今日輪到妹妹返學，我只能送佢返學，其他全部靠姐姐啦！所以話，小朋友點會親媽媽多呢？一定係親工人姐姐，因為乜嘢活動都係姐姐同佢一齊去！
今日返學前影的學生相，超SWEET！
- Sep 02 Fri 2011 22:09
妹妹也返學
- Sep 01 Thu 2011 23:14
一手包辦
卓希order咗明天的茶點：香橙海棉蛋糕！又係我一手包辦，第時放工唔係趕溫書，而係趕整茶點
- Sep 01 Thu 2011 12:16
小一生
我家豬仔希上小學啦, 由佢細細個到小學依條路, 真的不易走, 阿仔, 加油, 俾心機學習, 及俾心機享受小學生活.
佢7:10am就上樓車, 真好, 我哋兩公婆一齊帶佢落樓, 老公先帶佢去水池個邊, 我就去攞車, 然後停係校車附近, 老公就走人先, 我同阿仔一齊等校車, 睇住佢上車我就飛車返工, 時間啱啱好, 感謝天父, 我又可以盡一個媽媽的責任去帶佢啦!
- Aug 31 Wed 2011 22:22
茶點
為咗要盡做媽媽照顧小朋友的責任, 我盡量都整茶點給兩個小朋友, 今晚就整咗香蕉蛋糕 + 蝴蝶餅, 兩個小朋友食不停口.
咁, 就一定要同佢哋一齊, 先有親子樂麻!
- Aug 29 Mon 2011 23:30
杏仁瓦片酥
整嘢食條引係咁發作, 睇到本cook book就係好想乜嘢都整, 選一個較容易的杏仁瓦片酥.
容易到, 放手由得兩個小朋友自己"發"
製成品同書相片有出入，但好好味！
- Aug 28 Sun 2011 22:34
雙色條紋餅乾
新攪作：雙色條紋餅乾
無鹽奶油 60G
細砂糖 40G
全蛋液 30G
低筋麵粉120G
160度烤爐15-18MINS
本來本cook book話係格仔餅, 但好難整, 我就簡化佢, 都好好味呀!
- Aug 25 Thu 2011 22:06
唉！
DEPRESS 中！超亂！
- Aug 19 Fri 2011 20:29
不停地出汗
未放假前，我已經成日成身流好多汗，係由頭直流到背，BOOK中環的婦科，幾次都睇唔到，唔係我突然有事，就係佢突然要做手術，今晚又係不停咁流汗，又係食唔落嘢，剛經過樓下的中醫，佢把脈之後，就話我係「陰虛盜汗」，肝火盛，唉，晚晚都訓唔到，點會唔心火盛呀，要調理身體呀！
陰虛盜汗
盜汗叫盜汗，是因為它總在你睡覺後出現，好像有個小偷把你的汗水盜走。它最常見的病因，是陰虛。身體最忌陰陽不平衡，陰虛的意思，是「陰」的一方弱小了，「陽」的一方相對地過於壯旺，這種病態， 中醫叫「陰虛火旺」。
火旺，身體裏的津液受熱，被逼從皮膚流溢出來，便成盜汗了。陰虛的人，也不難辨認，他們一般比較煩燥，手心腳心發熱，臉上兩顴發紅，甚至中午後會潮熱。醫治盜汗，中醫常常滋陰，效果也是藥到病除。
童來把脈﹕治盜汗須清熱
文章日期：2009年12月9日
【明報專訊】中醫將排汗過多的毛病統稱為汗證。一般來說，汗證可以分為自汗和盜汗兩大類。
自汗小童怕凍臉色青黃
晝夜皆不停地出汗的就是自汗。根據筆者經驗，小兒自汗的主要原因是過量用發散類藥物或是大病後耗損了氣，氣不足、虛了，便不能管理腠理毛孔開合而導致自汗；此外，由於氣還有溫煦身體的功能，自汗後氣隨汗液不停外泄，形成一種惡性循環，因此患有自汗的小朋友會較為怕風怕凍，甚至觸摸他們的皮膚時會覺得冷冷的。與此同時，他們的臉色會青青黃黃無光澤，而且胃口差，有精神不振等氣虛症狀。中醫治療自汗重益氣固表，牡蠣散便是一條專門治療此病的方子。
盜汗是指睡眠時出汗，醒後自動停止的一種疾病。雖然這是它的定義，但我們總不能硬邦邦的理解為只有睡覺時才出汗，日天一點汗也不出，這是不合現實的。 其實盜汗患者跟平常人一樣，白天亦會出汗，不同的是，他們在睡覺時比平常人出汗多。當然，在確診他們患有盜汗前，我們先要排除出汗的原因是睡覺時穿著過厚衣服或蓋厚被子所致。
衛氣與內熱相爭致盜汗
