close
話說新屋有一個士多房，在廚房的位置，都好大的，起碼可以容納得兩個的我。唔知點解，我成日叫tun姐姐放嘢係士多房時，佢就一定話「無位」，我都覺得奇怪。今日我忍唔住手，等tun姐姐出咗去後，自己郁手執d嘢出嚟睇。嘩！多嘢到呀！原來係由搬屋嚟新地方時，已經d嘢由芳ee係咁塞入去，而依家tun姐姐又一樣咁塞入去，我本身有一個地方係放膠袋or紙袋的，但原來個士多房有成好多個袋，仲有好多我都唔知係乜的嘢放咗係到。
咁我就發揮卓希爸話我最叻的本色，就係見嘢就扔，跟著呢？成個士多房靚哂，仲空咗好多位出嚟，可以放我坐月時用的玻璃樽同其他用品，連聖誕裝飾我都有位放，然後仲有位，明天要繼續執！
我同卓希爸話，今次tun姐姐會見到我真的一面，因為搬進來時係農曆年前，都係靠芳ee幫我放東西，然後復活節假時tun姐姐又未到。跟著暑假時我又有咗老二，嘔到七彩，好啦！今日執起條根，一於要去碼，執好間屋，要有起碼的條理。總之間屋邊到有d乜嘢，我一定會知道得一清二楚，所以卓希爸話今次tun姐姐有排受。但係我又咁諗，起碼俾佢知我的要求係乜，佢唔會亂嚟，而且我要求高及整齊，咁佢就唔會懶惰啦！
全站熱搜
留言列表
廚藝“棒” (5)
