係我感覺最無助時,今晚我有一餐加咗奶粉給妹妹,但係佢點都唔訓。而且手仔腳仔有少少凍添,佢一聞到我的味,就好想埋身,咁我只好滿足下佢。點知佢一埋身後,就訓得好好,所以我都知食人奶對佢嚟講只係一種安慰!我身為亞媽的,點都要向奶粉底頭!補奶!
目前分類:靚太嬌嬌女 (121)
- Apr 25 Fri 2008 21:25
有點兒無奈
係我感覺最無助時,今晚我有一餐加咗奶粉給妹妹,但係佢點都唔訓。而且手仔腳仔有少少凍添,佢一聞到我的味,就好想埋身,咁我只好滿足下佢。點知佢一埋身後,就訓得好好,所以我都知食人奶對佢嚟講只係一種安慰!我身為亞媽的,點都要向奶粉底頭!補奶!
- Apr 23 Wed 2008 21:21
大食妹
妹妹真係人仔細細就食咁多,唔怪得就算佢埋身食成四十分鐘,都好似未夠飽啦,原來食成四安半!我日日係咁泵奶,泵得幾多就幾多,都唔係好夠妹妹食,所以決定一日有兩餐係食奶粉。一來等佢可以飽肚少少,二來第時我返咗工後,都唔會有咁多人奶的啦,主要都係靠奶粉,所以妹妹的腸胃要開始慢慢的適應。
不過我今日都係咁泵奶,兩小時就泵一次,希望d奶量可以多d啦!而且陪月ee整乜有關上奶的食物我全都食哂,希望可以滿足到妹妹啦!
- Apr 22 Tue 2008 21:14
回落了
不過我就話妹妹好苛索,因為依家佢大約一個半鐘就食一次人奶,如果陪月ee嚟的話我就會舒服d,因為之前泵定d人奶,可以等佢餵。但係如果好似星期日咁,成日都要埋身的話,妹妹真的好大食,都泵唔到乜出嚟留起佢。所以佢點會唔長肉呢?
跟著我哋會去私家醫生到打六合一,不過健康院醫生今日都話五月六日要返多一次去check 黃,唉!攰c人!
- Apr 19 Sat 2008 20:20
心軟
點解我會咁,因為妹妹食咗奶粉之後,一嚟便便好硬同好辛苦先痾到,二嚟就係佢無得埋身時,晚上三小時就醒一醒,完全係訓唔到嗰隻,我攰到c咗係張床到!而且妹妹這兩天的喊聲好惡,心情唔係咁好,所以基於以上原因,我就同佢埋番身餵奶.
如果我自己的病情有乜嘢惡化,先再去找醫生啦!由今日下午開始埋番身得,妹妹的脾氣好似好咗,不過仲未痾番d軟的便便.
- Apr 18 Fri 2008 19:23
輪到妹妹?
唉!見到咁,真的覺得好對唔住個女,都係因為我而令到佢無得食人奶,仲有兩日,跟著又要再上過奶啦!
- Apr 15 Tue 2008 22:20
最痛
答案:痔瘡痛,痛到我cc下,今日仲痛咗好多,都唔知點解!
今日妹妹返健康院,醫生話佢的黃疸度數回落咗,臉:17度,身:18度,所以下星期二先要返去覆診,我鬆咗一口氣。不過要妹妹佑醒食嘢真係好大的難度,努力加油!
- Apr 14 Mon 2008 22:03
到底有無奶水?
但係妹妹餐餐埋身都食到,仲係長食長有!我自己以為已經無貨時,佢一啜後又會“滴奶”。不過要我pump奶出嚟的話,又pump唔到幾多,好似今日咁,我無耐之前先pump咗奶,好似無乜咁,點知妹妹一埋身,d奶就係咁“滴”出嚟!所以我成日都會有問題,到底妹妹食得飽唔飽呢?
不過晚上最後個餐我都會補奶粉,等佢食得飽訓得好之餘我都有得休息!
- Apr 13 Sun 2008 21:26
妹妹與我的連結
- Apr 10 Thu 2008 17:46
好煩的黃疸!
唉!妹呀女!你食嘢時唔好成日訓啦!成日食得最好就係頭十五分鐘,跟著個肚仔飽飽地時就會訓覺,我真的無力啦!
另外,要順道多謝各位網友及媽媽們的留言,我真是有心無力,不能一一地回應,待生活上諦應過來後,才一一回答!
- Apr 09 Wed 2008 16:46
生產記
13:10 始盤出咗,不過子宮流血不止,醫生及護士急忙止血及要找出原因,但都找不到,而且在找的過程中,比起生妹妹還痛十多陪。
- Apr 08 Tue 2008 21:38
東九龍母嬰健康院
好彩!妹妹額頭係18度,個身係19度,啱啱好,不過未來幾日都要返母嬰健康院到check住!