筆者相信很多讀者都曾聽說過盜汗，亦有不少朋友知道它是由「陰虛火旺」所導致。因為年長一輩又或是某些書本上也是這樣說的，但這個我們不能一概而論。由於在臨上，我們觀察到一些不屬「陰虛火旺」的人亦出現盜汗徵狀。雖然如此，大部分的盜汗仍是與體內有積熱相關。筆者便曾治療過一個因飲食積滯內停，日久而化熱所引起的小兒盜汗病例。早前我亦曾提到在出汗時，體內陽氣會隨汗液從內而外透發，因此排汗能調節體內陽氣的多寡。假如體內有積熱，身體便會通過排汗來調整，達到陰陽平衡，但為什麼有些內熱的人睡覺時才出汗？中醫學認為睡眠時本身運行在身體表面的陽氣（中醫稱之為衛氣）會進入體內，當內在的積熱與衛氣相遇、相爭時，便會形成體內陽氣增多的局面，這種熱能會蒸發津液外出，導致盜汗。
- Aug 14 Sun 2011 22:22
期待已久的活動
今天本來心情麻麻，因昨晚和老公吵架，真係無理頭到想死，所以今早頭痛+ 背痛(我成個暑期都背痛)，就真係唔係好想出席下午的沙灘活動。依個活動由卓希同學的媽媽所PLAN，成兩個月前已約好，真係抵擋唔到一班媽媽的熱情，只好赴約！
OF COURS，昨晚吵過，今日一定得我帶小朋友去街，好彩帶埋姐姐，否則人都癲！雖然曬，但好開心，基本上卓希都好乖(佢知我心情唔好，知道係邊個位要乖)，婷婷就由昨晚到今日都係到扭計，佢諗住佢爸爸睇佢，點知佢爸爸無去，就由早上到晚上，都俾我丙咗幾次，真煩，下次留佢係屋企！
晚上唔想咁快返屋企，唔想再吵，就同晞朗一家去食飯，三個小朋友一齊食得好快，佢哋應該肚餓的啦！
食完飯，我就去咗道聲，好耐之前睇咗「獅王 女巫 魔衣櫥」，好想睇番書，我細個的時候，爸爸第一本就俾中文我睇，之後所有的都要我睇英文，真係回味無窮！不過今次我全部中文，諗住第時卓希識多些字時都會睇麻！
係書室見到依本書，真係好想買，唔知有無用呢？我個麻煩老公，年紀越大，牛脾氣就越似老爺，我唔會似奶奶咁忍的，一定話鬼佢，唔出聲唔代表我同意，而係唔會係小朋友面前咁做啫！
仲有依本，但係我諗作用都唔大，一定要另一半肯同你合作先得架！
- Aug 12 Fri 2011 23:17
青團開會 / 基會難得演唱會
係七月初，已經約好今日新舊團職嚟我屋企開會，本來係一早嚟，但後來晚上要帶佢哋去聽演唱會，所以改在下午三時先開始。
班學生都有進步啦，以前要開成三個幾鐘先得，今日兩個幾鐘就已經得。
本來係姐姐做大廚，我只負責兩個小菜，但老公帶咗兩個小朋友同埋工人姐姐去公園玩，打咗兩次都唔返屋企，我只好自己上，好彩寶刀未老，四十五分鐘就攪點！
仲有湯、菜未影，班化骨龍全部清哂所有食物，認真可怕！
跟著，晚上就帶佢哋去張崇基 張崇德演唱會，死啦！唔知係咪我脫節呢？點解佢哋講的笑話我唔識笑的？我只係識聽JIM JIM JIM咋！唉！我係老人家！
- Aug 11 Thu 2011 23:24
整餅
今晚係到睇整餅書，心血來潮好想整，見到屋企都有少少材料，就整啦！
不過我都改佢唔少，家裏無咁多牛油，份量又改少咗，屋企無帕梅森起司粉，我改用阿華田粉加麥粉，整好後，成條放咗入雪櫃，明天早上放入焗爐就有得食！我愛整餅書！
- Aug 10 Wed 2011 22:12
捨不得妳：熙銣
今天是寶貝熙銣出臏的日子，其實我真的不想看她過身的樣子，只想保留那甜美的笑聲，那八字腳的影子，只是，心裏很想送她最後一程！
看到她後，眼淚不停的流，見到她小小的嘴角週圍，盡是瘀血，應該是在搶救中插喉所引致的。她，很安祥地睡著了，就像平時在心光睡覺的樣子，很美。
熙銣，你看，那麼多心光同事過送你最後一程，真的多謝你帶給我們的歡樂，及看到妳的進步，令我們有著無限的鼓勵。相信你現在在天父的懷中，一定是和平日一樣大笑，行動自如，天父很愛每個小朋友，妳在那裏等我們，有一天，我們一定會重遇的！
天父，感謝祢，有一班這麼愛熙銣的同事們，請代我們先照顧她！
- Aug 08 Mon 2011 23:11
小機場大學問
小機場大學問．職業探索之旅，去年已經想幫小朋友報，但往往有這樣的活動都會好FULL，所以今年我哋集合咗幾個媽媽的力量，終於都報到！
玩，都係一次好啦，多的話，小朋友唔會覺得珍惜的！
- Aug 07 Sun 2011 21:35
35度高溫下，我哋居然...............
