話說昨天經過marks & spencer，記得係bk見過有媽媽話嗰到有bob the builder的底褲仔，咪入去睇下囉！點知一睇，卓希就勁鐘意，見到佢咁鐘意，我就靈機一觸，話媽媽買俾你都得，不過唔可以係褲仔到大大，會整dirty咗bob同d車車的。其實我見到個價錢又唔想買，七條褲仔要成$16x，不過見到卓希擋係寶咁攬住，就算啦！(得閒要同卓希爸claim返錢)
昨天晚上姐姐就已經幫佢洗哂所有的褲仔，今日預備著啦，早上我預備外出時，卓希突然話：「大大！」我同姐姐就拿拿聲咁帶佢入洗手間，見到仲未痾到係褲仔都就快快“的”佢座廁所板。我心想，又會好快落返嚟話無呀！點知係我睇緊報紙時(姐姐陪佢，廁所迫唔落埋我！)我就聽到“dump”一聲，卓希成功地係廁所痾到佢第一次的大大，我開心到飛超，立即獎佢一輪車仔(好耐之前換咗放係屋企的)。
成功啦！就快戒片成功啦！哈哈哈！
suklaic 發表在 痞客邦 留言(0) 人氣()
今早打過兩次電話返屋企，卓希正在naughty緊，所以唔肯聽我的電話，佢怕我會話佢。唉！點樣教才是最好的呢？今晚仲要返學，好好好好好好掛住個仔！(個心係到滴緊血)
suklaic 發表在 痞客邦 留言(2) 人氣()
今早，卓希終於同新姐姐見面啦！
今早姐姐五點半就起身，卓希就五點四十五分係到喺 咁轉身，突然被佢見到姐姐望住佢，醒哂，我就立即攬住佢，怕佢驚。然後同佢講，依個就係新姐姐啦！初初佢都唔肯叫佢做姐姐，只肯叫早晨，不過後來姐姐同佢一齊玩lego後，佢都有叫姐姐。
不過如果比較，佢唔夠芳ee主動地帶住卓希，大家都陌生。而且新姐姐都唔係點講嘢，所以唔知佢真正識幾多廣東話。我有係咁問佢嘢呀，不過佢驚，所以答到一舊舊。
suklaic 發表在 痞客邦 留言(1) 人氣()
今日星期四，係我返十二點的日子。一早我已經像行屍走肉一樣，因為昨晚scan我的新notes，都做到成十二點幾，半夜三點，卓希又要過大床。咁好啦，我只好相陪(好耐無訓過大床啦！)點知到我快要訓著時，就聽到有蚊！
我係咁係卓希身上係咁摸，唔想佢俾蚊針。跟著又開香薰，不過已經太遲啦，d蚊都唔願走，我只好由得佢哋咬我的腳，寧願佢哋咬我好過咬卓希。依個仔，鬼咁鐘意大床，我晚晚都會係佢的房整一輪香薰先，但係大房卓希爸無request的話，我就唔整，點知今次係自己受番，卓希爸就一d事都無！
一早，卓希又六點幾起咗身啦！卓希爸返咗工之後，佢唔俾我離開佢視線範圍之內。簡直痴身到暈，所以下午我同卓希爸傾電話時，話依家個個星期都好期待星期六同星期日，因為到時個仔眼中只有佢爸爸，到時我打橫行佢都唔會理我！
suklaic 發表在 痞客邦 留言(0) 人氣()
都唔知卓希係點樣行路的，所有的鞋都係鞋頭爛先，跟本唔可以留給別人！
我有一張荷里活廣埸的coupon，係任何的體育用品店買東西可以平$50，所以就趁依個機會，同卓希入多一對波鞋(佢成日係咁跑麻)。去到店舖，卓希點都唔肯揀，轉個問題問佢，邊對波鞋好睇，佢點都係指自己著緊個對係j-shopper到訂的爛鞋！
咁就只好我哋大人嚟揀，要買大少少的size，咁佢遲d都可以著到！就adidas啦！仲係已經特價貨，用渣呀信用咭有九五折，然後再扣$50，成為$110！已經好平啦，我哋見到有d仲貴，原價都成三百幾大元！我幫卓希訂依對波鞋仔都只係一百大元咋！
唉！仔呀仔！唔該行路拎高d d腳啦！肉痛c我啦！
suklaic 發表在 痞客邦 留言(1) 人氣()
依兩個星期四，我返工時卓希都係咁扭計，唔俾我返工。逢星期四我返晏的時候，會帶埋卓希同芳EE去先先洗車，然後就車佢哋返屋企樓下的公園仔到玩，等佢等下，咁我都容易D返工。點知依兩個星期，去到公園樓下時，佢點都唔肯去玩，話要媽媽陪。依個情境，睇到我心都碎哂，咁我都要陪佢五分鐘咁玩下幾次滑梯。係佢唔留意的時候就咁走咗去，如果仲同佢SAY GOODBYE的話，就一定走唔到。
以前我唔明點解D媽媽們返工時都要靜雞雞咁，依家我明啦！係對個仔一種歉意，覺得自己咁少係屋企，好對佢唔住，仲有就係去公園玩咁少少的要求我都無乜機會做，要返工，當時的感受係自己好無用，分身唔到出嚟陪個仔。
