我昨晚原來係想溫通頂的，不過睇睇下d模擬試題，就明白多少少出題目的方向。所以去到半夜一點半時，都忍唔住要“上床”。所謂“上床”就係訓係卓希床邊的地下，因為新姐姐未到，陪卓希訓的工作就落我身上。但係就偏偏係我最需要休息的時候煩到我，卓希突然醒咗，又要找爸爸。咁咪三個人又一張床，點知卓希訓到打橫咁，我只好讓路走去佢房訓。有得訓得嚟都成兩點幾啦，到五點，又唔知邊到走咗隻蚊出嚟，咬到我cc下！整到我又起身走咗出廳到訓多陣就起身返工，個頭暈到不得了。
晚上的考試都算不過不失，所有的答案都好快咁找到，因為我之前落咗d功夫係notes到，為的就係考試時容易找到。最好笑的就係昨天個講師打電話嚟遂個鼓勵時，我順便問一問佢一些詞解的解釋係邊到，因為找不著，佢晚上覆我時就告知係輔讀嗰邊。點知又俾我惦仲咗，所以好快咁就答咗，同可以早少少走。唉！希望pass啦！
今日太攰啦，真的唔係好記得d題目，只有以下的記得！
目標模式及寫實模式的解釋。(返到屋企先知自己仲有d未答得哂，算啦！)
組織課程內容原則的其中四方面，及加以例子。
課程評鑑，常模參照、標準參照、進展性評鑑及總結性評鑑的詞解及例子！
大約記得係咁多，考試後落到樓的第一刻係好好好好想嘔，上到車都好想嘔。立刻手都無乜力楂車，只係好好好想slow down然後休息，所以我猜自己已經有些burn out啦，再唔休息就真的會病出來。
suklaic 發表在 痞客邦 留言(0) 人氣()
今早返教會的途中，係一個暗角位俾police捉到我超速，又唔見咗$320啦！拿到車牌以嚟的第二次，兩次都係返教會的時候(趕住)。唉！當一個教訓，好彩唔使扣分！攪到我楂車返屋企時，腳仲有軟軟哋。
晚上仲“金”，老豆話要同我慶祝生日，一個星期前已經話要一大班人食飯，仲要就我家姐，因為佢有成三隻化骨龍係身邊，所以今餐飯要去到天水圍咁鬼遠。每次要我入新界，我都一定迷路的。去屯門都好少少，再入d就一定唔知東南西北的方向。好彩今次都係錯少少，如果唔係又唔知自己去咗邊啦！
今晚一定無得訓，因為明晚要考試，要開夜車。因為之前集中火力讀中國文化史，所以今次課程發展就真的無乜時間讀。依家開始讀通頂啦！
suklaic 發表在 痞客邦 留言(0) 人氣()
昨晚臨訓前已經唔係好舒服，係咁流鼻水，喉嚨又唔妥。點知去到凌晨四點，喉嚨痛到我醒咗，係咁流鼻水。鼻水又倒流，氣管又喘，攪到之後都無訓過。只係咁坐咗起身，好辛苦。心諗，今日要考試，先至嚟唔舒服，自己點攪的？應該係這幾天轉天氣，鼻敏感所引起的。唉！我唔想病。
卓希爸好好，好合作地一早帶咗卓希去嫲嫲到，去坪石大公園到玩，令我有時間睇下d notes。不過都唔係點睇啦，因為我個人好衰的，越睇就個心越跳得快，唔再睇仲好過，所以都只係睇下d大題目。
下午卓希爸真的好底錫，自動話幫我帶卓希去返playgroup，等我有多d時間睇書，但由於之前的大坑東幼稚園早前爆發手口足病，所以今個section的最後兩次都要改係石硤尾幼兒中心到上。我就要做柴可夫斯基咁車佢哋去，因為我都唔識教卓希爸去，連楂車去都要轉好多個彎先找到！放底咗佢哋之後，我就楂車去咗又一村到，諗住係個度停車夠靜，可以讀下書啦。點知，個到d蚊多到不得了，我停了半小時，雙腳已經被蛟咗成十幾啖。咁就決定返石硤尾幼兒中心咐近到停車等佢哋兩父子啦。