今早返咗教會後，係35度高溫下，我哋居然由青衣碼頭，步行籌款，要行到去長發村個邊嗰個公園。LUNCH的時候，老公已經係咁UM UM UM UM UM 我，話我唔應該帶小朋友去行，捐錢就算，但係我又覺得要小朋友都可以參與麻，如果唔係佢哋都唔知發生乜嘢事！
真係好曬，唔係太多陰的地方行，妹妹又扭眼訓。行到一個有陰的地方後，仲有兒童遊戲設備，我便同牧師講，讓小朋友們在這裏玩一會兒，等他們返轉頭吧，太曬了！
就這樣，我們在陰地等他們，唉！原來係在長發那邊解散，好彩牧師師母都回來找我們(因為牧師個仔同卓希芍婷一齊玩麻)，跟著就一班人走咗入去青衣城到“過冷河”！
我好希望，係我能力可以的情況下，都多些參與教會的活動，尤其是現在是暑假，我的時間許可，一開始返工，星期日的下午是用來預備屋企的用品及食物，就沒有機會參與了！
另外，也想小朋友們多些參加教會的活動，真的，主要只是三個小朋友：牧師個仔、卓希及芍婷。希望他們能多些彼此的交流，一起成長！
- Aug 06 Sat 2011 22:46
想想想念妳，可愛的小天使！
先看看我今天的樣子
好似精神了好多，那只是假像，因昨天做了FACIAL，所以睇上去好似幾精神，但我仲係好攰，老人家麻！
今天我的腦袋不停地轉轉轉，想想想，想起和一個小天使相處這兩年的時刻，很開心，雖然她的能力往往未能達到目標，但看著她的進行，令人很開心！
我們還在沖繩時，晚晚都要CHECK九百幾個E-MAIL，當中就一定係工作上的INTERNET，一晚，收到這個小天使離世的消息，真的很傷心。當時我真的很想找人傾，但老公唔識依個小朋友，我又唔想嚇親我的小朋友們，所以真的很傷心，那晚，難以入睡！
後來，早上一早醒了後，看荒漠甘泉，突然令我想通了！天父安排這個小天使在心光，是要我們和她一起成長，這個安排，對她也是最好的，因看著這兩年內，她已盡了自己最大的努力學習，但能力所限，不過達標！感謝天父，讓我們認識過，讓我們一起敬拜過(她很愛唱詩歌，一唱，她的身體會隨著歌聲搖擺)，讓我們一起做手工(我教美勞麻)，讓我有機會迫她更上一層樓地做小肌訓練！感謝天父，讓我看到自己要更愛學生們，無論軟功或是硬功，都要大家一起學習！
熙銣，多謝你這兩年來帶給我們的歡笑！
(這是小肌訓練中的第五個STAGE，她都能應付，所以真的很愛她哦！)
- Aug 05 Fri 2011 21:06
沖繩自由行後感
昨天是回來後的第一天，我，散哂，今次唔認老都唔得！是次旅行真的很疲倦！所以，今天才寫少少有關是次旅行的後感！
1. 在PLAN後程是有一定的困難，因為以往不是太多港人去過沖繩旅遊，搜集資料方面較北海道困難。在整個行程表中，只有兩四個地方不能如期的去看，就是“第一牧志公設巿場”、“齋場御嶽”、“許田山原物產中心”及“海中道路”！
- 第一牧志公設巿場：應該是我們第一天到逹後，要去食飯的地方，那是沖繩最大的巿場，有「沖繩的廚房」之稱。由於一去到酒店後要同酒店理論，錯過了時間，只好放棄！
- 齋場御嶽：是第二天行程，那是琉球最高深聖所之地，以前國王舉行祭典之地，在2000年被聯合國到為世界文化遺產。
- 許田山原物產中心：依個最失敗，離我哋MARRIOTT HOTEL只係五分鐘車程，但每天我們回酒店時都錯過了時間，終於，無去到。這個地方是公路小休處，也可以買到好多特產，尤其是水果！
- 海中道路：應該呢，就是第四日的行程，但係佢哋三個麻煩，成日睇完自己鐘意睇的戰機同買完美軍裝後，就成日催我返酒店，咁去旅行就梗係要週圍去玩啦，返酒店做乜鬼呢？海中道路係一條橫誇幾個島嶼的橋，個個網友都話好靚，但也有網友話這橋不敵清馬大橋之美，真係觀點與角度的問題。
2. 行程效北海道遠，北海道的境點都遠，但每個鐘點所逗留的時間不多，相反，沖繩的境點逗留時間較長，小朋友需要多些時間四處走，所以每日的境點都會有一個會去唔到。
3. 由於有兩次FREE的BUFFET給我們，用係食方面的錢真的唔多！更何況我自從中暑後胃口大減，所以我哋出去食嘢都只係叫兩個SET，哈，真奇，都叫做夠食。
