很開心,尤其是卓希豬,他真的很可愛,很想再大大力的攬他。婷婷也是那樣的可愛,但初時她不認得我時,我真的好傷心,但後來她記起來後,就係咁要癡住我!天父,多謝你給我這個家,讓我更珍惜家人對我的愛。
奉主命求,啊們!
suklaic 發表在 痞客邦 留言(0) 人氣()
成晚都睡得不好,隔離床婆婆又大大聲講嘢,窗邊那位年輕女士講電話都可以講通宵,我俾個“服”字俾佢!所以早上的血壓認真唔靚仔,140/85,唉!
06:15 老公寄sms給我,話佢成晚都訓唔到,咁又係,咁大個人先嚟考車牌。
08:35 卓希爸考啦!(緊張ing)
08:45 醫生巡房,都係無乜進展,又係等,等所有有關心臟的報告,及11月7日要做x-ray加顯影濟
09:40 和老公通電,知道他“肥佬咗”!香港哋,邊有咁易!
11:30 又和老公通電,安慰吓佢,真的唔容易!
親愛天父:
多謝祢又給我新的一天,剛和老公通電,以前我覺得自己係屋企係可有可無的,老公有時又唔同意我那套看法,卓希又時常只要:爸爸!但經過今次自己身體這件事後,便知道原來他們很需要我在身邊的。以前每逢有甚麼事情,我都會在老公身邊支持與安慰他,但今次他考車牌失敗後,使他更想我在身邊,主啊!願祢所給我的愛更愛他。至於卓希,我知道他是掛念我的,但他太不喜歡傾電話了,唉!小朋友!
奉主命求,啊們!
16:45 醫生巡房,陳醫生表示慢況都ok,我問可否home leave返家,初時他說不可以,後來他得知我有兩個咁細的小朋友時,他便說幾小時是可以的,過夜的話就怕我自己處理唔到條導管,好囉!可以見吓兩個小朋友!
18:00 電話申請了pccw手機上網
18:40 mormor來探我,和mormor傾了差不多兩小時,很享受,有提醒,也有分享,仲有就係最重要的洗頭時間。
21:15 morfar及anders來了,不過都是我送mormor到樓下大堂時才見到他們。今晚只得mormor來探我,都好,等我好好回一回氣。而且今晚病房有太多人嚟探病啦,令我有點兒喘不過氣來,那我便走了到電視房看新聞,但那裏的椅子很不舒服!
suklaic 發表在 痞客邦 留言(0) 人氣()
成晚睡得不好,因右邊腰後面好痛,真的不知為何,只是痛。那些口覆的止痛藥真的唔係“好點”,希望醫生妄房時我記得請佢在晚上留一支打針的止痛藥給我,唔係因為咁而肺炎啦!
06:15 起床,梳洗,因右邊後腰痛,不能返上床休息
08:00 食早餐,唔知屋企佢哋醒哂未呢?
親愛的天父:
今天讀信徒箴言時(嘩!好早呀!因為痛,一早六點幾就靈修,自少女時代都無咁早啦!),睇到 太14:29-30,彼得要在水面上走時,但見風浪很大,便害怕起來,於是便呼救:「主啊!救我!」今早一讀到這娙文時,我內心也是真的納喊:「主啊!救我!」很記掛住家人,這幾天我都已經接受現實,工作方面唔再去諗,越諗越唔點,都無乜出路,因為只得我一個人做做做。今年聖誕做得不好的話,我相信天父祢都不會介意的。但我真的很掛住家人,我怕婷婷唔認得我這個媽媽,怕姐姐們攪唔點卓希(都好似無乜人攪得點佢!)我自己有好多文件要做,唉!天父,我真的有好多嘢記掛著,怎樣才能完全文托呢?