我泊好車後，係到底頭好用心咁讀緊書時，有個男人行埋嚟，想用手好似要偷我的手提電話(當時我的手提係放係駄盤前的電話架到)，佢行得真的無聲，隻手已經去到我右手邊的倒後鏡，又係依個時間我抬起頭。佢知衰就縮手，我話：「你做乜？」佢個籍口就話唔好意思，認錯咗係個朋友的車，跟著佢就自己係咁打電話，係咁話佢朋友！(情況就好似唐仁佳咁，拿住個電話係咁話對方，不過唔知係咪真有人係對面)
我嚇到c，內心係咁祈禱，跟著就手提放係褲袋到，機不離身。我又唔可以關窗，因為要停車熄火，所以咪開大哂隻窗，點知會有D咁的人。我認為佢已經唔係一次係咁係依D車到落手的。因為佢真的無聲，而且佢站的位置真的不易察覺。
晚上終於要考試啦！今次慘，唔夠時間做哂，有一題半無做，都無咗成三十分架。
甲部：(詞解，六選三)
1. 民胞物與
2. 內丹(揀咗依題)
3. 玄奘(揀咗依題)
4. 性惡論(揀咗依題)
5. 楊州八怪
6. 《四民月令》
乙部：(長問題，三選二)就係依部份衰咗，無時間答哂
7. 儒家、道家、道教的生死觀，尼樣形响中國人的思想。
8. 中國的科技發逹，為何不好好發展(直頭無時間答，衰咗)
9. 敦煌、文化史上的意義(答咗一半咋，直頭想大哭)
丙部：(長問題，三選二)就係答依到用多咗時間
10. 陏唐的美術概況
11. 禮儀之爭(揀咗依題)
12. 古代體育活動(揀咗依題)
希望合格啦！別無他求！
suklaic 發表在 痞客邦 留言(0) 人氣()
今日下午去咗絧纙灣的中央圖書館到聽研討會，德育及公民教育系列：傳媒教育(防止沉迷上網及偶像崇拜)。
因為是在中央圖書館的原故，所以我又帶埋卓希去。上星期六已經打咗電話去一樓的玩具圖書館到book位。佢哋二時正至三時正係消毒時間，三時正的已book哂(依個係我的心水時間)，咁只好book四時正。咁我的研討會係二時正開始，卓希同芳ee點算呢？俾我諗到，叫芳ee帶卓希係維多利亞公園到玩，玩到三時四十五分就去到中央圖書館的一樓，剛好那是我的break time，我安頓好哂佢哋兩個去玩後，自己又去聽過。所以d時間真的利用得好好，我聽完後，佢哋係到睇下圖書，
跟著就一齊返屋企。
卓希係玩具圖書館好開心，同芳ee玩到都唔理我係出面影佢相，真的好好笑！
今日係聽傳媒教育，仲以為有乜大發現，都係個樣，學校做咁多講座，又有家長會，但係我心諗，咁都要家長合作先得，如果唔係，學校做幾多都係白做的。有兩間學校來分享佢哋的計劃，但係又有幾多間學校願意放咁多資源與時間去做呢？所以我嚟嚟去去都係個句，家教好重要，現代好多家長就咁放d仔女去學校讀書，就指意老師攪點哂佢！點會得呀？一定要兩邊平行先做得到！唉！現今教師真辛苦，乜都要做，就嚟連自己的正常教學都無時間去做啦，又點會稱得上教師。
同卓希及芳ee返到屋企後，唔夠十五分鐘我又再出過去，因為要帶學生去bu到聽佈道會，基恩敬拜音樂事工好好，佢哋預咗成十五張票給我哋的學生去，今次大多是外讀生，本讀的只得四個，不過攰c我啦！
suklaic 發表在 痞客邦 留言(0) 人氣()
正在苦惱星期六及下星期一要考試，又苦惱咁多年來所讀的成績！
suklaic 發表在 痞客邦 留言(0) 人氣()
今日我哋的結婚週年紀念，卓希爸今日未返工，佢帶咗卓希嚟接我放工。我哋兩個仲時不時回味一下九年前係唔同的鐘數做緊d乜嘢，睇番d相就真的覺得自己老咗好多，尤其是卓希出世後，完全係無執過自己一樣。
好希望和卓希爸有更多的十年，係主的愛中建立家庭，教育孩子的成長！