4. 老公有遠見，早咗幾個星期“唱”咗日圓，所以到我哋出發個日，日圓貴到無人有，我哋都唔會使得太心痛。因為我哋無乜點買嘢，所用的錢唔多，仲有幾萬YAN帶回港，滿足！
5. 如果可以有多一兩個家庭一齊去的話，會開心D，唔使我成日只係問老公意見，但佢又無做功課時又唔答我，攪到我唔多唔少有好大的壓力！
- Aug 03 Wed 2011 23:56
OKINAWA 5
我依個緊張媽，由於連日來週圍都多人，決定一日就楂車去OTS還車(要成個半鐘才到)，諗住CHECK IN咗後就可以週圍去。點知，到咗機場，先知到香港班機唔可以咁早CHECK IN，要下午二時十五分先可以。好彩機場有LOCKER，係大到連成個喼都放得落個隻，放哂後，我哋又搭單軌火車出DOWN TOWN到搵食！唔識去好多地方，只好去DUTY FREE個FOOD COURT，粗粗地食少少嘢！
然後我哋到番機場時，仲有成半小時才可以CHECK IN，但已有人在排隊，咁我哋都排隊啦！唉！如果唔係只係得HONG KONG EXPRESS的話，我一定坐其他航空公司的飛機，成日DELAY，今日又DELAY咗成個鐘！
係飛機到，兩個小朋友係咁睇嘻羊羊，我就係電影，依家有咁的設計真好，大家各有各！到香港時，可以睇到香港的景色，不過太大煙霧，相影得唔靚！
- Aug 02 Tue 2011 23:27
OKINAWA 4
今天的目的地係巿中心，其實都無乜嘢要買，只係想行行走走，搭下單軌列車。後來我在想，其實我哋都幾衰，事緣係之前一晚我係咁搵一個巿中心的地標，要SET入去車的GPS到才可找到巿中心，點知都差1.5KM就到時，卓希係咁講話好急，要去洗手間，我突然一個左轉，就轉咗入去類似吉島十蚊店的地方，係個到去洗手間。然後用借番嚟的IPHONE睇睇自己當時的位置，發現國際通就係我哋的後面，咁咪可以就咁泊車係到，一陣返轉頭拿？佢週圍都係寫日文，跟本唔明白。一於決定放底架車，去行巿中心成兩個幾小時。但係一路行時，發現好多要俾錢的停車場，係咪我哋太衰呢？唔理三七二十一啦，玩完先算！好彩無事，我哋後來仲係十蚊店的超巿到SHOP咗一陣！
然後，就去最近美軍機地的看台到，睇戰機！係車裏，我哋時常見到兩架兩架的戰機，點知到咗療望台後，等咗好耐先有兩架，不過真的已經好開心啦！
睇完戰機，卓希就係咁催我去美國村，不過真係無嘢好睇同買，只係係一間專賣美國衫的地方找到少許東西給他們，兩個小朋友都要試身，我就係試身室到同佢哋影相，超攪笑呀！
順道係個到的吉島食埋飯，才回遠遠的酒店。
晚上我一個人落咗樓下做FACIAL，真係好舒服呀！
又係時候要執嘢返香港啦！
- Aug 01 Mon 2011 21:22
OKINAWA 3
去旅行，莫過於可以訓到晏一晏先起身！我哋昨晚訓得好好，真係靚D的酒店係唔同，個個訓到八點幾先醒，兩個小朋友仲要我整醒佢哋，因為過咗十點的話，會無早餐食。
本來PLAN咗先去海洋館，但係咁近海中展望塔，五分鐘車程都唔使，就梗係去海中展望塔先啦！好舒服，咁早，無乜人，我哋係條到打橫咁影相，勁開心，最開心就係時間攪到啱啱好，可以搭到FREE SHUTTLE，唔使自己係咁行去！
去完海中展望塔之後，我哋就去咗苦瓜園，旅遊書寫到好好，但原來都唔係好多嘢睇，好大個蜜瓜，但原來唔賣的！不過真係見識到日本人對種植的熱心！
話咁快又到咗中午食飯時間，為咗可以好好咁利用時間，就算唔係好餓，都去食少少啦！今次去咗一間名叫“大家”的食店，嘩！好偏遠的，如果唔係有GPS，我一定搵唔到！就係因為四個人都唔係好餓，只係叫咗兩個餐，都夠四個人飽，我就食得最少，只係好想飲多些水！
跟著就去我自己都幾期待的海洋館，但原來都幾失望，只係得一個好大的魚缸之外，就真係無乜特別，起碼墾丁嗰個真係多好多嘢睇！去過墾丁海洋館的朋友，唔使去沖繩嗰個，無嘢睇，又貴！
之後，就係長車程，本來係香港時我已PLAN咗要去琉球村，但昨天去了玉泉洞之後，見好多嘢都跟琉球村差不多，就諗住唔使再去。怎知晚上記錄財務時，突然想起係OTS時我哋連琉球村的票都已買了，唔去就真的好浪費，日本的入場費下下都過百，所以與我們現在的住處較遠都要.............去！但又真係無乜嘢好睇，也許我哋對琉球的歷史唔係好認識，所以興趣不大！小朋友最開心就係見到好大隻水牛！
