close
我今日終於有放假的感覺，不過都係有好多嘢要準備過年。
今日心情真的都係麻麻，因為昨天收到蝦蛟媽的sms，佢的小蝦蛟(蝦蛟仔的細路)入咗QE的深切治療部，仲曾經搶救過，咁細過要打強心針。今天我才打電話給她，原來上星期小蝦蛟已經發燒，但係無alert到佢燒得好高，而醫生已經確認為“鏈球菌”入咗個腦到，變咗腦膜炎。小朋友無醒過，不過姑娘話會試吓俾奶佢飲。聽到後個心真的唔舒服，咁細個小朋友要受咁多苦！
記得卓希初出世時，趙醫生睇佢，都好慎重咁建議我哋打“鏈球菌針”，不過真的好貴，兩歲以下要打四支，每支成$700。我都係等卓希滿咗兩歲時才帶他一次過打一支，幸好他無事。不過卓希爸今次聽到後，都話依d錢唔慳得，所以也許老二出世後，都會帶佢去打。
求天父看顧他們一家，尤其是蝦蛟爸，他已經病了，求天父給他們力量去照顧這小朋友。
全站熱搜
留言列表
廚藝“棒” (5)
