今日我哋去咗個大型生日會，一共十八個小朋友的生日會，全部都係2005年2月出世的小朋友。
一早，我哋就約咗豆媽佢哋一家，先去西貢戶外康樂營到拿禁區紙，跟著就直入西貢麥理浩夫人度假村。
一去到，先去活動室，小朋友們都唔使要玩具，都已經自己係咁跑跑跳跳咁玩，真係好。
跟著就開生日會，今次卓希霸到頭位(基本上係咁同豆b一同霸頭位)，吹candles時，所有小朋友的口水都係咁落落個蛋糕到，好彩大人無乜點食啫。
然後就係燒烤時間，今日卓希都唔係點樣燒嘢食，佢掛住同小朋友們玩，尤其是同豆b週圍去攪破壞！
suklaic 發表在 痞客邦 留言(2) 人氣()
卓希豬下星期三(20/2/2008)三歲生日，我同卓希爸都傾咗成個星期，決定帶佢去玩具反x城到買份禮物給他。
所以今日終於成行啦，唔係因為我的阻礙，係因為亞楊大大少(即是卓希爸)成日都唔郁，一早已問他幾點出，佢都無答覆。直致到黃昏五點先起行，所以點解我鐘意計劃好哂d嘢就係咁，俾佢做話事人的話，就唔會有落實的答覆。
我哋俾卓希揀的範圍係只限lego，雖然係貴，但係佢返到屋企，可以同其他lego切埋一齊，可以有好多的創意。今日佢揀咗好耐，先揀到依份火車，
因為好多有關bob the builder的lego佢都有哂啦，只好向thomas發展。睇嚟屋企個lego盒要換大d啦，因為唔夠大放哂所有的lego。
suklaic 發表在 痞客邦 留言(1) 人氣()
今日係初七，不過我哋無特別，只係早上和嫲嫲及堂家姐去了飲茶，兩個小朋友又玩，又開心。
下午就同卓希返聯合醫院覆診，那是以前他八個月時入過醫院，由於包皮緊的緣故，令到佢尿道炎。所以一直都有睇聯合的外科，為的是等醫生評估一下卓希有沒有需要做手術割包皮。一年前醫生話要睇到三歲才決定，今天醫生又話要睇多一年的時間。其實做亞媽的我就好想快些幫佢做了這個小手術，起碼唔會阻礙佢的發育。我記得細姑姐話係加拿大的初生bb，所有的男bb都要做依個手術，我覺得幾好y，唔使日後煩。好似香港咁，一年堆過一年，我怕將來卓希大時才做這個手術的話，會影響佢的心理添！
suklaic 發表在 痞客邦 留言(0) 人氣()
今早我哋成七時半才醒，卓希近來都係同我哋一齊訓大床，有安全感之餘早上也不會咁早醒。不過如果我哋要返工的話，佢又會自動波地六點幾就醒，依個仔真係好癡住我哋兩個大人的。
跟著我就嗱嗱臨的同tun姐姐去買餸，依個係一個頭痛的問題，因為一次過要買哂屋企有需要的東西之餘，仲要係買夠起碼三天的餸，好等我起碼有三天的時間專心工作及晚上返學。因為如果唔係咁，以前未有老二之前，我逢星期二或星期三都會去香港仔食飯，為的是要買餸，一個小時時間真的好趕，仲要來回呢？所以有時買得餸同生果嚟的話，就要買少少嘢食返學校食，真的好辛苦。但係依家我就會叫tun姐姐星期四買一d少量的餸菜，唔使我成日心掛掛，怕佢會做錯。
然後我就同卓希豬返教會，依隻豬仔開始唔聽話。話說佢真的好鐘意佢爸爸，但係卓希爸有時因為太多工作，又或者要改卷的關係，就無返到教會，好似今日咁，佢又要改卷啦！卓希見到佢爸爸唔返，佢又話唔返，叫到我無哂氣！佢唔返，係屋企喺咁癡住卓希爸，咁卓希爸咪又做唔到嘢！所以真的要軟硬兼施，點知崇拜完咗之後，佢又掛住同其他小朋友玩，話唔肯走。唉！次次都係咁，一係就話唔返，然後就唔肯走，玩c我啦！