近近地，去埋殘波岬，不過我哋成五點先到，所以已關門無得上個塔到。好彩咋，依個卓希一見到個塔又話要上去，我同老公就唔係好想啦，因為猜一定要行樓梯，今早展望塔已經行咗成五十幾級，好窄的樓梯，到黃昏一定攰的啦，隻衰豬希仲話要上去，好彩CLOSE咋！
在回酒店的路上，去埋萬座毛，泊好車後，婷婷妹妹大嘔吐，也許和卓希在車內玩得利害，及玩飲汽水，加上多彎位，所以暈暈地車浪，就嘔！成套HELLO KITTY衫報銷，要立即買過一條好好好好貴的裙！所以我面色難看，加上又同老公吵過幾句，認真辛苦！
見係晚飯時間，就用旅游書介紹的麵館去食飯，真係幾好味，但我好想食其他嘢啦，唔想再食麵！
返到酒店，同兩個小朋友到泳池玩一陣，就返房休息，我真係好怕妹妹會病，但又好似無乜嘢啦，奇怪！
- Jul 31 Sun 2011 22:33
OKINAWA 2
昨晚我哋一家都訓得唔係咁好，婷婷醒先，佢三點幾叫醒咗我，然後問：我哋幾時返屋企呀？我話玩完就返屋企的啦！佢係床到LOOK咗一小時，就訓番，可可憐的我，個鼻開始發作，呻哂間房的紙巾都未止到！(但我訓之前有食過敏感藥的！)我又LOOK到五點到，就望住個太陽慢慢升起，咁就訓番。跟著就到卓希又係鼻發作，佢就醒，拿到老公的紙巾，然後又係上床再LOOK LOOK吓就訓番。到最後老公一早起身，我哋都慢慢咁起身，執嘢，預備食早餐及CHECK OUT！
CHECK OUT後，老公一直都係到嚇我，會唔會去到MARRIOTT時會唔會無房，一於有理無理，唔鬼理佢！
我哋第一站就係首厘城，個皇宮就梗係無中國的咁勁，但有一樣嘢直得講，就係佢哋保存得好好，香港人真係要學吓啦！
然後我哋未肚餓，因為好晏才食早餐，直接去玉泉洞，嘩，原來好大的，我以為得一陣就得，點知都個幾小時。本來我無諗住去睇蛇，因為我怕麻，點知卓希係咁話要去睇蛇，佢哋三個就去睇，我坐得遠遠咁，我好怕蛇呀！
反而，落到去洞底，卓希佢怕，也許係黑啦，但大自然真的好奇妙，只係小小的水力，就可以影響到咁硬的石頭！
之後，我哋去咗BLOG友個個話一定要楂車去買的炸物嚟食食，唔試過，我唔甘心的，四個人，食得最多嗰個係‧‧‧‧楊芍婷囉，人仔細細，食量真係好點！
由於我哋今日的活動範圍係南部，而酒店係中部，要楂成個鐘頭車去，所以又開車去酒店啦！嗱！今次我承應我超速，仲超好多，因為我唔想天黑先去到酒店，沖繩係鄉下地方，連酒店的四週都係無乜嘢， 好黑的，所以趁天黑前要到達！但係到咗酒店後，我哋一D都無後悔，好靚，好好服務，只係房裏只可以電腦上到網，IPHONE就要去LOBBY啦！(我哋自己帶埋ROUTER嚟，昨晚SOUTHERN HOTEL可以用到，但今晚依間MARRIOTT就BLOCK咗，唔可以用IPHONE上網啦)
我哋今晚又係食免費自助餐，講真，係唔使錢我先會食，成港幣三百幾元一個，都無乜嘢好食，日本人的自助餐同我哋真的好唔同！
返到房，我唔想兩個小朋友成日係房到係咁睇電視，就拿功課要佢哋做，所以佢哋兩個都乖咁做一版！
- Jul 30 Sat 2011 21:34
OKINAWA 1
我哋一家人今次外出真係好齊心，因為好想去玩麻！本來講好咗九點就要出門口，班機12：10，諗住九點出門口，十點幾到機場，我哋已經做咗ONLINE CHECK IN，可以時間多些去玩下，點知好好好好好多人！
一去到機場，係HONG KONG EXPRESS到已經係超多人，我哋已經排咗ONLINE CHECK IN那邊，否則要BOARDING 都未CHECK 到IN。10：20到機場，差不多用了一小時排隊及CHECK IN。見咁多人，快快過關去，真係關得關嚟，班機已經快要開始BOARDING，我搭咁多次機都未試過！
去到43號閘口，只差少許時間便可以上機，快快同兩個小朋友去洗手間，今次楊卓希好唔聽話，成日自己見到新奇的嘢就走開，我話咗一定唔會去搵佢，係老公唔放心！
