close
昨晚飲完鱆魚蓮藕湯，今早一起身泵奶時，嘩！一邊都有成五安，兩邊加起嚟就係十安！不過我又無谷奶的痛的感覺，只係覺得個胸重！所以十安就已經夠妹妹兩餐，勁開心，我仲擔心返工會影響個奶糧添！不過都係睇定d，也許遲些再忙時奶量會跌！

妹妹已經有成六日無大大，所以今日開始個人有少少忟忟哋，姐姐們話佢飲奶情況不理想，下午打給趙醫生，但佢忙緊，其實又唔想為咗少少嘢就打給他，不過妹妹就真係細，我怕作咗錯的決定就慘啦！但係楂車返屋企的途中諗諗下等都唔係辦法，去藥房買咗小童用的油甘條，幫妹妹塞咗後一小時，嘩！勁多，仲係好軟的，都唔知點解佢唔痾出嚟？(之前只係喺咁放......)佢成個人輕鬆哂，飲奶個人又唔忟，又乖乖地自己訓！

唉！依幾日都唔想寫日記，一放假就想同對仔女出街玩，玩到好夜先返屋企，攪點哂佢哋兩個時大人都散哂，都無乜心機再坐下來寫嘢！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