晚上在寫日記時，卓希自行在大床look嚟look去，預備訓。現在是不准陪訓的，不過我唔係屋企時，佢哋兩個又會癡埋一齊，真係惡頂。我有我係書枱前做嘢，佢有佢係張床到look，已睇了禮賢幼稚園的入學資料，連支票也預備好了，只等星期五我去覆完診後，再交到學校去。又會咁啱係今個星期五要交留位費，我可以覆完診之後一次過做哂所有的嘢，希望順利啦！
suklaic 發表在 痞客邦 留言(0) 人氣()
今日一早就帶卓希去中環，為的是要去趙醫生到打流感針。每年我都會安排聖誕節時間帶卓希去打流感針，一嚟我嗰時才有時間，二嚟打完針可以係中環同尖沙咀到睇下聖誕裝飾品。不過今年臨於聖誕假前打去趙醫生到，姑娘話打流感針要排期到一月，我都未試過，一月就一月啦！
依個卓希豬，入到房仔時個樣都好似傻傻哋咁，我一直都無話佢知係去打針，只係話去玩趙醫生的玩具，所以係房仔時才告訴他，而當時姑娘也在場，所以卓希豬係無反抗的能力。係打針前，姑娘就問佢要唔要綿花糖，佢梗係話要啦，然後我問係咪打pat pat， 姑娘話大個仔啦，打手臂！拉開哂佢的衫時，卓希都只係掛住粒綿花糖，落針嗰吓，佢仲只係雙眼發光地睇住粒綿花糖，一d都無喊到。Un皮仔即是un皮仔，一打完就問我可唔可以食綿花糖，見佢突然咁乖又唔喊，縱使仲有咳在身都一定要俾佢即時食啦！佢開心到一路跳就一路食，連姑娘都話佢叻叻！
suklaic 發表在 痞客邦 留言(0) 人氣()
原來卓希識唱好多歌仔,今晚才有時間錄下來!
打開蚊帳
唱ABC
一閃一閃小星星
太陽伯伯
suklaic 發表在 痞客邦 留言(1) 人氣()
今日卓希個口不停咁食嘢，仲食得多過我依個大肚婆。由一早起身，食早餐時就食咗一個熱狗包，然後我同卓希爸食公仔麵時佢又話要食，又真的食得半碗麵。
跟著約咗爺爺嫲嫲同堂家姐飲茶，卓希食咗好多嘢，真的不能盡錄。然後我哋返咗心光，因為要拎開會的文件。跟著去咗赤柱，卓希又話要食蛋糕，卓希爸食m記薯條，卓希又食。上車時，又係carseat食腸仔包。
返到屋企，晚餐又食咗豬扒抄意粉，食完飯又同我爭食生果。佢直頭好似係要食番之前病時無食嘢的份量咁，連我都唔夠佢食得勁！正一食窮我哋的大食積！
suklaic 發表在 痞客邦 留言(0) 人氣()
近期卓希轉咗鐘意睇“怪獸公司”，其實我有依隻碟好耐啦，一直都無俾佢睇，怕佢見到d怪獸會害怕。不過近期德福商場進行一連串有關迪士尼的卡通人物介紹，其中有卓希好鐘意的反斗車王，係商場才認識的巴斯光年，同今次的怪獸公司。我見次次帶佢返學經過卡通人物時，佢都會問我依個，又嗰個叫乜名，咁就只好識下俾佢睇怪獸公司，哈！佢又幾鐘意，仲好記得毛毛同個小朋友添！
今日卓希爸要帶隊去青衣公園到打網球比賽，我見橫惦都去青衣公園，就帶埋卓希去公園到玩。跟著我地就去咗青衣城，哦！原來青衣成係做緊怪獸公司的展覽，卓希好開心，好想入去睇，咁我就捐咗少少錢，一齊入去睇同影相！
