港楊回憶，樂趣無窮！

suklaic 發表在 痞客邦 留言(0) 人氣()

suklaic 發表在 痞客邦 留言(0) 人氣()

suklaic 發表在 痞客邦 留言(2) 人氣()

suklaic 發表在 痞客邦 留言(1) 人氣()

suklaic 發表在 痞客邦 留言(1) 人氣()

suklaic 發表在 痞客邦 留言(0) 人氣()

suklaic 發表在 痞客邦 留言(0) 人氣()

suklaic 發表在 痞客邦 留言(0) 人氣()

suklaic 發表在 痞客邦 留言(0) 人氣()

出咗院兩日後，終於可以有十五分鐘私人空間嚟寫下生產日記，以下是最簡單的記錄：

 

2008年4月4日

07：50    到逹東區醫院作催生檢查。

08：00    入產房6號床，醫生及護士要對所有的文件，卓希爸在產房等候處等入嚟。

08：40    剪了三次才能放哂所有的胎水，連醫生都話好多水。

09：00    開始落生藥

09：20    開始宮縮

09：50    第一個半小的宮縮

10：05    已開始十五分鐘一次的宮縮

10：30    開始五至七分鐘宮縮

10：45    五分鐘宮縮，請護士call麻醉師打“無痛分娩”

11：45    麻醉師到，及開始找位置入針

12：00    開始落“無痛分娩”藥

12：30    藥力都未有效時，我已經係咁大叫話：“要痾個女出嚟”

13：01    楊妹妹出咗世
13：10    始盤出咗，不過子宮流血不止，醫生及護士急忙止血及要找出原因，但都找不到，而且在找的過程中，比起生妹妹還痛十多陪。

14：20    開始止血(真的是死過番生)

16：30    在產房觀察了三小時後，終於可以預備去產後房，卓希爸超好人，安排了我可以入住半私家病房。

17：00    到逹F8房，23號床，由於失了800cc血，一定要臥床，插尿喉。

20：15    第一次餵妹妹食人奶，食了大約35分鐘

到訪人士：mormor、morfar、大伯、大伯娘、堂家姐、三叔、三嬸、大姑婆

 

2008年4月5日

04：30    被叫醒，食少少早點，教沖下身清潔，更衣餵奶。

09：00    醫生巡房

09：20    拆尿喉，可以回復自由身，開始覺會陰的傷口痛

14：20    卓希到醫院，第一次見到妹妹

20：00    左手還有黃豆，在打生理鹽水時，手好痛，連忙告知護士，護士把黃豆也拆了，但左手手掌變成豬掌。

到訪人士：mormor、morfar、卓希爸、卓希、嫲嫲、大姑婆、金ee、細叔公

 

2008年4月6日

08：45   醫生巡房，批准可即日出院

08：50    抽血驗血色素

10：00    妹妹要補奶粉，因為已把我的乳頭食損哂

11：20    抽血報告指出我的血色素有點兒偏低(因失血過多)，故要食一個月的鐵丸

15：00    mormor、morfar、卓希爸及卓希來接我同妹妹出院

16：00    返到屋企啦！

(繼續閱讀...)

suklaic 發表在 痞客邦 留言(3) 人氣()

suklaic 發表在 痞客邦 留言(3) 人氣()

suklaic 發表在 痞客邦 留言(6) 人氣()

suklaic 發表在 痞客邦 留言(0) 人氣()

suklaic 發表在 痞客邦 留言(1) 人氣()

suklaic 發表在 痞客邦 留言(0) 人氣()

之前豆媽講笑咁講話我今日會生，我其實內心都好想，尤其是今日卓希爸放假。不過都係一d動靜都無，唉！老二呀老二，你想幾時出世呢？

我想你快d係因為三伯婆佢哋三個5月1日至5月12日要去U.S.A，如果你係四月初才出世，咁滿月酒先係五月初，到時佢哋三個咪無得參與？我唔想，難得有一個時間係全部屋企人都會出席，我好想整整齊齊呀！到底你幾時出世啫？