班機就一定DELAY啦！因為我哋無位座呀，點解！咪就係同ONLINE CHECK IN有關囉！話說我哋ONLINE CHECK IN時，佢話到明班機係737，咁我哋已經MARK好哂WINDOWS SEATS，點知一上機，就見到佢轉咗A330大機，本來的WINDOWS SEATS變哂中間的兩個兩個的位。空中小組已經好好，話會幫我哋問其他乘客可唔可以換位，點知戲肉係後面，我哋四個人，有三個人的位同其他乘客DOUBLE BOOKED！連位都無埋！我以為佢哋會UPGRADE我哋添，點知，哦！原來前面有兩個兩個的WINDOWS SEATS，都好，係我哋原先想要的，唔再嘈，乖乖坐好等起飛！
落咗機，先去OKINAWA TOURIST INFORMATION拿我一個月前BOOK咗的免費IPHONE，已經有些APPS係幫助我們的。然後到OTS的職員到報到，要坐他們的專車去租車！
租租吓車，個女職員話康泰幫我哋BOOK的車無保險？吓？唔係掛！我叫佢查清楚，後來又唔知點解得咗，不過我哋都加咗二百元加多一個保險，真係怕會整到架車的！
攞咗車，就跟GPS去酒店，原來好近的，唔使十五分鐘！到咗酒店CHECK IN時，大大大大的問題出玩咗！
話說，當日我哋去康泰買依個PACKAGE時，佢話我哋四個人，就一定要分開兩間房，係計人頭，但我哋表示咁樣唔方便照顧小朋友，可否要一間有兩張KING SIZE BED，當時康泰話SOUTHERN BEACH HOTEL有我哋要的房(我哋今次指定的酒店)，不過要加錢才可以得到依種房間。到步後發現原來係普通房，再加多兩張床，完全無活動空間。我係CHECK IN到死LUR，後來佢哋唔夠我講，就打給AGENCY，AGENCY又唔夠我講，就提議我轉酒店，因為依間酒店無哂房。咁我打蛇隨棒上，話我哋的SECOND CHOICE係MARRIOTT RESORT AND SPA。咁AGENT 幫我BOOK到未來三晚會去MARRIOTT，但當時我表示當晚不會走了，已經成晚上八時，小朋友們未食飯，仲要北上的話，他們會後吃力。當AGENT聽到我們未有飯食，就送咗SOUTHERN BEACH HOTEL的自助餐給我們。而當他打來房間找我們時，CONFIRM MARRIOTT ，又表示送埋MARRIOTT一晚的自助餐給我們，今次有SOOOOOO！
- Jul 29 Fri 2011 22:33
預備去旅行
明天我哋一家就會去沖繩自由行五天，每日執少少，今晚終於要執好，但係唔知點解今年的行李少過去年的呢？
- Jul 28 Thu 2011 19:13
居然打風
妹妹返埋今個星期，就會結束係德福的幼兒園生活，本應返埋星期五(明天)，但突如期來的風球(三號)，也許令到佢明天唔使返，OH，無咗LAST DAY，仲諗住幫佢同許老師影番張相添，咁就無啦！
- Jul 27 Wed 2011 23:03
拍拖去
同老公約好今晚要去拍拖，卓希同學的媽媽介紹BABY BAMBOO的APPS給我，係無意間見到好似好底咁，$138食佢平時值$380的放題，咁咪兩個人去試吓囉！
好味是好味過松屋，但係限制多多，又唔可以一次過點多些，跟著就俾我哋發現有受騙的感覺！
原來我們所團購用的點菜紙和原價的大大不同。事緣我們快走時，隔離枱來了兩位小姐，侍應兩張點菜紙都拿在手裏，一聽見是放題而不是團購，便伸那張成五十多種菜色的紙給他們TICK。但明明廣告團購中是這樣寫的：「【洗心革面之作，絕不超賣】$138歎「乾杯串燒居酒屋」兩小時和風燒烤放題(原價$380)，數十款烤肉、海鮮、素菜任你食，加送特選拼盤1份。」寫明$138食平時$380的嘢，但居然係有咁的分別，雖然我未必食得哂五十幾道菜色，但他們這樣寫廣告便是有騙人的感覺。
- Jul 27 Wed 2011 13:26
我又要做手術啦！唉！
自從2010年1 月做鼻甲骨手術後，我一直都有回醫院覆診。今天再到醫院時，醫生要我再次做手術，矯正變曲的鼻中隔骨。
在2010年1 月所做的切除鼻甲骨腫脹部份後，鼻塞情況有所改善，但左邊鼻腔內常發炎，左邊頭痛。早兩次覆診已和醫生提及這件事，影響到我有耳水不平行的情況。今次覆診，醫生表示因我的鼻中隔骨移位，所以令到鼻竇竇口引流阻塞導致不停的鼻竇炎(我已服用了多次抗生素療程)，要我做手術，移正位置。
