港楊回憶，樂趣無窮！

今日要去PRE-TRIP，團契旅行要決定地方，本應我要農曆新年去睇，但只睇得一個地方，所以要快快做咗佢！

上星期已經想去，但係俾GOOGLE的GPS點咗我去掃管忽，之後有一個以前嶺南的舊學生介紹我用PAPAGO的APPS(好貴呀，成百港元的)，為咗要搵到路，咁都要買！

明明未出發前我用依個PAPAGO的APPS係搵到“大棠道”，係地圖的位置是正確的，但入到元朗後，佢係咁叫我向錦田的方向走。初時我都以為係第二條路，點知行行吓，俾我認得石崗軍營，只好將車停在路邊，用PAPAGO再SEARCH一吓！(本來有義工同我去，點知今早她來電臨時家有事，又只好我自己攪點) 原來係要用“大棠荔枝園”先會搵到條路！唉！應該係四十五分鐘就到目的地，但係我就用咗差唔到成兩小時，真係蠢！

依段路係我上網見到好多親子家庭都會去行的，所以俾視障學生都應該唔難。不過就係多梯級，應該唔怕的，佢哋日日係心光行咁多梯級，習慣哂啦！連婷婷都行到(行吓，又坐吓梯級，因為佢唔會叫我抱的) 我哋大約行咗兩小時，不過真係行吓又停吓，所以同心光學生去都應該差唔多的！