不過,天父,很感謝祢,可以讓我再次做番mormor個女,意思即是我不再以強劫姿態出現,而係由mormor幫我。洗頭,抺身,攞嘢,令我有番細時被照顧的感覺,很有安全感,好舒服。
而且昨天我們有一個很真情的對話,主要時講及我工作上的困難,這麼多年來我都唔想把工作的問題搬回家,但今次我真的要正視自己身體與工作,更能讓mormor知道我工作的難處,那些問題不是一時三刻便可以解決的,而是成個system的問題。天父,救祢賜我力量,去面對祢所給我的每一天!
奉主命求,啊們!
13:30 再插過支黃豆針,依個肥醫生,痛到死,係無消毒的情況下拮落下,睇到我眼定定,超痛!
17:15 老公及奶奶來探我,食咗好好味的粥
18:00 范牧師和兩位教友來探我
18:20 鵬、恩及萱來探我
20:15 大姑姐到來探我
20:30 mormor及anders來探我
22:45 上床休息時,請姑娘打支止痛針才能睡得著
suklaic 發表在 痞客邦 留言(0) 人氣()
隔離房婆婆成晚係咁罵人,令到我訓吓又醒吓!
07:30 拔氧氣管,可以落地坐。
08:10 主診醫生到(經醫生),由於膽石還是塞住,所以也許會盡快做手術,而這段時間要帶個袋係身(十分唔願意,咁肉酸!)
08:15 和老公通電,老公話卓希想嚟見我,我很開心,因為他會表逹對我的掛念。
親愛的天父:
首先,我要感謝祢,在我身體最無助時,祢安排了一班很專業的醫護人員來幫助我。在我抉擇是否要到私家或公立醫院時,祢安排了林醫生的來電,讓我可清晰自己所需要的是甚麼。在入院到今天,我的身體都是很軟弱,相信天父祢是知道的,而且病情真的很反覆,在差不多要做手術時,被醫生發現心臟有問題,真的感謝祢。不過天父啊,粒石還是塞在膽及膽管之間,醫生表示也許要個袋在身,你知我是貪靚之徒,心裏真的很不願意,但又知道是必然要做的過程,怎麼辦呢?
天父,求祢指引我,讓我身體快些康復,教導我工作要慢下來,飲食要比起以前更加小心。
奉主命求,啊們!
10:45 到5/F做心臟超聲波,做了一小時
18:30 mormor、卓希、老公到來探我
19:30 卓希及老公先走
20:05 大姑姐到來探我(我都是昨晚才打給大姑姐告知)
20:40 mormor幫我洗頭,幾日來的第一次,感覺係“refresh”
suklaic 發表在 痞客邦 留言(0) 人氣()
成晚都無乜點訓,但開始習慣有條管係身。
08:30 醫生巡房,表示可以飲流質嘢,但不可拔尿喉住!
10:00 物理治療師到,要我多深呼吸,如果唔係會肺炎。
12:00 食粥水
15:00 mormor到
15:30 dr chan巡房,表示可以拔尿管,但其他儀器還在(心臟監測器、含氧監測器、定時血壓計、氧氣管)
16:30 拔去含氧監測器及定時血壓計,只餘下心跳監測器
18:15 老公到
22:30 預備要訓時,好痛,要求食多粒止痛藥
suklaic 發表在 痞客邦 留言(0) 人氣()
成晚都訓下又醒下,痛c我!
