<font size="2">
最喜歡把所有玩具倒出來，然後就走人！
最喜歡把所有玩具倒出來，然後就走人！
- Jun 28 Wed 2006 09:44
卓希近來對玩具的玩意
- Jun 27 Tue 2006 13:16
忙！忙！忙！
回想今天，只是和一般的日子沒有大的分別。工作及家庭，只是我在工作時真的很掛念卓希，很想很想在家裝個cam，可以一有時間便上網睇吓隻豬仔做乜，但係到現在還未找到合心意的。上次在bb展見到，不過覺得貴，便沒有買，但現在真的很想很想買一個！
別人臨近學期尾會開始輕鬆，或可以開始plan暑假的活動，但我就真的沒有，工作多到不得了。尤其要預備夏令營，要用盡所有的空堂都做唔完。有時回想，得我一個人做，很吃力，但真的沒有其他同事可以分擔。為有自己盡所能的，有多少便做多少！
「 用和平彼此聯絡，竭力保守聖靈所賜合而為一的心。」
以弗所書四章三節
- Jun 26 Mon 2006 13:16
我就快氣壞了！^x^
昨天晚上真的不知為甚麼，十一時半上床睡覺，但個腦還在想很多事情。好啦！到我真的要睡時，又卓希哭鬧，一時小內不停的又睡、又醒、又哭鬧。身心真的很疲累。到他真的定定睡在我的位置時，又輪到自己係咁咳嗽，半夜一點半忍唔住走了出廳，大大聲地咳，咳了一輪後終於可以訓啦！但因為天氣太熱，四點又醒，要出動訓係張蓆到才可以有覺好訓。所以我真正有好的睡眠只是兩小時，因為未到六點，卓希又起身啦！我發現我哋兩公婆真是鐵打的，晚晚都唔夠訓，但係又頂得住，所以為人父母真的不容易！
今天是很忙碌的一天，早上要趕哂所有的堂，然後下午去聽一個倫理科的研討會，唉！教統局所安排的talk有時真的不知他們的作用是甚麼，個講員所講的和題目不付。真的有所失望，好彩八節裏我只報了四節，其中一節因為要帶學生外出便沒有去聽，如果唔係會激c！
仲有一樣激c人的嘢(起碼對我來說是很大件事)，今晚我返學，回來後卓希爸話卓希很扭計，咁我問他怎樣處理，他說他正在話卓希時芳ee走來帶走他！激c我啦！我之前話過亞芳，無論卓希哭成怎樣也不可以插手的。因為要教他不是凡事都可以得到的，但她就是縱他，這是很基本的原則，父母在教子女，為何要抱走他呢？我明天又要再講多次啦，這樣下去，大家相處都不是味兒！
- Jun 25 Sun 2006 13:18
波波池！
成日聽爸爸媽媽話會帶我去波波池，但係都無對現的，今天就唔同了。爸爸媽媽同大伯娘帶我同家姐(堂家姐)去美國到冒險呀，就係玩波波池。當媽媽放下我一人自己去探索那些波波時，我真的有點兒怪的感覺！但見到家姐仔咁熟的週圍走去玩，我就唔客氣啦！
我先睇熟環境，然後便週圍去玩同扔波波。嘩！真的好好玩，點解爸媽唔一早帶我嚟玩呢？
然後我便學媽媽一樣的渣車，不過今次唔同，係企鵝巴士，有好多小朋友都塔我渣的巴士，家姐都係其中一位乘客。
我渣得真的有板有眼，因為我時常睇媽媽渣車，就咁偷師囉！
- Jun 25 Sun 2006 13:17
一家三口樂也融融！
今天和平常的星期日一樣，一家人的FAMILY DAY，下午我們約了恩和萱萱一起去美國XX樂園。在那裏卓希第一次玩波波池。也許他當時還未睡午覺，所以玩波波池時“吽吽哋”。跟著我們便玩火車及木馬。接著卓希爸話要去麥記食嘢，但人很多，我們便走到M CAFE'那裏，叫了凍咖啡，及在大堂處買了些粟米給兩位小朋友吃。也許卓希太疲倦了，還未食完己經係咁扭，當我們打算走時，他又在卓希爸的懷抱裏睡著了，但只睡了十分鐘，一上車便醒過來，所以成個下午他只睡了十分鐘。也正因為這樣，我們在爺爺嫲嫲的家時間短了，另一方面，唔知係咪下午所飲的咖啡有問題，我的肚好痛，所以我們便史無前例的飛的回家。
回到家後，自己安頓好，也幫卓希沖涼後，便和他入房睡覺，很多時，陪伴卓希睡覺是一件苦差，又是一件樂事。好像今晚，只需十五分鐘，他會睡了，而且還要指定 睡在我的懷抱裏。我真的很享受這個母子的感覺，那是信任和依賴，是彼此之間互相的建立起來的。等卓希大了以後，他一定不會再這樣的睡在我的懷抱，我要好好的把握每一個時機。