suklaic 發表在 痞客邦 留言(0) 人氣()
今天係長假期的最後一天，太陽伯伯先出嚟同我哋見見面。不過今日大多的時間都係屋企，因為我要預備考試麻！
今日卓希爸好識做，一早就帶咗卓希同芳ee去坪石公園，同嫲嫲及堂家姐一齊玩，卓希玩到謝哂。係回程的路上，已經訓咗係卓希爸的懷抱裏。
下午醒來後，堂家姐又嚟我哋屋企，一齊玩〈兩個小朋友〉，芍萱(堂家姐)好鐘意嚟我哋屋企玩，因為可以由廳玩到入房，又由房玩到出廳。卓希爸好好，買咗個蛋糕返嚟同我慶祝生日。
兩個小朋友一早就圍住張桌子要唱生歌，仲要吹candles，真的好好笑，又好得意！
跟著我就繼續溫書，兩個小朋友就由廳玩到入大人房，仲玩到上床添！好攪笑！話要玩訓覺，然後又要話夠鐘返學啦，咁樣落床走到大門口，有小朋友同小朋友玩時候，真的有好多創意！
晚上卓希爸請我哋一齊去咗意粉屋到食好嘢，好好味，尤其是那個帶子墨魚汁天使麵，連卓希爸咁難服事的人都話好味，就知道有一定的水準啦！
咁到底大咗一歲有乜感想？講真的，無乜，因為係我眼前就只係週未的考試。內心沒有很大的波動，不過回想自己的四分一人生，就真的要感謝神。如果唔係放我係嫲嫲到，就唔會有機會跟咗五叔五嬏，又唔會認咗佢哋做爸媽。更加唔會可以有機會去外國讀書，進修自己。所以人有時是不能只看現在和將來，也要回望以往及加以感謝！
suklaic 發表在 痞客邦 留言(3) 人氣()
今天楊氏家族才出動去掃墓，其實都唔係去墳塲，而只係去道館。完咗之後，成十幾個人就去apm到飲茶，今日找位都算快。所以三個小朋友都好乖咁食點心同玩玩具〈梗係又係我做帶啦，因為其他兩個小朋友都唔使要玩具解悶，只有我家楊卓希要咋！！！！〉
之後我哋就返咗屋企 ，卓希要訓覺，咁我就出動去買嘢啦！！唉！！！我都唔想成日買嘢的，不過我家的頑皮仔連printer都可以整壞咗，而我下星期考試要補print 一些notes及考試要用的outline，係無辦法下只好又要去買嘢啦！！！
為咗唔想又俾卓希玩壞咗d嘢而覺心痛，我同卓希爸都決定今次要用d cheap 的嘢。就睇仲咗brothers的MFC-440CN，因為要起碼四合一，所以就揀咗依部。
我係到揀緊d咁cheap的機時，個sales都唔想幫我！唉！今日咁的服務態度，劉德華都話唔可以啦。
suklaic 發表在 痞客邦 留言(0) 人氣()
我的伴娘住粉嶺圍，佢之前已經話要帶我哋一家同我爸爸媽媽去食一間法國式的私房菜。咁啱我又放假，想約同事嚟我家玩，點知個個係依段時間都唔係香港，又或者無回音，咁就答應伴娘話去試下食啦！
七點食到十點，共有七道不同的菜，好味就真的好味，不過就係咁“等”。因為佢只得一個廚師，所以一食完一道菜後，就要等好耐先有第二道菜。卓希都算係咁啦，佢成晚都肯坐係到，因為帶咗d玩具去玩。但係價錢就超貴，連我咁肯落錢去食的人都覺得貴，可以話係好好好好貴，不過伴娘堅持話要請，咁無法啦！下次唔該我想去hong kong mandarin hotel，我未試過嗰到的自助餐！
suklaic 發表在 痞客邦 留言(1) 人氣()
前幾日一家人去咗淘大商場食飯，見到大碼牌子Gitti清貨大減價。我以前都有買過佢哋d衫，但係覺得好貴，自從俾我發現淘大二樓那些平價又有碼的衫後，都幾年無去呢間Gitti到買衫啦！記得對上一次去係生完卓希後，又唔想著大肚褲，又啱啱尖沙咀千色店結業，先買到一百元一條褲。個時我都已經覺得好平，因為佢平時都係成三百二十元一條褲，特價後最多都只係二百多元，所以一百元一條褲真的好平。
