港楊回憶，樂趣無窮！

雖然，我係讀中文而攞到張TEACHER CERT，但我除咗自己對仔女外，都唔係好敢去教其他人！

今日我哋福音事工部三戰士去咗部門培訓，就係去聽有關約翰所寫的啟示錄。嘩！唔單只深，只講得好好好好快，初初跟的時候真的好吃力，後來習慣咗，就明好多！

依個使徒約翰真係...........唔識講，用咁多圖像，又要前呼後應，仲要一輪比一輪加強咁去形容，真係服佢！所以咁多年來，除咗讀神學時要睇有關耶穌基督要再來的預言，我都無係啟示錄到做研究，因為真的好深，好深，好深！仲有四堂要聽，加油！

我一生人中，第一次到葵涌醫院，為咗係要探校友。感覺係唔係咁好，每講一句說話都會引發內戰，連D姑娘都好多事，咁我哋都係同個校友講道理啫，又點會係惡呀？依個醫生又係的，個病人有咁的前科，仲話可以出醫，有事的話，邊個會負責？誰之過？

唉！好人難做？可否大家平心靜氣地傾傾？IT'S FOR YOUR OWN GOOD！

今日要去PRE-TRIP，團契旅行要決定地方，本應我要農曆新年去睇，但只睇得一個地方，所以要快快做咗佢！

上星期已經想去，但係俾GOOGLE的GPS點咗我去掃管忽，之後有一個以前嶺南的舊學生介紹我用PAPAGO的APPS(好貴呀，成百港元的)，為咗要搵到路，咁都要買！

明明未出發前我用依個PAPAGO的APPS係搵到“大棠道”，係地圖的位置是正確的，但入到元朗後，佢係咁叫我向錦田的方向走。初時我都以為係第二條路，點知行行吓，俾我認得石崗軍營，只好將車停在路邊，用PAPAGO再SEARCH一吓！(本來有義工同我去，點知今早她來電臨時家有事，又只好我自己攪點) 原來係要用“大棠荔枝園”先會搵到條路！唉！應該係四十五分鐘就到目的地，但係我就用咗差唔到成兩小時，真係蠢！

依段路係我上網見到好多親子家庭都會去行的，所以俾視障學生都應該唔難。不過就係多梯級，應該唔怕的，佢哋日日係心光行咁多梯級，習慣哂啦！連婷婷都行到(行吓，又坐吓梯級，因為佢唔會叫我抱的) 我哋大約行咗兩小時，不過真係行吓又停吓，所以同心光學生去都應該差唔多的！

今日雖然係星期日，但係無得返教會，因為我要返工！(傷心ING)

兩年一度的義工日，要做做做，不過真係好亂，某人CO ORDINATE得唔好，又唔聽別人的意見，所以一如我所料，悶！

好彩我有兩個開心果係身邊，阿仔同阿女都話要跟我返工，目的就梗係去四樓玩，同埋有大地方去放車！佢哋有佢哋玩，我有我做嘢，茶點先會合！

放工後，我雙腳攰到斷咗，卓希話要跟老公去嫲嫲到食飯，我就車佢哋去，然後自己一個人返屋企！洗白白，執下屋企的嘢，煮麵食，到我可以坐下來時，佢哋又返屋企啦！

雙腳好似唔係屬於我咁，攰到無哂力，只係用意志力嚟叫佢行咋！

改卷ING！
有一條題目係咁問：主耶穌願意和每一個人做朋友，如果你遇到新朋友，會跟他說甚麼？
同學甲答：「安靜。」
同學乙答：「謝謝，早安。」
我........直頭O哂嘴！

今日係心光一年一度的大日子，聖誕聯合崇拜，全心光都只係得聖誕可以仔仔一堂咁聚埋一齊！(除咗慶祝五年一次的心光生日的話！)

我除咗個人的壓力攰之後，連雙腳都攰到我唔想再郁，D腳趾行到好痛，學校工友叫我唔使咁緊張，我唔緊張唔得，因為得我一個做，所以唔可以做得太差，超大的壓力！

一完咗之後，我唔單只雙腳唔想郁，連雙眼都唔想再打開，好攰呀！不過要趕返屋企，要去嫲嫲到做冬至，如果唔係，我返到屋企後一定癡住張床，唔肯起身的！

今日兩個團契的聖誕慶祝會，做到我癱癱腰，成七點幾先走到人。過埋明天22日的全院大型聖誕聯合崇拜後，我便成仙啦！WAKAKAKAKA！總之，有乜嘢活動或者無緊要的嘢，12月23日先好打俾我。依個月，屋企對我嚟講就好似一間酒店咁，返到屋企後兩個小朋友都訓，一早又走人，咁的生活真的唔多LIKE！