今天醫生已開始幫我排期做手術，大約三至四個月便可以排到！自上次做完鼻甲骨手術後，我仲以為有排都唔使再入院，點知事隔一年，又去入過，仲係要同前幾次一樣，要全身痳醉，每次的痳醉，都會令我有以後都不醒的感覺，真的要多多禱告，求天父給醫生智慧來幫助我，及是次的手術真的能改善鼻竇情況。
不過一諗起做完手術後，又有一段時間唔可以向前傾，就覺得煩，諗起上次成日要好似個日本小偷咁，真係唔係幾想！不過無法啦！我唔想成日食抗生素！
- Jul 26 Tue 2011 18:55
愛敬拜的小女孩
妹妹好鐘意跟著基恩個隻詩歌碟嚟敬拜，我哋成日一齊跳舞敬拜的！
基恩：滿有能力
基恩：雲上太陽
- Jul 25 Mon 2011 21:36
在患難中也要感恩
【專案組、兩岸組報道】溫州前晚發生釀成二百多人死傷的高鐵慘劇，令內地高鐵系統的奪命弊端徹底曝光。鐵道部昨強調是雷擊導致事故，意圖諉過於「天災」，惟中港專家矛頭卻直指「人禍」。當局昨急將主管該線的上海鐵路局局長、黨委書記、副局長三人免職圖平民憤，惟拒認高鐵質量出問題，再挑全國民眾怒火，狂斥好大喜功的高官謀財害命，直言「這是中國人的國恥日」。
前晚八時半發生在浙江溫州的高鐵追撞出軌墮橋事故，截至昨晚當局修正後的死傷人數為四十三人死亡，二百一十一人受傷。鐵道部發言人王勇平昨向民眾鞠躬道歉，但在解釋事故原因時，堅持是由於雷擊造成前車設備故障停駛，而後車追撞導致。至於詳細情況，他指要等待進一步調查，未有交代。
系統至監管都出問題
官方雖然將慘劇定性為天災，但實際上多名中港專家提出對事故原因的看法，矛頭均直指人禍，當中最主要的五大禍因，令許多專家直指太兒戲。首先是中央調度系統為何失靈，鐵路中央控制室理應知道列車情況，就算列車因為系統故障未能傳回訊息，控制室亦不應指揮後車繼續前行。本身是港鐵車長的葵青區區議員梁志成表示：「今次意外令人匪夷所思，似乎由訊號系統至監管都出咗問題。」
第二，高鐵路軌絕大部分架設在空曠路面或架空橋，風吹雨打屬意料中事。理工大學機械工程學系工程師盧覺強指出，列車車身和鐵路沿線都應該裝有避雷裝置，事故反映避雷裝置或出現不足。第三則關乎涉事列車的質量問題，事發時前車D3115次列車因受電擊失去動力，通訊系統亦無法運作，反映列車配備缺乏雙重保障。
第四，運行區間的設計太密。內地○七年自行研發出自動閉塞系統，該系統將鐵路劃分為不同運行區間，系統能在短時間內偵測出有兩輛列車駛入同一區間，理應在五十五秒內將時速二百公里的列車緊急煞停。但當時後車D301次列車以高速追撞，而當局指後車司機曾緊急煞車，顯示區間距離太密而煞不及。
大橋護欄設計存缺陷
最後也有人質疑大橋護欄設計存在缺陷，因事發路段高架橋護欄高度不及列車一半，而且在衝力不算太大之下，仍被撞出缺口，導致四節車廂直插橋下。北京交通大學經濟管理學院教授趙堅更認為，有機會是管理跟不上硬件發展的人禍。另外內地媒體揭發，鐵道部訊號系統的獨家供應商，其毛利率逾五成，暗示當中或涉黑幕。中國問題專家、北京理工大學經濟學教授胡星斗向本報表示要查清這次高鐵事故，關鍵是背後隱藏的貪腐問題，更應該等調查完畢後，再重啟高鐵服務，否則慘劇隨時再現。
鐵道部、上海鐵路局和溫州市政府代表，昨晚十時許在溫州市舉行記者會，逾百名記者到場採訪，但當局在記者會上無法解釋事故原因，善後措施亦未能交代清楚，引起記者不滿，記者在會後繼續包圍官員追問，場面一度出現混亂。
高鐵墮橋五大禍因
1.中央調度系統失靈
2.竟無安裝避雷裝置
3.涉事列車質量存疑
4.運行區間設置太密
5.大橋護欄設計缺陷
今
晚睇完新聞後，心內感觸良多。
一、雖然現時的政府極無能，但我也感謝天父讓我在香港生活；
二、感謝天父現在的資訊發達，讓我們看到事情真相的另一面；
三、感謝天父我們有批判思考的能力；
四、繼續為死傷者家人禱告，願天父的愛終有一天能安慰他們失去致親的傷痛；
五、祈求天父，讓中國的同胞們終有一天可在公平、公正、公義的環境下生活！
- Jul 25 Mon 2011 20:46
書展