- Jun 24 Sat 2006 13:21
奶咀換奶奶！
早上七時正已經沖咗涼，因為好熱呀！
今日我早起身囉，當時係早上五點四十五分，不過一起身只見爸爸係身邊，唔見咗媽媽。好想好想找媽媽，因為只有佢係負責我早上的奶奶，咁我就落床，開房門，一出廳就見到媽媽訓係我平時玩的地方到。為了要媽媽快些起身沖奶給我，我用了一個方法，就是把平時媽媽最唔鐘意我用的奶咀同佢交換，這次真的work了。媽媽立刻起身為我開奶。
到了九時，媽媽同芳ee便帶我去尖沙咀上playgroup，見吓d二月份的朋友仔。不過因為媽媽食了葯，佢話個人無乜力，咁就由芳ee同我玩。今次“正”，因為平時媽媽要我規挸矩矩的，今天芳ee嚟同我玩，第二個遊戲我已經想走人。但係點知俾媽媽睇穿，立刻加入戰團，令我要乖乖的學習和聽指示。不過我真的好鐘意好free的感覺，可以週圍走，所以有時我同楊卓洛都幾啱key的，因為兩個都唔想大人管。
今日我著了芳ee上次回泰國時買回來給我的泰國衣服，個個人都話靚，真的好似一個boxer，我咪由佢哋講，最重要係我可以週圍走。
- Jun 24 Sat 2006 13:20
鬥過！
卓希又“倒塔”咁早起身，真的不知是否夏天緣故，天一光，他就要起身，我也是被他拉醒的，而他出絕招，就是要給我奶咀，和他交換奶奶，如此可愛又聰明，佢亞媽我也不可以懶床，立刻起身開奶給他。
今天在playgroup裏，因為我吃了葯，無乜力同卓希玩，咁就請亞芳幫手到卓希玩，這次可好了，卓希唔聽指示，所以廖太ee唔俾餅仔佢食(不過後來都有一、兩塊到口)。在預備走的同事，剛巧廖太ee站在我身旁，突然她同方ee講「你要惡d，咁卓希先致聽指示」。拿！拿！拿！今次唔關我事，係旁人都見到芳ee縱卓希，要佢多d指示同惡，今次可好啦，唔使成日都係得我講，好次我好專制咁，係別人都睇得出。我唔知亞芳心裏點諗，因為我無時間同佢傾，但係我覺得別人都這麼說時，係時候自己反醒吓！
下午給了李雋導師(以前在心光的神學實習生)在hollywood plaza到見面，她有東西交給我。咁我哋一家又點會少得唔去行街的機會，我哋咪走圍咁，無目的地週圍行吓。卓希又係嗰度食嫲粥，我哋兩個大人又食嫲晚飯。真係一舉三得，不過去到萬x時，要買卓希的果汁時，俾我哋見到卓希好鐘意食的那種熊仔餅。就係因為這個熊仔餅，我差點同卓希吵過，因為佢啱啱無幾耐先食咗粥，又食咗d米線，跟著又話要熊仔餅。到返屋企後，他還讓著仲要熊仔餅，我一定唔俾，因為係時候食最後支奶同訓覺，邊有人仲要食餅。所以做媽媽真的要堅持與執行！
- Jun 23 Fri 2006 13:21
退咗燒啦！
今早卓希已經五點二十分叫我哋起身，我訓咗係廳到，訓到卓希爬係我個身到，然後又想拉我時我才有知覺，跟著我便彈起身，因為唔想個仔咁近我會傳染佢，當時卓希爸都訓咗係張床到。卓希拉我係想要飲奶，唉！到底卓希幾時先會早上訓晏d呢？我好期待呀！
話說今天學校水運會，我食了葯，個人真的成日都想睡，我是負責司令台的，多年來都是負責講比實況(好似亞叔林x義咁講波一樣)。都唔知點解年年都係嗰個“上了年記”的同事同我拍住上，真的好唔想同佢拍擋，成日都揾人笨，自己又唔做，然後又老點人做。今年我有好好的理由唔做啦，就由佢講賽況(由9:00am2:30pm)，我就負責叫同學招集同頒獎禮時的司儀。初初個“上了年記”的同事一開始講時，唔知係咪唔慣要做嘢，講唔夠兩句就話唔惦，只得佢一把聲唔得，要找多個女同事來配合一吓。當時我係聽到的，但我突然扮傻，當自己乜都聽唔到，繼續睇比賽。唔知佢係咪覺得無癮呢，就係咁自己一個人講下去。我心諗，你都老點得人多啦，今次就由我老點你啦！
不過當學生比賽時，d葯力發作，嘩！眼訓到我不得了，坐係泳池邊都可以就咁訓到，仲訓咗好多次添，我已經叫自己唔好訓，但係都唔得。咁就唯有上三樓拿水飲，同去洗手間。