今日雖然係星期五，但我一諗起四點先開的沉悶校務會議，個心立即沉下來！

果然，不出我所料，真係長氣到頂唔順，仲有就係某個同事一發言時，個個都去洗手間，唉！真係唔該啦，想出位的話，係另一個場合啦！咁樣做，真係煩到不得了！最終，咪又係六點先開完會。如果真係有咁多重要的嘢，而係需要傾的話，我唔反對去到咁夜，但係其實好多都係ST會已經係佢哋傾點數，而校務會只係作報告，咁點解又要咁耐呢？請問，博出位的同事們，可以工作效率快少少，個個都有家庭，唔可以無了期咁陪你哋去博出位的，THANKS！

依幾日聽埋聽埋唔少唔好的嘢，尤其是一班外讀生，佢哋晚上真係慘慘慘，但係我自己覺得好無助，因為身份的問題，幫唔到幾多！

不過又會咁諗，好多嘢都係雙向的，如果你對人的態度好少少的話，又點會有咁的結果呢？

所以，依個係一個死結，一定要由上頭處理先得！上頭，咪就係天父囉，依家個D唔使指意！

今日帶著口罩做咗好多嘢，做會議記錄、執美勞室士多房、上課、放工、去搵又無貨的mascara、去深水埗批發商到買阿仔及阿女送俾同學仔的聖誕禮物、到九龍城拿餘下的80份報佳音禮物，成個人散哂！

英姑娘及紫勳教我去深水埗福華街，個到有好多嘢買，我都聽吉媽講過，但係真的一生人第一次去！好好彩，買到水樽仔(200ML)，但批發價都已經係$5，因為有公仔的，仲係海綿寶寶添！水樽就係卓希的同學仔，妹妹的同學仔係毛巾盒，好便宜呀，$3一個，仲連埋毛巾仔，超底！不過末買到我想要的貼紙，週圍都係人，個個都係一大批咁買，d人見我帶著兩個小朋友，仲差d唔俾我哋進去，話唔做零售！真係買得好開心，最底C就係俾我搵到位泊街邊，半小時半小時咁入錶，我留咗成個鐘！不過真係好多人，我考慮緊第時一開始就去個到買報佳音的禮物，唔使我走咁多轉，不過一定要帶埋工人姐姐，因為佢今日係負責一夠鐘就去入錶個個嚟的！

我要表達今年初試星期五晚見家長的感受，超好！唔使星期日無咗家庭曰之餘，仲唔使分兩日的車錢，橫點日頭都要返工，一氣呵成，good!

我都聽到有些助教鐘意星期日多D，但係佢哋個個都未有家庭，未明白星期日無咗家庭日的苦況，仲有佢哋有假補，我哋無的！不過如果可以好似阿仔學校咁，夜少少的話，相信會有多少少家長，但係講真，係心光成日就家長，係出面的學校都唔理你咁多，嚟到就嚟，嚟唔到就算！

今日家長日係少咗人，但係因為家長們未習慣依個時間啫，如果成為一個PATTEN的話，佢哋就會識得就時間嚟啦！仲有呀，唔嚟個D咪又係個咋，真係關心個小朋友的話，一定都會請假嚟的！唉！希望以後都係星期五晚就好啦！

昨晚我早早就上咗床訓，UNBELIVABLE，十點就上床，無耐就訓咗，半夜兩點醒一醒，五點又醒一醒(我好多晚都係咁)，然後今早起身都係好攰呀！救命！

不過今晚就無得咁早訓啦！因為要趕一份PROGRESS REPORT及ANNUEL PLAN，週未時我忙於同家人外出，無做過，明天DEADLINE，我點都一定要做，唉！開工！

今天我去了信義宗神學院，為的是要去聽一個分享，及見見一位老朋友，就是瑞典現任的大主教：Archbishop Anders Wejryd

17年前認識他的，兩年婦真的很好人，尤其當時有成二百人申請請執士，瑞典的北部只得二十個位，佢同當時的校長居然給我這個瑞典話半桶水的人去讀！佢變咗好多，以前靚仔好多，今次見番佢，真係老咗好多(我都老公好多啦！)但係佢都係咁熱心中國事工，真係好欣賞佢！

而18年前，就係佢按立我做DEACONES的，所以真的心存感激！

今日我同JUDY不約而同地都：無帶飯，我同佢兩個都係昨晚屋企食哂D餸，無得帶！所以LUNCH，我哋走咗落CWB到食飯，最主要係我要負責教師代表買SOGO禮卷，所以咪早咗少少落咗佢，仲可以食嘢！然後返到學校仲有時間去埋個洗手間先！

