close
今早有好多工作要完成，因為下午要去產檢，所以早上處理得幾多文件就幾多。不過都做到眼花，因為係咁安排十二月聖誕節的節目，日日做到無停手！
 
下午去產檢，問醫生我的糖水報告時，佢話未飲之前係5度，飲咗之後係7.6度，啱啱好pass，如果超過7.8度就要捉我入院住一日，聽見都怕怕！但係明年一月又要去飲過,我諗到時無今次咁容易過關啦!
 
依家公立醫院的醫生一d都唔會再咁容易開藥，今日醫生問我點解我咁重鼻音，係咪傷風？我話唔係，係鼻敏感，順便問佢要多少少piriton同panadol，佢話自己去藥房到配啦！乜咁兒戲的，自己去藥房到配？乜唔係大肚要小心食藥的嗎？怎可以這樣叫一個大肚婆自己去配藥？容乜易會配錯的？我知公立醫院要cut好多資源，但係都唔係找大肚婆開刀啦？？？唉！對依個政府好鬼失望！又唔放多d產假，但係又叫人生多d，唔使養咩？
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