07:45 醫生巡房,表示我要預備做超聲波
09:00 到地下照超聲波
10:00 照完,返到上房後開始頭暈,仲嘔黃膽水
13:00 轉房到E10,45號床,又開始發燒
16:00 醫生妄房,表示我我是急性膽囊發炎,要做手術,簽紙同意
17:00 醫生話我的心有問題,做了四五次的心電圖,都顯示心肌謹塞,不可以做全身麻醉的手術,只可以做導管手術,把內裏的發炎流出來。
21:00 做手術,係清醒地做,仲有只得少少麻醉藥,所以條導入到身體後,真的超痛,在兩條肋骨中伸條管入去,故在深呼吸時會有困難。
suklaic 發表在 痞客邦 留言(0) 人氣()
一早起床時還是很痛,簡直有點兒痛過上次。帶卓希上校車後,和mormor通電,她說平時她在旺角所看的醫生partner(劉永鑄)也是膽的expert,叫我去睇,book了下午三時。而且他在法國醫院有張床,可以隨時做很手術,聽到後,只想快快的做手術,唔想再俾個膽影響到自己的生活。
但突然腦海想起灣仔林醫生,便打電話問他意見。今次他不贊成去私家醫院,因為我的case也許會手尾長,私家醫院唔化算。而且我之前一日已經去過東區醫院的急症室,已經開了case file,所以他叫我立即去東區醫院。
和mormor通電,她想先去睇私家醫生,但今次我很平靜地決定要返東區醫院。所以下午一時morfar車我同mormor去醫院。
13:30 到東區醫院,今次因為有急症在處理中,所以要等多少少時間。但係一見完護士之後,都係第一時間入去急症室入面,又係13號分隔床位!!!
14:30 打止痛針
15:00 上E8病房
17:00 mormor回家
20:30 開始發燒
22:00 要開始打抗生素
suklaic 發表在 痞客邦 留言(0) 人氣()
今天是上星期五的課,我很開心的迎接它,因為可以做很多文件上的工作。當我寫完星期一早會講章時,已是十時多,初時以為自己太集中寫講章,故坐了很久,石邊腰又開始有點痛。
到午飯時間,連胃都開始痛,那痛楚來得真的很急,令我在午飯時的交流會上痛到變臉。開完會後,在回三樓辦公室途中,在lift時痛到彎下腰,當時寶姐也在場,嚇得她很緊張的扶住我。但我仍自行的回辦公室,不過那痛是那麼的熟悉,又是那麼的痛,故決定請假飛的去東區醫院。
到東區醫院時,在護士的分流站內,不用等就已經被帶入急症室內的十三號分隔床。醫生很快的來處理我,把我帶到做急救的分隔內,用那裏的超聲波看到那唯一一粒的膽石在我體內作怪,又係塞咗啦!OHHHHHHHHHHH
醫生表示會給我打嗎啡,那時痛到我C,有得止痛已經好啦!所以便由得他打針,共打了三支不同的針,止嘔、嗎啡及抗敏感。然後就安排我到觀察病房。後來連老公都來了,但我仍是痛,因為打了嗎啡,見不是太痛,醫生就讓我回家。不過行到七十一對面的洗手間時,我已經又嘔吐大作,但嘔後又好似好少少,所以就無謂意了。
接著還頂著痛回心光拿車,及請學生幫忙負責星期四崇拜事項,然後楂車回家。
返到屋企,連飯都無食,洗澡後就上床休息!唉!好痛呀!
suklaic 發表在 痞客邦 留言(0) 人氣()
6:00 醒(成晚都無乜點訓,D婆婆好嘈,又成晚有醫生出出入入)
7:00 起床
10:50 主診劉醫生巡房,表示今天之內可以出院,但原來只是拿了膽管內的一粒石出來,個膽內另一粒還在(唉!幾時我才可以攪惦哂D討厭的膽石呢?)會給我期看外科,看看有沒有需要成個膽割去。
10:55 開始食嘢,係咁飲水,仲有飲葡萄適
12:00 醫生話可以走得(立即打電話給ANDERS舅父,佢可以好快咁出發嚟接我)
13:00 ANDERS舅父接到我
suklaic 發表在 痞客邦 留言(1) 人氣()
3:00 醒一醒,睡得不好
6:00 又醒
7:30 起床
8:53 打了一支piriton,因成身又起哂“瘋lan”
9:15 打一支抗藥物怠藥
9:45 主診劉醫生終於都巡房,他表示我的“瘋lan”出得咁利害,也許一陣會對做手術時落的顯影濟有敏感,所以要打多一支piriton
9:55 打多支piriton
12:00 由H5落去C5
13:45 正式入手術室,成個人要爬係到訓,向右打側少少,模眼,口含圓的膠圈,係無通知的情況下係黃荳到打咗兩支針(我自己感覺到d藥物流入我的身體),口噴痲醉藥。打咗針後無耐就訓咗,點知都未做完手術我便自己醒咗,好痛。而最辛苦係要Ur到道氣出嚟,我成口都係鮮黃色的膽汁,苦!