年幾前，我哋借咗卓希張bb床俾我學生的仔，張訢橋，佢哋今日就專誠送返張床仔過我哋。卓希見到後，係咁講係“楊卓希架！”，仲要入返去張床到，問佢今晚係張床到訓好唔好，佢立即點頭話好，激c！
suklaic 發表在 痞客邦 留言(0) 人氣()
自從聖誕節狂收禮物之後，我家的地板就長註一批玩具，lego啦、車啦、仲有成個建設中的架啦.........等！
每次要經過時，都好似行迷宮咁，我好怕有一日會kick我跌落地。如果卓希開咗張winnie the pooh地墊的話，情況會好少少，因為我規限住佢一定要把所有玩具放在墊上。但如果好似今晚咁無開到地墊，情況就真的差。有時想，亞仔的玩具已經比起別人的少，起碼我們只限於電視櫃下那兩格，我見其他小朋友的玩具多到成間房都係(依個係我難以容許的)。不過見到佢咁專心玩玩具時，個心又會好有安慰！
幸好，由卓希一歲開始，我已訓練佢要自己收拾玩具，如果唔係就無最後嗰支奶奶飲，當時卓希爸都話我過份嚴緊，成日話個仔咁細個，點會識得收拾玩具？但係我都堅持，因為所有嘢都要從少學做起！
依家呢？真的有成果了，起碼每晚我落命令要收拾玩具時，佢會自動自覺，而且係學校外偷望他時，他時常是最熱心嗰個去幫老師收拾玩具的。辛苦得嚟有回報！
suklaic 發表在 痞客邦 留言(0) 人氣()
今日一早起身，卓希豬就話要痾大大，當時都覺比平時臭，原來大部份都係水嚟的。點知依頭著好褲後，嗰頭又痾過，不過唔多，我哋猜係之前未痾完的尾尾。但係今日真的痾咗好多次，痾到櫃裏面的家庭便褲都無哂，一定要隻豬仔著片片(又要扭一餐先肯著片片)。早上十時半，就帶佢落樓下的洪醫生到睇，但係隻豬仔唔肯食洪醫生的止痾藥，好彩仲有一次趙醫生的止痾藥，咁就食住先。跟著又係行哂週圍的藥房都無得買，連德福的房都無，所以晚上無得食，只好等明天睇下乜嘢的情況！
唉！豬仔希今次真係病，因為食乜都無胃口，只係肯飲水。連之前趙醫生嗰肯痾的三寶中的奶粉佢都唔肯飲，話：「唔好味的！」(吹漲，有得飲仲話唔好味！)嗰隻ges 45佢又飲得唔多。下午我哋打過給趙醫生，趙醫生話起碼會痾成八日，係八日呀！(好想大喊，咁痾法卓希豬pat pat都爛啦！)趙醫生話睇佢都無用，一定要痾哂d菌出嚟先得！求天父給卓希豬快d好番啦！(我同卓希爸都攰哂！)
suklaic 發表在 痞客邦 留言(0) 人氣()
之前卓希去咗浸會大學附屬幼稚園及鑽石山靈糧堂到面試，兩所學校都是昨天和今天公報結果，結果就係兩間都收咗！
浸會：上午幼兒班
靈糧：下午幼兒班
浸會就唔啦，因為佢係我的最後之選，之但係靈糧堂係下午班，我又唔想佢返下午班。卓希的契媽教我要俾咗註冊費先，跟著同佢講如上午班有人退出時，希應該係會有優先權。我真係心郁郁，因為靈糧堂真的好吸引，不過地方就真係細咗d，成日焗係室內！
今日卓希仲去咗培正到面試，我見到個個家長都好緊張，係等候室時，係咁教小朋友要點樣對答，我就一於只係同卓希豬玩玩具。跟著就由童軍仔帶我哋去另一間房，不過就由小朋友自己入去面對主考官，卓希見到咁多玩具，頭都無擰轉面找我就入咗去，唔使五分鐘，就由老師帶出嚟。我聽好多家長係咁問小朋友老師問乜嘢，但係個個都答唔出，我都廢事問卓希，佢一定講唔出！