不過我都開始有少少擔心“痛”，因為真係痛C人啦！我係BK到見到好多第二胎的媽媽都好快就生咗，我都好想，佢哋好多個都係兩小時到，如果我都可以係咁就好啦！

suklaic 發表在 痞客邦 留言(0) 人氣()

suklaic 發表在 痞客邦 留言(2) 人氣()

去到醫院無痛，又無穿水，所以就返咗屋企啦！

 

三月二十五日後記：

9：40am    
為了可以讓卓希爸訓多少少，和卓希豬在廳看english times 3，卓希豬佢有佢睇，我就忙著用notebook無線上網。點知上上吓網，突然感覺下體“pop”一聲，初初都想唔理佢，不過細心一諗都係睇睇好，一睇就見到“見紅”。連忙叫醒卓希爸，正商量是否要入院時，我要去洗手間，血就像開了水喉一樣係咁流出嚟！一於唔理咁多，入醫院啦！

10：10am

先先安排卓希豬去爺爺屋企，跟著我同卓希爸就去東區醫院，登記咗，入咗院後，由於我無痛又無穿水，要我留醫觀察，卓希爸就唔可以陪，要返去屋企到陪卓希豬。

等緊入院

2：00pm

止咗血，悶到嘔，後悔無帶紙同筆，可以寫下嘢！

4：00pm

卓希爸帶咗豬仔希嚟，係lift口到見面！我好掛住個仔，卓希豬一見到我就問：「點解你著到咁的？點解你隻手要帶著d嘢的？」

我哋三個仲係走廊到食包包！

8：00pm

依層的病房係無電視的，所以對我嚟講(仲未生得著)就好鬼悶，仲好早就熄燈！

8：40pm

打電話返屋企，卓希豬問：「點解你仲唔返屋企的？點解你一定要係醫院的？楊卓希好掛住媽媽！」聽到我心都痛埋！最衰都係老二，報假案！

11：00pm

我才上床，但由於我的房係護士counter對面，所以超吵耳，成十二點幾都訓唔到！

 

三月二十六日後記

7：30am

醒咗好耐，不過係張床到“典”，難得無卓希豬係身邊話：「起身啦！」。不過都要起身，去洗手間梳洗(好彩之前一晚才執好哂所有日用品！)

7：50am

食無味的早餐！

8：45am

靚靚女醫生巡房，我係咁問可,唔可以返屋企等生，佢話要照咗超聲波先，睇吓bb有無問題，之後仲要check bb心跳，評估哂真的ok才可以走人。但我都立即打電話給卓希爸，叫佢好預備嚟接我！

9：00am

照超聲波，由於依個靚靚女醫生仲係婦產科的學生，有個高級的教著佢點照，我都好安心咁由得佢哋照。都照咗成二十五分鐘，雖然佢哋係用英文交談，不過我都明哂！哈！超開心，預備返屋企！

9：45am

Bb要接駁心電圖，要check成最少半小時，我係咁望街，一路望就一路諗起細個時，自己係柴灣的一切一切！

10：45am

姑娘話我知所有文件已經整好，可以叫屋企人嚟接。因為我知卓希爸同卓希豬嚟緊，所以先執好哂自己的嘢(我都無乜點拎d嘢出嚟用，只係杯同紙巾)，跟著自己換衫。剛剛好，一換完衫卓希爸就打給我話係外面，拎行李給卓希爸後，拿哂所有文件後就落樓交錢，坐的士走人！

 

卓希豬後記：

卓希爸同tun姐姐都話我知，今早卓希豬醒咗之後，第一件事唔係叫卓希爸起身，而係走出廳到找媽媽，聽到我好感動！

 

醫院後記：

以前待產房係7A，不過由於流感咁利害，要空咗7A出嚟做婦科，咁產後的7B就分開成三個section，一半用嚟做婦科(所以我間房有一個亞婆係到係咁話辛苦)，一半就用嚟做產前及產後的病房。第一日入去真的無乜人，產前病房仲係得兩個人，但一到夜晚，就收到滿哂。不過就算滿哂，東區醫院給我的感覺是舒服，因為一間房只得六張床，三張三張一面，唔會太迫！

suklaic 發表在 痞客邦 留言(0) 人氣()

suklaic 發表在 痞客邦 留言(3) 人氣()

suklaic 發表在 痞客邦 留言(1) 人氣()