個晚我哋食完飯之後，我就俾佢寫出嚟的價錢吸引咗行埋去，全場$59/一件。我找到一條四骨褲，不過無得試，所以只係買咗一條，返屋企先試。一試就好開心啦，因為啱啱好！所以今日等卓希訓咗晏覺後，我就一個人去掃貨，仲買多兩條褲！開心到不得了，自從生完卓希後，個pat pat都未真正細個，所以可以以平的價錢買到啱自己的褲係一件開心事！不過我諗唔係人人會明白的，只有好似我咁大隻的人，有親身經驗先會明白的。
報紙之前有個女仔，去買衫時話個SALES話：「無哂大碼啦！」就唔開心，仲想跳樓添！我個時都有少少身同感受，不過又未至於要跳樓。佢都只係要著到大碼，我有時要著到加大碼，因為我的肩膀好橫，啱個身都啱個肩膀位，所以真的好慘！依家d size又超細件，有時我會諗，有無人會著的呀？個d design全部都係for瘦人，跟本就無乜點顧我哋依d大碼人！
所以我依家買衫的策略係見到先買，唔會特登走去買，免得自己唔開心！
suklaic 發表在 痞客邦 留言(1) 人氣()
卓希今日玩lego時，突然俾佢見到我幫佢收埋咗的美勞手工：太陽伯伯。佢就將太陽伯伯的眼睛拿了來貼在他心愛的lego消防車到，又真係幾得意的！
↓
真的好得意！
今日一旱，我哋就約咗爺爺同嫲嫲去飲茶，跟著就同堂家姐去玩波波池，同其他嘢！好開心！
下午我哋仲去咗家樂哥哥屋企，成班同事同佢哋的另一半都係到，不過我同卓希坐咗一小時就走咗，因為佢哋打麻雀同打機，都唔啱我哋玩！下次啦，下次開大食會時我哋就坐耐d啦！
不過今日都有d作為，就係我同卓希爸一齊執好我哋間房。話說我哋係一尾搬入嚟時，執到無哂力，所以將所有書同物品全放係我哋張油壓床到。仲有就係個時卓希仲同我哋一間房，唔想執哂所有書出嚟，免得第時要再執過。但係依家卓希有自己的房後，仲有第時姐姐嚟之後要買丁字床，佢依張小童床要拆哂然後放係我哋張油壓床下面。所以今日我要“的”起心肝，同要迫卓希爸正視，要執下d嘢啦！一早執咗一小時，飲完茶之後，等卓希訓咗後就執多一個小時多。我哋都幾頭痛，因為卓希乜嘢都係咁攪，所有嘢都要向高空發展，都執到無哂位啦！
我今個假期要自己執下間屋，同set好所有嘢的system。等新姐姐嚟時，可以有好的開始，依家仲只有洗手間未諗好點樣放d嘢！仲要釘多個毛巾架，等姐姐可以放自己的大毛巾！好多嘢要自己跟，唔可以指意芳ee，佢只會做到一鑊泡！連卓希爸咁順得人，依幾日都有少少頂佢唔順，可想言之情況真的不妙。
suklaic 發表在 痞客邦 留言(0) 人氣()
下星期要一口氣考兩科，所以係咁讀、係咁讀！昨晚都讀到一點幾，跟著去訓時，點知攰過頭，訓唔著，最後一次睇鐘都成兩點幾！今早七點卓希又醒，所以真的放假都辛苦！
今日同卓希去咗大公園玩，等我得閒少少先upload短片！
讀書先！
suklaic 發表在 痞客邦 留言(0) 人氣()
卓希爸話想買個藍芽的免手提俾我，由去年話買到今年。有50%都係因為我無積極咁去找自己想要的型號，而且係我的車到仲有有線的handsfree。但近來那單耳的有線handsfree又壞了(我因要楂車，所以通常都係只用單耳，方便扭駄！)
之前幾日已經睇緊d型號，其實我心水係nokia
，不過係德福到找幾間店舖都無(我哋之前係喺鑽石山嗰到見到的！)咁就要我想的二號心水啦，就係jaba的250v。