係等的時候，我有留意間學校，佢真係一所好傳統的學校模式的settings，同鑽石山靈糧堂好唔同。d家長係到等緊的時候，好擔心個小朋友有無大喊(我就一定唔擔心，因為卓希豬有得玩就唔會理我的！)跟著仲好笑，d家長話上星期培正已經面試咗八百人，今個星期又八百人，一共一千六百人，但係只收二百四十人，如果間學校唔收，係學生同間學校無緣份。我係後面係咁偷笑，使唔使咁認真呀，仲拎埋緣份出嚟安慰自己，得就得，唔得就算啦免得俾個小朋友壓力啦！
suklaic 發表在 痞客邦 留言(1) 人氣()
由卓希豬開始識講嘢以來，佢一直稱呼自己為：「bb！」
我兩公婆好努力咁教他，他叫：「楊卓希！」但係硬頸的他往往都會叫返自己作：「bb！」有時教他講句子時，特別把「楊卓希」三個字加入句字內，他都會把他們抽起，然後自己加入「bb」，吹漲！
但是近一個星期，豬仔希識得問：「咁楊卓希呢？」，而不再是：「bb呢？」。我好想知道他改變的原因，問過隻豬仔，是否許老師要他叫自己作「楊卓希」，佢又話唔係，依個係一個謎！等我有機會睇下會唔會問到許老師先，因為許老師係豬仔希心目中都係幾重要的。
suklaic 發表在 痞客邦 留言(1) 人氣()
卓希今日都叫做退咗燒，今早仲有少少燒。我就給他退燒藥及流鼻水藥，唔知係咪真的對証下藥呢？佢成個下午都無燒啦，晚上我只給他鼻水藥，唔俾退燒藥，因為食咁多藥的話，對個身體好傷的。
關鍵就係要睇今晚同明天早上啦，如果真係無事就可以返學啦！今晚mormor都忍唔住要嚟睇依隻豬隻希！
不過依隻仔好鬼扭計，今晚就被我打鑊金的，因為佢刷牙時，要飲d水，然後被我罵時又懶尿，結果呢？就係被我打到個pat pat有五指山的印，仲要訓覺時任何人都唔准陪。(我特登好大聲咁要卓希爸聽到，所以佢今晚唔敢嚟護架！)依隻卓希訓係床到，唔使十分鐘，就已經自己訓著，平時？啍！阿某人陪佢的話，而我又唔出聲的話，成個鐘都可以未訓！我一出招，誰過都唔可以出聲！
suklaic 發表在 痞客邦 留言(2) 人氣()
卓希昨天近黃昏同我哋一齊緊電視時，突然高燒，102度。食完退燒藥之後好似好番，今早返教會都無乜嘢。不過下午和他出西貢行行走走時，佢又無心機，一模，又燒過，嗱嗱臨返屋企探熱，又係102度。食完退燒藥之後，晚上又好似好咗少少，不過都有燒，100.6度。
都唔知做乜嘢，一係就唔燒，一燒就會去到102度。今天退黃昏時，佢的鼻水又出動，但係晚上又無乜，所以我都俾佢玩到我殘！
suklaic 發表在 痞客邦 留言(0) 人氣()
今日收到卓希第二期的學習評估，今次比起上次好咗少少，起碼已經無哂最差個欄“漸能學習”。還需改進的是有很多“在學習中”，大約如下：
| 語文 |
： |
能說出自己的性別(我知卓希成日跟佢堂家姐仔話自己係女仔，激c！)
|
| 早期教學 |
： |
能辨別紅色(教過卓希好多次，佢無乜興趣學習顏色，真係教極佢都唔識！) |
| 個人與群體 |
： |
能在室內不太大聲說話(唉！依個真係遺傳咗我的大聲！) |
|
： |
能與人分享(卓希係比較自私，唔係好識同人分享！) |
| 體能與健康 |
： |
能沿直線步行(依個仔係比較我行我素！) |
|