下午茶有JUDY親手整的CHEESE CAKE，好好味！唉！依個幸福的時間唔知可以仲有幾耐？因為佢快代完課，我哋又無得食CHEESE CAKE啦！

蟹，係打橫嚟行；

人，係要堂堂正正咁向前行；

小人，就係人同蟹的結合，將一D應該正面的嘢講成係人吔的唔啱；

心光，就係多咗咁多依D人！

所以，今日好無奈，有佢講無我講，原來一個已被洗腦的人，就係咁講、講、講。

聽咗後，唔嬲，只係覺得D小人好無知，佢哋要反醒一下，點解別人唔同佢哋講，咪就係因為佢哋把口囉！

無反醒，仲係背後仲傷人，缺口德，不專業，所以學生的選擇是對的！

我做到好攰，好想大喊，日日都超多堂，星期五外出研討會又要補堂，依家又係交流會高峰期，午餐係打開個胃就咁倒落去就去開會。今日開學生輔導組會議，由2:50PM開到5:50PM，連續三日我都未坐過係自己個位到多過半小時，好.............攰呀！點解仲要整埋D無埋頭要見老師的時間，仲嚴我哋唔夠多嘢做咩？

今日雖然好多堂，但係我真的密密執，執乜嘢呢？咪就係執辦公室的電腦枱，話說JUDY10月18日返嚟代課，係呀，10月18日，但係我已經好心急啦！成日係咁認點樣整先好呢？將我唔用的電腦枱空咗出嚟，然後放係梳化旁邊，一個OFFICE兩個人做嘢，可以都有自己私人的空間！YEAH！

近來疲人誤會之外，個心成日都覺好冤屈，事實與他們所講的都不付，所以趁今天要SEND一份文件給大家時，把心裏所要說的都請清，其實還有很多吖理要澄清的，但我沒有。因為我只想在SEND依一份文件時令對方不要再誤會“吩咐”工作，而是有需要合作，希望他們明白吧！

係報紙到睇到一單風化新聞，對員工的感受很應同，我做嘢個到咪又係一樣，講完又講，都係咁，所以真係好掛住溫SIR，佢係依方面同我有同一的理念，係教訓過後就唔會容許再有咁的事發生，但係依家................唉，唔使講，完全唔合作：

東區尤德夫人那打素醫院六樓兒童及青少年科病房，病房分A、B兩座，但由同一個大門進入，留醫的青少年男女和幼童分住不同區域，病人可在區域內自由活動。消息透露，涉案男童的家庭背景較為複雜，他是一宗懷疑虐兒案的受害人，有關部門正跟進其個案。

案件於五日前（周日）傍晚揭發。有職員發現一名五歲女童精神狀況有異，了解後懷疑她曾遭性侵犯，而涉案者可能是在同一層病房留醫的男童，院方認為事態嚴重，於是報警。

員工曾上報男童自瀆 未獲正視

警方東區警區重案組大批探員掩至病房調查，經翻看醫院的保安閉路電視，相信涉案者不是外來人，於是向案發時當值的醫護人員了解，最後拘捕一名疑涉案的十三歲男病童，並安排醫生為受害人檢驗。重案組探員及鑑證科人員一度封鎖案發現場蒐證，檢走床單、私人物品等化驗，初步懷疑有人趁當值醫護人員人手緊張的時候，潛近受害人病床犯案。

據悉，院方已將事件通知涉案男童和受害人的監護人及家人，家屬震驚不已，對事件發生在病房內表示不滿，質疑病房的保安有問題，不排除向醫管局追究。

消息稱，在揭發風化案前，曾有病房員工發現一名男童在病房內自瀆，擔心有人做出過火行為，於是暗中通知上峰，惟未見病房採取調動措施，豈料之後旋即爆出風化案。一些知情員工對院方缺乏警惕性及危機感深感失望，表示若院方加強留意男童的行徑或調動病房，可能會避免悲劇的發生。

今日好PRODUCTIVE，一個早上都在趕文件，到下午放工時，已經可以完成今日的目標，認真開心！不過係預備將臨期慶祝會一事上，真係超頭痛，星期一要出封E-MAIL給宿舍的同事，“請”他們幫忙，免得又被人以為我“點”佢哋做嘢，真係煩，大家都係學生做嘢啫，為何有那麼多辦公室政治？我到心光係工作及傳福音，唔係同你哋班人攪對抗！最煩就係好多小人係背後抺黑，天父呀，對依D人我真係好攰，完全係無力氣去接應，成日都令我死好多細胞！