今晚又要返bu返學，我又係由一開始訓覺訓到break，眼見自己咁樣都唔係辦法，就同講師講我唔舒服走先。以前我以為這個講師唔係好認得d學生，佢之前仲成日叫人唔好break時走咗去，又話自己有份名單係到，知道邊個走咗。我一直都唔信，不過今晚大開眼界，因為break時佢叫得出嗰d時常走咗人的同學(佢哋仲係喺油嫲地天主教小學教添)來教訓她們(因為我坐得好前，所以聽得好清楚)。其實之前我都有走過，不過有時又覺雖然佢唔係好識講課，但係都要俾d面佢，唔好做到咁絕。嗰三個女仔我真的個個星期都見到佢哋走人，又真的幾過份。
我今晚還會訓廳，希望明晚可以訓番房，不過都要睇自己的情況而定。到目前為止，這個醫生俾的葯都可以止到痛，但係好像一早起身時，d葯力過後就真的痛到不得了。
主啊，你世世代代作我們的居所。
諸山未曾生出，地與世界你未曾造成，從亙古到永遠，你是神。
諸山未曾生出，地與世界你未曾造成，從亙古到永遠，你是神。
(詩篇九十篇一至二節)
- Jun 22 Thu 2006 13:22
我病咗呀！
昨天晚上臨去睡時，喉嚨痛到不得了，而且背脊都有些痛痛哋。心想今次好像感冒，便沒有回房睡覺，因為真的唔想傳染卓希，點知去到半夜時，喉嚨痛到好像火燒的，便快快的食“散x痛”，早上便食“八仙果”，真的好些。
點知下午在聽倫理研討會時，個人開始唔係好妥，有些暈，條腰好似被火燒咁。心想，慘啦！今次仲發燒添，平時我一發燒便會腰痛。本來晚上還有一個講座要聽，但“拿拿林”回家到樓下睇醫生。幸好到診所時醫生已回來。嘩！他按著我的頸時痛到我大叫，佢仲笑咁話「話咁嚴重」。咁我問他如何嚴重，佢話係“淋巴腺發炎”同“喉嚨發炎”。唔怪得由上星期開始我就覺得個人好唔妥，上星期三早上仲未返工時行入睡房就暈得一陣陣，c橕著返工，星期四晚在心光d血壓仲升到好似生豬仔希時咁高，不過睡咗一晚又無事，所以就無理啦，點知今個星期就中招！
希望依個醫生今次d葯可以啦，因為次次我喉嚨有事時，睇親佢都係無乜用，佢d葯幫唔到時，每次都要特登返出旺角睇耳鼻喉專科先至得。
我老公聽到我的病情，第一時間就話鬼我，話我訓得少，以前未有豬仔希時十點上床，六點起床，但係自從學人上網寫blog後，成日都唔訓，掛住係到upload d相，又同d媽媽msn。佢就乘機話我，我都知係唔啱，但係鬼叫我想快些追返有關囝囝的成長寫上blog！
仲有呀！希望明天無事啦，因為學校水運會，每年到這個機會睇學生的游姿真的好好笑，所以真的唔想miss 咗佢。
返到屋企，食咗d葯就開始大昏迷，連個仔我都唔去理(我全日都帶口罩，佢成日想攪我，但係我係唔會俾機會佢的)。希望真的沒有傳給他吧！
- Jun 21 Wed 2006 13:23
喉嚨有少少痛添！
唔知係咪唔夠訓，身體好似有少許弱，下午開始喉嚨唔舒服，到晚上仲開始痛，所以回到家後都無叫卓希鍚我。費事你傳我，我又傳你啦！
今日佬細都算係咁，一聽到我話要學校寫信證明我逢星期四晚要留校時，都好快咁點頭會寫，叫我給他一些我自己的學生資料。我一返到辦公室就快快的send了給他，點知佢下午已經有個封信了。我個人覺得佢今次都寫得幾好，內容如下：
This is to certify that Ms XXXXis a full-time teacher of our EbXXXXX School, which is a residential school for visually impaired students. Ms XXXis also responsible for the Christian Ministry in the school and has to be on duty in the Boarding Section on Thursdays from 4pm to 10pm to be in charge of the religious services and Christian fellowships.