卓希同我都好鐘意去書展，有好多嘢睇，今年我哋一家四口出動去書展，仲帶埋姐姐幫忙，我無打算買好多嘢，但係見到雜誌咁平，唔買真係對唔住自己！今年無續訂到MARIE CLAIRE及COSMOPOLITAIN，因為我次次都一次過訂兩年，而且覺得今年的GIFT唔係好吸引，所以都係等多一年先！
兩個小朋友一見到有GAMES就話要打，第時點算？都係要LOCK機先得！
小朋友們的戰利品！
大人們忍手下的戰利品：
依D所有都係贈品，如果我有訂到雜誌，會仲多好多：
- Jul 23 Sat 2011 16:51
買呀、買！
卓希今次成績單全5，只有兩個4，妹姝成績單又係全5，兩個4。所以係反嘔城選戰利品。老公又獎自己一個columbia背包，不過唔知為要飲泡泡水。
- Jul 22 Fri 2011 21:27
我..............懶到出汁！
好耐無寫BLOG，唔係無嘢寫，而係晚上坐在書桌旁後無動力。
懶.............唔想整相！
懶............唔想打字！
懶.............唔想去深究每一件事！
懶.............唔想將自己的想法俾全世界人知道！
所以一直都無寫到，另一方面就真係幾忙，今個星期雖然開始放假，但係我日日都唔係屋企，因為要帶卓希出出入入。
今晚，又忙著下星期旅行的行程表，真係無動力，因為我要做一個完美的行程表呀！
例：
第2日：沖繩南部 (7月31日 星期日)
|
時間 |
行程 |
備註 |
費用 |
||||||||||||||||||
|
早上 |
早餐 |
酒店自助早餐 |
PACKAGE 包 |
||||||||||||||||||
|
首理 首里城
|
MAP CODE：33161526*77 http://oki-park.jp/shurijo-park
開車或搭計程車 若您開車或搭計程車，請詢問服務人員首里城地下停車場是否有車位。 搭乘單軌電車 & 再轉搭巴士（車資100日圓） 搭乘單軌電車至首里站下車，再搭乘首里城下町8號線（車資100日圓），在「首里城前」車站下車。 從那霸機場到首里站的單軌電車車資： 成人：290日圓 停車場簡介 在首里杜館的B1及B2樓層備有地下停車場。若停車位已滿，在首里城的附近有私人收費停車場。 首里杜館地下停車場停車費 大型車 : 940日圓 首里杜館地下停車場開館時間
|
800 YAN X 2
只限泊車兩小時 |
|||||||||||||||||||
|
入園費
|
|||||||||||||||||||||
|
下午 |
午飯 琉球料理 〒９０３－０８１５沖縄県那覇市首里金城町３－３４－５
|
MAP CODE： 逢星期三休息
|
1500 YAN each |
||||||||||||||||||
|
玉泉洞(書P.125)
玉城村字前川1336 |
MAP CODE：232 495 333*86 http://www.japantvl.com/okinawa/sightseeing09.html
|
1470 YAN X 4 |
|||||||||||||||||||
|
小食，中本鮮魚店：天婦羅炸物食店 |
098-948-3583 |
|
|||||||||||||||||||
|
齋場御嶽(書P.126)
|
MAP CODE：33 024 191 http://rca.open.ed.jp-city-2001/heritage/seifa/
|
FREE |
|||||||||||||||||||
|
|
交通
Information
|
||||||||||||||||||||
我個人好衰，一係就唔做，一做就要做到最好，免得到時成家人都唔知去邊到好，所以依個行程表真的好重要，也許仲會有一段時間唔見咗人！
- Jul 07 Thu 2011 21:30
無動力
好耐都無動力寫BLOG，因為學期尾，好好好好好好忙！今天無崇拜，無晚禱，我決定四時十五分就走人，但係現實就係走唔甩！預備明天的CAMP，多嘢做到不得了，仲要開會，又多一份會議記錄要寫了，噢，我的忙到底幾時才完呢？這個星期，返到屋企，都無動力去整麵包，太攰啦！卓希又只係返三日學，有一日仲係開大食會，唔使我為他預備茶點，所以真係好好好好好攰！追寫BLOG去！
廚藝“棒” (5)