雖然話就話係卓希爸送給我，不過我儲咗好多年的現金積分可以用得著，所以只係加多百幾忟就可以有啦！多謝卓希爸！
(佢好少會主動話買嘢俾我的！)
suklaic 發表在 痞客邦 留言(0) 人氣()
其實今日我係放假，不過因為個budget year的數要埋，同做好佢，所以個心掛掛咁。只因我差少少就做完，但怕下星期一返到工後會忙到無時間，所以今日點都要返一返工做埋少少佢。
我本來想下午先出發，但係卓希一醒咗之後就唔定。昨天晚上卓希醒咗好多次，因為佢之前一晚被蚊咬，而昨天晚上隻腳仔就好痕！咁我成晚就係要服事依位楊小朋友，臨天光時，佢又醒一醒，仲好準確咁叫：「媽媽，媽媽！」即是係佢最需要的時候我係佢身邊，係個一刻，感覺係以前個d辛苦真的一掃而空，係直得的。
返到心光，又係由芳ee睇住卓希，我做完嘢後，就同佢哋落咗一樓同二樓。卓希不知幾social，叫佢叫邊個都一一咁句哂，所以一樓d同事仲俾咗兩包餅佢。
之後我約咗淑金係ifc到食lunch，真的好耐無同佢傾計。雖然今日所傾的不多，不過都算係深入了！
明天卓希爸開始放假啦！好嘢！咁卓希的注意力就係返到佢爸爸到！
suklaic 發表在 痞客邦 留言(0) 人氣()
昨天已和mormor訂好了今天帶卓希去長洲，為的是讓他“跑”。雖然天文台話會落雨，但長洲只有陰天，沒有下雨。
我們到達長洲時，初初卓希有些不肯自己行，也許那環境令他不安。尤其是那些運泥的電油車，他第一次見，所以有些怕怕。我們無目的地週圍行，又行去朋友的茶餐廳，但原來她們今天休假，所以便去她們家找她們。又找到她們的婆婆，一起去飲茶，我們都相識了差不多三十年。記得以前小時，爸媽一放假就會帶我和弟弟去長洲小住兩三天，不過那時的我，很不喜歡去長洲，小姐脾氣的我覺得多蚊、又要住山頂(由碼頭行上去都要半小時之內)、又無電話、又無電視、總之就乜都無。最慘就係住完的最後那天要全屋打掃，洗哂所有的床單、打掃哂全屋(有成千尺的)，個時覺得係屋企仲做唔夠咩，放假又要做。
而負責看守這所度假屋的就是一對年老的婆婆和伯伯(就是今天的婆婆)，我當時每天都係到等佢哋的女回家可以和我傾計同玩！時間過得真快，伯伯已去世多年，姐姐都變咗做人哋的媽媽，今天我才知道佢的細女都大學畢業，真的歲月崔人老！
時間過得真快，又係時候SAY GOODBYE，因為mormor約了朋友，所以我哋唔可以係長洲留太長的時間，下午三時半已經返到屋企了。點知剛剛回去屋企樓下，就係咁落好好好好好大的雨。當時我心裏真的感謝神，因為我們回到家了，如果還是在長洲的話就大件事啦！
晚上收到馮姑的電話，得知她已生了七磅的小兒子，真的很開心。不過也替她辛苦，因為她痛了成三十小時，都只係開得三度，要開刀生。依家我諗起生小朋友個種痛時，都有怕怕。不過生完之後見到小朋友的那種喜悅，是無法形容的。
suklaic 發表在 痞客邦 留言(0) 人氣()
今日我又帶卓希返工啦，不過今次英姐又請咗假、judy ee又出咗去探訪。所以成層三樓只係得我哋幾個，就要將卓希收埋！哈哈哈！
不過我都無乜點理佢，一返到學校，佢就係辦公室到玩玩具，跟著我哋一齊食飯盒，然後就由芳ee睇住卓希，我就去咗福音週的午間點唱。點唱完之後，就去上堂，上完堂之後返辦公室，就見到卓希訓咗。我一路都無乜點理佢，都係芳ee主力照顧佢！我仲有時間罰人添！