跟著我便“拿拿林”fax去浸會啦，本來想轉的那科在逢星期五有5:40pm開始的，但係居然full哂，咁我要報讀晚上7:45pm至9:45pm，依個衰bu，成日都係咁，明明有好多人選五時開始的，但又只係得一節，仲大大聲咁同我講好多人都入唔到五點嗰節，咁你哋就要醒目d開多一節五點班啦！
不過今天都有些開心事，就係我學識用電腦剪片，平時用digital cam影底的片段，可以入落電腦，最重要係可以upload上網給大家欣賞。我知這個技術一直都有，但係我懶，同依賴別人幫到手，但係見到卓希鬼咁好笑時，又忍唔住影多d，咁唔通成日都要人幫我咩！所以就自己試吓做啦！但係我怕自己係屋企攪攪吓又會唔記得d步驟，所以真的要花多一點時間落去！
- Jun 21 Wed 2006 09:42
頑皮仔的真實一面！
<div>
你睇吓佢幾頑皮！
你睇吓佢幾頑皮！
- Jun 21 Wed 2006 09:41
來來回回的走動著，成日都唔停！
成個傻佬咁！
- Jun 21 Wed 2006 09:40
自創的危險性遊戲！
- Jun 21 Wed 2006 09:39
自創的危險性遊戲！
係佢自己搵到這個所謂遊戲嚟玩的，每次我哋見到都會阻止佢，但反而佢就會覺得仲好玩，俾佢激c！
- Jun 21 Wed 2006 09:35
開始學講嘢的卓希
- Jun 20 Tue 2006 13:25
疲倦的一天！
唉！真的被卓希玩c，佢昨天晚上醒咗幾次，真係俾佢玩c我，仲有最嫲煩的係佢爸爸訓中間，臨上床前又話會照顧個仔，點知到半夜個仔咸時，佢仲好似隻醋咁sleep係中間，要我爬過他來照顧個仔，真的俾佢哋兩仔爺玩c我！所以今早我真的連眼皮也差點撐不開，下次請工人一定要個全職及過夜的，起碼bb有人照顧，我可以有精神返工！
今晚BU打電話給我，話我所報讀的課程發展課程不夠人數，想要的星期五開不成班，反而星期三開得成，但星期三我已報讀了考核，那位黃小姐叫我報讀星期四的考核，咁星期三咪可以讀課程發展。但係我逢星期四都要留係心光到負責團契，有鬼得走咩！而且我一定要讀哂甲部才可以讀乙部，那位黃小姐教我可以請院長寫封信，證明逢星期四我唔可以走人去讀書，咁就可以下學期誇部份咁讀，我明天一定要記得請院長寫封咁的信先，不過真的要睇心情！希望得啦！
今日同同事share了我這個blog，其實我寫這個blog的最大動力係多些用文字同相來記下卓希的生活，至於有沒有人來看，我真的是無所謂，如果他們肯留言就最好啦，無，我都會整得好開心的，因為為了卓希！
- Jun 20 Tue 2006 13:23
係咁講嘢！
卓希今天剛好十六個月啦！唔知係咪佢開始要學講嘢，近來佢成日係咁同我吔講d外星話，條脷又真的“沃”得好快，見到真的好開心！
大家欣賞吓啦！
扮真正經樣，跟著就玩水！
整到成身都濕哂！
一見到風扇，就一定要衝去玩！
就連媽媽每月用的物品也不放過！
- Jun 19 Mon 2006 13:28
大開眼界！
今天我真的見識到網絡世界的勁，完全唔同的blog會有唔同的function同好玩之處，令到我心大又心細的又開多咗一個blog。
唉！我都怕自己日後無時間上嚟update，不過又真的要“的”起心肝，為了讓卓希日後知道自己的成長路！
今天讀到廖啟智的見證時，內心裏真的好感動，以往睇到一些有關於小朋友有病的見證時，內心沒有那樣的共鳴，但今天真的好唔同，好touching！智叔同even媽媽不同之處係一個早有心理準備，一個一直都有盼望的希望小b沒事，結果兩個都是一樣，返到天父的懷抱去。我在想，如果有一天這樣的事發生在我身上的話，我會經得起這樣的風浪嗎？也許不會，因為我的情緒處理通常都是不當的，但係我相信如果去到那處境時，上 帝會更抱緊我！(不過希望唔好有那天啦！)