14:55 返到H5病房,藥力未過,所以仲有頭暈暈,但心情唔錯,只是今天都不能進食就唔開心,超肚餓!連水都唔准飲!
18:15 卓希爸到
22:30 上床預備訓(因太悶,又唔想睇電視又無靈感做功課)
suklaic 發表在 痞客邦 留言(0) 人氣()
07:30 醒,仲吊住鹽水,好慘
10:00 主診醫生巡房,表示已可以進食,但要腸胃科醫生看過後才決定內kwai鏡問題
10:30 拆鹽水,但黃荳仍在
11:45 午飯
11:50 腸胃科醫生到,表示要我自己自費外出照持力共震,然後要睇報告後才決定是否星期一做內kwai鏡,不過在檢查我的肚時,痛得很,醫生擔心膽管炎(唉!我對咗幾個醫生都係咁講話我膽管炎啦,私家醫生話我知的,但係佢哋好似聽唔到我講咁!),突然又要我開始禁食
12:15 和灣仔林醫生通電,他解釋了很多給我知。
12:45 有高級的腸胃科醫生來檢楂我,表示我這麼痛時,那照持力共震的結果都是一樣,就係膽管有石仔,有膽管炎,所以唔使外出照持力共震,立即安排星期一早上做內kwai鏡手術,但這幾天可以給我請假回家!
13:45 離開醫院,返到屋企後,見到兩個小朋友開心到不得了
18:00 又突然痛過,比起係醫院時仲痛,心想快快做咗個內kwai鏡手術!
總結這幾天:要感謝神,因為覆診前內心祈禱時都希望醫生可以快些幫我解決問題,不過真係無諗到會快得咁緊要。星期日晚九時前要返到醫院報到
suklaic 發表在 痞客邦 留言(2) 人氣()
06:30 醒咗
07:15 卓希爸來電
07:30 終於起床
10:30 醫生巡房,要禁食,吊鹽水
11:30 種最唔想要的黃豆,痛到c,吊鹽水,打一支piriton的針以控制我的皮膚敏感
14:00 照超聲波,照完後仲要禁食,等外科醫生到來
18:00 卓希爸到
18:45 anders舅父到
19:15 外科醫生到,表示暫時沒有即時做割膽的需要,因為膽管發炎,此時做手術好有可能會內出,故建議內科醫生做內kwai鏡,不過還是要等內科醫生看過後才決定能否進食。
21:30 睇「家好月圓」(係屋企都無咁準時睇)
22:45 上床休息
suklaic 發表在 痞客邦 留言(0) 人氣()
10:30 預約了要到東區醫院內科覆診
11:15 得知要入院
12:15 返到麗晶,泊好車返屋企收拾到醫院的行李
12:45 搭八析的士
13:05 到逹東區醫院
13:35 護士收了我這個新症
15:15 抽血
16:00 心電圖
17:00 晚飯
17:30 卓希爸到
19:00 做吓畢業論文先
20:30 洗白白(因為有一個亞婆日又嘈,夜又嘈,嘈到我寫唔到嘢,所以決定去洗吓白白,清醒一下)
21:30 終於可以有機會睇吓「家好月圓」
22:45 上床休息
23:30 被叫醒,到地下照x-ray,要座輪椅,推我嗰個嬏嬏推到成身大汗,我幾唔好意思!
23:55 send sms給家人報平安
suklaic 發表在 痞客邦 留言(0) 人氣()