另一樣令我有少少煩的是妹妹的食人奶問題,我由昨天開始好谷奶,但係佢都只係食到面個d,最入面個d佢點都食唔到,令到我好痛!今日係咁pump奶,初初兩邊加起來只有安半,然後兩安。去到健康院,姑娘話係妹妹個嘴要再食大範圍d,嘩!只係佢幫一幫我,妹妹食咗十分鐘,就鬆咗d,所以晚上又pump奶時,明白個技巧,就可以pump到成四安奶!
我同妹妹都要加油呀!
- Apr 06 Sun 2008 21:20
回家
楊家添了一位千金,媽媽和妹妹今天下午已回到家裏,大家都平安,只是媽媽的人奶不多,所以妹妹的排尿數量也不多,請代禱.
有空才補寫日記.
- Apr 05 Sat 2008 23:00
待產中!
- Apr 04 Fri 2008 06:06
出發!
預備好出發啦, 請為我代禱, 唔使痛咁耐, 唔使係醫院咁耐, 可以快快的回家.
- Apr 03 Thu 2008 22:00
下定決心
我已經下定決心,明天去醫院催生,大家請為我代禱啦!
- Mar 29 Sat 2008 20:46
仲未生得
我想你快d係因為三伯婆佢哋三個5月1日至5月12日要去U.S.A,如果你係四月初才出世,咁滿月酒先係五月初,到時佢哋三個咪無得參與?我唔想,難得有一個時間係全部屋企人都會出席,我好想整整齊齊呀!到底你幾時出世啫?
不過我都開始有少少擔心“痛”,因為真係痛C人啦!我係BK到見到好多第二胎的媽媽都好快就生咗,我都好想,佢哋好多個都係兩小時到,如果我都可以係咁就好啦!
- Mar 27 Thu 2008 22:08
睇私家醫生
識我的人都知我好怕欠人情,尤其是對我好到不得了的人。今日又係咁啦!話說我係東區醫院留醫期間,打咗俾judy,告訴她我入了醫院(其實係我哋傾緊公事),佢一聽到我咁的情況,就叫我一定要去中環睇多次陳醫生。不過我真的好唔想,因為之前第一次陳醫生只收我化驗費,第二次仲唔收錢,就算我有幾厚面皮,都唔想欠人的人情!不過judy係咁叫我去,仲教我點樣對付陳醫生的招數,咁好啦,就book睇多次!
去睇醫生前,好彩我早有準備,先先去文華酒店的cake shop到買d蛋糕仔,見到都好想食,不過係買嚟送俾陳醫生的。去到陳醫生到,我同卓希一齊入去診症室,就由卓希豬負責送蛋糕俾陳醫生(我原先諗好咁做法,咁醫生起碼唔會拒絕我!)陳醫生真的無拒絕到,咁我今次都安心少少,但係都覺唔好意思,總係覺得欠咗人哋一d嘢咁!
陳醫生話如果好似我咁講有咁多血,就要小心,不過照超聲波時又唔覺有任何地方裂開,不過如果好似我咁講,依兩日都仲有啡的話,就好快會生的啦!我第一次照3D咋,唔好話我鄉下婆,我真的唔捨得用咁多錢去照,連卓希嗰時都只係照2D咋!
你睇吓老二似邊個?
- Mar 26 Wed 2008 11:54
返到屋企
為了可以讓卓希爸訓多少少,和卓希豬在廳看english times 3,卓希豬佢有佢睇,我就忙著用notebook無線上網。點知上上吓網,突然感覺下體“pop”一聲,初初都想唔理佢,不過細心一諗都係睇睇好,一睇就見到“見紅”。連忙叫醒卓希爸,正商量是否要入院時,我要去洗手間,血就像開了水喉一樣係咁流出嚟!一於唔理咁多,入醫院啦!
等緊入院
- Mar 25 Tue 2008 09:48
見紅
三月二十五日早上九時四十分,見紅,流都幾多血,要入院了(希望唔好等太耐才出世)!
回來再傾!
- Mar 24 Mon 2008 21:55
實
已經有一段時間,係晚上個肚會特別“實”。上星期母嬰健康院的醫生話依個係預備就快生的症狀。今晚仲實,加上依兩日多咗假陣痛,希望可以快d生啦,等我可以同老二一齊好好咁相處這十個星期的假期!
所以今晚係最後“沖刺”,係咁執好哂個“走佬袋”,執到真的好像今晚就入院似的(我的一相情願!)之但係我又想過咗星期三先,因為星期三晚我仲要返bu返學,諗住快d交埋份功課就可以安心地待產。但係我又想係卓希爸的假期時入醫院(卓希爸今個星期四就返工啦!)所以做人係咪有太多嘢諗呢?咁又唔係、咁又唔係!真的好煩耶!