媽媽明天便會返瑞典啦！所以我們今晚在家食過晚飯後便入了沙田家，去睇mormor，卓希玩到傻咗，仲玩水玩到成身都濕咗，連morfar(我爸爸)個身都濕嫲！唉！我個頑皮仔！
- Jun 18 Sun 2006 16:14
upload感想
生完卓希後個pat pat都已經大咗啦！今晚係咁UPDATE卓希的生活點滴時，係咁坐係到，個PAT PAT仲唔大多一吋！不過原來要UPDATE一年來所發生的事情真的不容易，尤其是以我現在咁有限的記億，都係要睇住D相先可以記得番。
這個YAHOO的BLOG真的幾好用，不過美中不足的是唔可以去番以前個D日子到整番D日記，一定要係同一日到，依個都係我唔好，唔一早做，所以咪睇C人囉！
這個YAHOO的BLOG真的幾好用，不過美中不足的是唔可以去番以前個D日子到整番D日記，一定要係同一日到，依個都係我唔好，唔一早做，所以咪睇C人囉！
- Jun 18 Sun 2006 14:55
卓希豬頑皮記！
頑皮豬楊卓希！
知係咪卓希日日係屋企，會覺得悶，近來佢自己會自創一些玩意，有些都好危險的。今天佢爸爸忍唔住，用手提電話拍底佢頑皮的過程！
你哋睇住先啦！ 有機會我哋再拍多些！
係屋企週屋走！
終於肯自己玩玩具啦！
- Jun 17 Sat 2006 16:15
日記
一生人的第一次願意公開自己的生活！
從朋友的口中知道有blog這樣東西，係礙自己是個電腦白癡，所以一直都沒有動力去做一個需於自己同仔仔生活的blog。打從卓希一出世，我已好想好想能在電腦中記下他的生活點滴，但無奈，日間返工，晚間進修，如在家又要湊仔，所以真的沒有時間。在無意中見到有另一位媽媽的blog好靚，原來是用yahoo做的，便擔粗粗的在今天晚上做得幾多就幾多，怕今晚做了第一次後，都唔知幾時仲有時間可以坐下來再寫日記。
我們一家計劃暑假去北海道自遊行，所以都係時候“的”起心肝做d嘢來記下生活的點滴，如果他日我突然不在這個世界，卓希都可以從這網上日記見到我們一家以往的生活！希望我能堅持下去啦！
- Apr 11 Tue 2006 14:59
好想見小吉，決定入去屯門找他們兩母子！
小吉道：卓希，點解你唔自己坐車仔！
我又幫你抺吓面先！
e，你架車仔好似舒服過我嗰架！
拿！你記住依幾招，你媽媽實聽哂你話！
- Apr 07 Fri 2006 15:02
我的好朋友，小吉(屯門友)！同年同月同日生！
媽同吉媽係一個媽媽網到認識的，大家在msn傾了一段時間，便相約出來見見面。因為我同小吉都是同年同月同日生的，只是我早他十八小時，你睇，我哋兩個都係大隻仔！
拿了媽媽的濕紙巾，同小吉兩個係咁玩！(相片由吉媽提供！)
先嚟個親吻！
鍚真d！(斷背？？？？？)
好兄弟！
- Aug 06 Sat 2005 15:01
露點之作！
爸媽就最鐘意影我三點，不過好彩唔係只露一點又或只露兩點，三點一次過露，等我考慮吓先！五個月時露一露！
媽媽換片，舒服哂！(笑)
我最鐘意就係玩水！
嘻！唔好意思！
- Jul 17 Sun 2005 15:08
一生人第一次游水！
我個時只得四個月大，媽媽便帶我去camp了，其實係媽媽要負責帶camp，但係我又食緊人奶，所以咪有份去camp，有好多嘢玩的，其中一項就係游水啦！你睇我游水個樣幾醒！
依個水泡係媽媽托翠雯姐姐係旺再買的，正！
我好鐘意係水到，感覺好似返到媽媽的肚裏一樣！
兩母子大合照！
媽媽好大擔咁放手等我自己玩水。
