close
一早起身，就發現喉嚨痛到不得了，上星期係痛左邊，今個星期痛右邊，心裏有些不好受。於是就係咁食喉糖同八仙果，喉嚨痛的情況才有些好轉。但真的好怕自己會病，正確來說係唔可以病，因為明天卓希爸就要帶學生到廣西遊學，我一個人睇住卓希，所以係唔病得。
今早返工時間為十二點，十點多便出門口，為的是可以先到金鐘的運輸署換領國際車牌。但好景不常，所搭的101遇上大塞車，比我預期中用了多45分鐘。結果呢？就係我無係金鐘落車，去到中環先落車，然後轉van返心光，因為我唔想又好似昨天一樣，遲到！
返到心光，英姐話我的辦公室還是有很大的膠味(此味由昨天下午已經有了，很刺鼻的)，所以我便去找tracy，告知她。tracy很好，很快的找了梁師傅來看看，原來係辦公室的光管燒了，唔單止燒了，還燒了附近的膠，所以那些味道便循環的在辦公室及冷氣中放出來。這便是為何我的鼻由昨天開始到今天都不停的流鼻水，及喉嚨痛。所以我足足吸了那些有毒的氣體兩天，唔喉嚨痛就怪。
唉！仲有一件瘀到爆的事件，話說今天我學校的開教務會議，不過我同院長話要返學，所以便要早走。咁就趕呀！趕！返到屋企，見吓隻豬仔希，囉車然後返學啦！等我仲啱啱好咁準時去到後，eeeeee！見到課室黑哂，又無人，咁就快快囉個file出嚟睇吓啦！點知今晚唔使返學。唉！仲趕到我cc吓添，算啦！咁就返屋企，一路流鼻水，一路同卓希玩啦！
全站熱搜
留言列表
廚藝“棒” (5)