下午卓希醒咗之後，就同三樓嗰d姐姐們一齊玩，又係到跑，由我辦公室跑到職員休息室。後來仲係職員休息到睇聖經vcd添！
晚上青年團的第三組又出去啦！去山頂，所以咪又帶卓希返工囉！今晚卓希得一個字“勁”，全程自己行，下午已經跑咗一輪，晚上仲同我哋係山頂到行圈！間直係fit到不得了。
suklaic 發表在 痞客邦 留言(0) 人氣()
天氣真的唔好，濕濕淋淋咁，卓希都有d忟忟哋。昨天晚上凌晨兩點半就係咁喊，又扭計，係咁扭卓希爸抱，又扭要食奶。當然我唔會又係半夜俾奶佢食，因為已經戒咗奶咀。佢訓到成頭都係嗅汗，今日訓下午個覺時，訓訓下又醒下，又喊下。所以今晚我哋都要剪綵咁用冷氣啦，搬咗嚟都成兩個月，第一次開冷氣。
卓希爸係出名慳到不得了的，以前我熱到連皮膚都紅到一逹逹，佢晚上都唔肯開冷氣。就算我唔理佢，自己開冷氣，佢都會自己走咗出廳到訓。但係依家為咗個仔，只係三月尾咋，已經要開冷氣啦！阿仔萬歲！
suklaic 發表在 痞客邦 留言(2) 人氣()
我今多年以來都唔會儲惠康印花，不過今次例外，因為想要架“單車”。
卓希爸話跟本無可能，依個我都知，不過就當係我自己一種的興趣，要儲成750個印花才可以免費換取這部單車。想要單車的原因係因為佢係可以摺合得的(方便儲藏)，有避震、6前速波箱、可調校高低。聽落都好似幾好咁，而且一我哋落樓行五分鐘就有單車公園，可以換定的話，以卓希咁鐘意“車”的性格，就一定有用得著的地方。就算佢未用得著，我同卓希爸都可以去玩下啦！
不過由去年十一月至今天為至，我都只係儲到188個印花，
幾時到750個呢？如果只係用200或500個印花再加錢去換的話，我都覺得唔化算。所以各位朋友，如有惠康印花的話，請告知！謝謝！
suklaic 發表在 痞客邦 留言(0) 人氣()
卓希昨晚連續兩次係一點同五點四十分要飲奶奶，我攰到簡直想c！一早七點三十分又起咗身，芳ee到咗都要卓希爸陪，我就打c都唔起身。成個背脊都係痛，唔知係咪昨天的唔舒服的延續呢？
所以我哋一家大小就浩浩蕩蕩咁，晨早就去德福，去銀行、郵局、麵包廊，仲有就係去馬沙買復活蛋。
因為依家教緊小一及小二用唔同方法整復活籃，又答應佢哋如果做得靚靚的話，周老師就會買朱古力復活蛋給他們放係個籃到。但係我都唔知邊到有復活蛋賣，只係見到馬沙有，貴到我跳起，鬼叫自己答應在先咩，所以都一定要去買啦！一人一粒咋！(肉都痛埋，卓希都無得食，因怕他會有啖而咳！)
suklaic 發表在 痞客邦 留言(0) 人氣()
卓希依兩晚去到半夜都有找奶咀，係咁發癲咁講“奶咀”，提佢話已經扔咗佢仲吵多d，只好話開奶奶給他。不過我會以四安水加兩匙奶粉，d味淡到不得了，不過卓希飲完之後都訓返。其實佢係好好好想要有啜奶咁的感覺啫！
我上網找lego的玩具時，找到依個bob the builder的dig set。咁諗住返完教會之後，就去尖沙咀的玩具反嘔城到買答應咗的嘢，點知咁大間的玩具反嘔城都唔係齊哂所有的model，俾卓希見到依架消防車fire truck，佢喜歡到不得了，我問佢點解爸媽會買玩具呀？佢唔知幾識答，又話要乖乖，又話訓覺唔要奶咀咀，講就天下無敵，到晚上半夜時做就無能為力！
我哋兩個都認為買lego就係最好，因為可以給卓希自己發展創作能力，唔一定係一款的玩法，可以自己整好多唔同的方法，所以日後d玩具都會以lego為主！
suklaic 發表在 痞客邦 留言(0) 人氣()
廚藝“棒” (5)