- Jun 18 Sat 2005 16:12
父親節，日記
父親節！
今天是一年一度的父親節，我們也沒有怎樣的慶祝，一早卓希就“倒塔”的六點鐘起身，由佢出世到現在，日日都如是，不能不寫個“服”字給他。所以我們便一早八點落樓食早餐，大x活，其實都唔係好肚餓，只是想落街同卓希行吓，免得佢係屋企攪亂擋。
回到家後，以為隻豬仔會sleep一會，點知，唔知係咪我兩公婆放假佢太開心，點都唔肯訓，咁到十點就係我同卓希出發返教會啦！(佢爸爸懶到c)
點知，去到涌美村個停車場，無車位，我當時真的不知怎樣做才好，因為隻豬仔係車到真的sleep咗，如果泊去長康村，又要推著個車仔又上又落天橋，想到這裏我唯有楂車去教會門口找進武，好彩有佢去停車場給我看車位，如果唔係我一個弱質女流，都唔知點！
係教會到，今日係爸爸(我爸爸)講道。嘩！卓希完全知道，因為今天講道時間時，他沒有怎樣的發出聲音，只是成日伸個頭出去望morfar，真的俾佢笑c！
本來想下午同老爺去西貢飲咖啡，但係後來才知道佢昨天一整天沒有吃東西，還嘔吐添。我和卓希都有成三個星期沒有回坪石村，真的不知他們的近況，所以後來決定去starbxxxx買咖啡給老爺，但他也是不敢飲。咁又係，都唔知自己的身體好未！
今晚學會用vlog，等我用熟多些後便拍多些卓希的生活上網先！
回到家後，以為隻豬仔會sleep一會，點知，唔知係咪我兩公婆放假佢太開心，點都唔肯訓，咁到十點就係我同卓希出發返教會啦！(佢爸爸懶到c)
點知，去到涌美村個停車場，無車位，我當時真的不知怎樣做才好，因為隻豬仔係車到真的sleep咗，如果泊去長康村，又要推著個車仔又上又落天橋，想到這裏我唯有楂車去教會門口找進武，好彩有佢去停車場給我看車位，如果唔係我一個弱質女流，都唔知點！
係教會到，今日係爸爸(我爸爸)講道。嘩！卓希完全知道，因為今天講道時間時，他沒有怎樣的發出聲音，只是成日伸個頭出去望morfar，真的俾佢笑c！
本來想下午同老爺去西貢飲咖啡，但係後來才知道佢昨天一整天沒有吃東西，還嘔吐添。我和卓希都有成三個星期沒有回坪石村，真的不知他們的近況，所以後來決定去starbxxxx買咖啡給老爺，但他也是不敢飲。咁又係，都唔知自己的身體好未！
今晚學會用vlog，等我用熟多些後便拍多些卓希的生活上網先！
- May 15 Sun 2005 15:09
洗禮，加入教會：信義會青衣靈工堂
你睇吓我幾精靈，洗禮嗰日爺爺、嫲嫲、大伯、大伯娘同家姐仔都有嚟！我好開心呀！
嗰日教會好多人呀！
由morfar負責幫我洗禮！
- May 13 Fri 2005 15:12
芳EE！
依個就係當媽媽返工同夜晚返學後照顧我的芳ee，佢好鍚我的，鍚到有d...................縱！
所以媽媽又落order話唔准咁就我，不過我一咸，咁芳ee就無咐啦！
- Apr 04 Mon 2005 15:12
第一個兒童節！
我一生人第一個兒童節，仲以為爸媽會買玩具給我添，點知原來佢哋帶咗我去西貢，媽媽話要我多多吸新鮮空氣！
不過我都係鐘意訓覺多d！
e！係咪有雀仔經過呢？
天氣好好！
- Mar 25 Fri 2005 15:14
開大記！
爸爸就最鐘意影我開大，佢話每次我用力時個樣好得意，痾完後個樣又會唔同的。
我出緊力，唔好嘈我！
舒服哂！
得啦！你頭先講咩嘢話？
- Mar 21 Mon 2005 15:15
好凍的冬天！
我出世那幾天正是全年最凍的那幾天，不過媽媽同我都唔知道有幾凍，因為我哋係醫院裏，尤其是育嬰房，有成26度。不過出到嚟，就要著多些衣服啦！你睇吓媽媽包到我全身都係衫！
廚藝“棒” (5)