： |
能掌握轉身的技巧(佢一轉身就會好似大冬瓜咁逹係地上！) |
|
： |
能繞過障礙物行(之但係佢係商場跑時，又識繞過一重重的人群，真奇怪！)
|
|
： |
能保持雙手清潔(佢都幾潔癖，唔知點解依樣過唔到關？)
|
suklaic 發表在 痞客邦 留言(0) 人氣()
其實我一早都知道的，有病假都係=無得休息，因為家有隻麻煩希。卓希返學時，我就上網工作，然後再接佢放學。返到屋企，又要我陪佢食飯，食完飯之後，我真的好攰啦，嗱嗱聲上床訓。點知依隻豬仔希一d睡意都無，係咁玩，我唔理佢，自己有自己訓。
咁我就出絕招，同佢遊車河，一上車，唔使三分鐘就立即訓咗，然後又返屋企繼續訓！唉！真係放病假仲忙過返工！我決定明天返工啦！如果有唔妥就先返屋企啦！
suklaic 發表在 痞客邦 留言(1) 人氣()
卓希一直以來都有刷牙的習慣，只是比較懶和沒有動力。上星期學校派了「親子愛牙計劃」的光碟及學生手冊回家，卓希好鐘意睇光碟內的小王子，又好緊張我每晚有沒有幫他tick那些格格。
結果，今天老師幫他貼了一個星期總結的貼紙，嘩！我都未見過卓希會咁緊張本學生手冊的，睇完一次又一次嗰兩張貼字。本來今晚佢已經想有少少懶惰，唔刷牙，我話好：好呀，唔刷牙咪無貼紙，媽媽係唔會幫你tick的(卓希爸係唔會理會佢手冊的一切東西)。咁佢就cc哋走去洗手間到刷牙！
suklaic 發表在 痞客邦 留言(0) 人氣()
哎呀, 今晚卓希話肚痛, 痛咗成個幾小時, 當中同佢去咗洗手間幾次都去唔到, 差唔多到訓時話佢話好痛, 咁又試下同佢去啦. 佢真係痾到出嚟, 仲係爛個隻, 唔通輪到佢???唉, 唔好啦, 大人已經好辛苦, 如果輪到小朋友痾的話, 真的超煩!!!!
suklaic 發表在 痞客邦 留言(0) 人氣()
今日送卓希返學途中，見到好多德福的人員唔知係到整緊乜嘢，好似發生咗好大件事咁。去到卓希的學校，就知道原來停電，卓希無得返學。
之但係我今日好多嘢要做，早上約咗禮賢會的牧師，所以就帶埋卓希去又一村。順便去幫卓希交申請幼稚園的form，原來一早都好多人，我見到都唔少私家車要找位置泊車，嗰到平時好少車的，今早我都要行咗兩個圈先找到位置！希望禮賢收卓希啦，因為依間係我的first choice，如果一入到的話，就可以九年唔使諗要讀邊間，好方便(方便我依d懶的媽媽！)
suklaic 發表在 痞客邦 留言(0) 人氣()
今日返工返十二點，所以早上就可以帶卓希返學。由於今天我們晏了少少出門口，所以到學校的時間都差不多九點，我先“使”咗tun姐姐返屋企做嘢，然後企係卓希課室窗外看看這小子。
上星期許老師都表示卓希是一個開心的小朋友，不過動作就大咗些。今天是我親眼見到，因為可以睇到佢哋唱早操歌時，卓希d動作大到無輪。又好開心咁笑，仲成日“療”隔離同學仔要跳高d，真的好好笑。最抵c就係平時係屋企要佢執玩具時，就一定扭下計，不過今天係學校見到佢好主動地執玩具，連地上的玩具都唔放過，仲要追住個同學仔放番d玩具。屋企同學校表現真的好唔同，我學校咪又有好多學生都係咁！
suklaic 發表在 痞客邦 留言(0) 人氣()
廚藝“棒” (5)