如果、如果有份PART TIME的工作俾我就好啦，早上返工，下午就可以同卓希玩，不過發夢都無咁早。要一份有好似依家的PAYMENT的PART TIME，邊有可能。
suklaic 發表在 痞客邦 留言(0) 人氣()
卓希近來好鐘意同我哋講數，例子如下：
情境一：晚飯時間
食完一碗飯後，正在飲湯，卓希好鐘意要兩個碗，一個用嚟放湯，一個係飯碗，之前好鐘意成日將d湯由一個碗倒到另一個碗到，所以我會牛咁眼睇實佢做的一舉一動。
卓希媽：「唔准將d湯放係飯碗到，自己叻叻咁飲湯啦！」
卓希道：「少少，少少湯！」
卓希媽：「- - - - 」(唔答佢，不過牛咁眼望住佢)
卓希道：「媽媽，媽媽，媽媽(漸大聲)，少少，少少湯！」
卓希媽：「好啦！少少咋！唔准玩架，一玩就無得食，你知架！」
就係咁，卓希由湯碗就可以but少少湯落飯碗到。
情鏡二：卓希媽返緊工，打電話返同卓希傾計
同卓希一齊唱緊歌仔時
卓希道：「去公園？」(落了幾天雨，有兩天卓希都無出過街，所以佢係問緊我可唔可以去公園)
卓希媽：「出面落雨麻！」
卓希道：「公園濕濕？」
卓希媽：「係呀，公園好濕，希希玩唔到滑梯！」
卓希道：「- - - 」(無聲，唔開心中)
卓希媽：「咁啦！如果下午希希訓醒覺之後無落雨，媽媽叫ee帶你去嫲嫲到，好唔好？」
卓希道：「好嘢！」(突然好開心咁講)
suklaic 發表在 痞客邦 留言(0) 人氣()
卓希今早玩lego，又有新攪作，又話要影張相，跟著仲要學我平時咁講：「放電腦！」即是係叫我放上網同係電腦到睇，依個仔真係乜都識。
suklaic 發表在 痞客邦 留言(0) 人氣()
卓希由出世都係以咁的方式洗頭，
不過由於佢慢慢大個，成個人都重哂，有時咁樣洗頭法佢會大喊、大叫、仲大扭計。
所以我好頭痛地要諗方法，點樣可以用另一個方法去洗頭呢？我又找了很多地方都找不到那些為兒童而設的洗頭帽，係baby-kingdom到見到有媽媽話照頭淋(佢個b同卓希一樣咁大，又係2月bb嚟的)，所以我就不防一試。
又好似以前咁啦，我一要試新嘢的時候，芳ee又話卓希唔肯，又話卓希唔慣，多多意見。我現在學咗要堅持己見先，唔好俾卓希爸同芳ee的說話動搖到我，要試到真的唔得時，我才會轉方法。所以係兩個星期前，即是我放緊復活節假時，就同卓希開始洗頭係用照頭淋的方式。佢喊到擋豬咁，我都唔心軟，佢想走人，我關門，捉返佢返企缸到，要佢自己拿住條毛巾遮眼。佢一路喊就一路叫媽媽，媽媽，叫到我心都痛埋，但係如果我就咁就放棄的話，就會前功盡費，所以就硬住心腸繼續。
兩個星期後的今天，卓希真的進步得好快，喊都無再喊，自動波地坐下及遮住雙眼。有片為證！原來依個仔似足佢爸爸，係學新嘢方面係要人迫的，才能慢慢的接受新事物。
suklaic 發表在 痞客邦 留言(0) 人氣()
卓希今晚頑皮到震，一路睇English Times就一路係咁係梳化到週圍爬，仲係等我去咗沖涼時，得佢同卓希爸係廳到係咁玩！依兩隻嘢y！(今日仲剪咗頭髮！靚仔哂！)
suklaic 發表在 痞客邦 留言(0) 人氣()
兩個唔使錢的上載影片 i'm vlog都已滿哂，又係時候要開新的了，如果唔係就無得再上載啦！
卓希刷牙的頑皮樣，每次都鐘意刷完後就放係地上，然後就會等我打佢的pat pat，咁都可以勁笑的！激c！
suklaic 發表在 痞客邦 留言(0) 人氣()
近來好鐘意係床到又或是sofa到玩跳。
先先係床到跳，
然後唔夠喉，就去咗廳的梳化繼續！
真係無時停！可想言之我同卓希爸一放假，都無時間休息！
suklaic 發表在 痞客邦 留言(0) 人氣()
卓希出世個年係明珠台到有super nanny的片，由於卓希近來真的扭很多，所以我好想找回這片去睇，教自己點樣對付依隻豬仔希。
今日我去了HMV，不過佢哋都無！唔通真的要上網訂佢哋的vcd？我又唔想咁誇張！
係片中我記得佢有一招係naughty mat，今日卓希係到扭計時，我就係用依招。有一張椅係我書桌的身邊，佢今日一早一晚扭咗兩次，每次佢大喊的時候，都要佢坐係張椅到，直至佢收聲先有得傾。這兩次的效果都幾好，佢最終都識得收聲。第一次所用的時間就長d，不過去到第二次時，佢都唔使十分鐘就停哂。而且今晚我返咗學後，佢都係有少少嘢就係咁扭佢爸爸，卓希爸就提佢再扭就要去naughty chair到時，佢都收收哋聲(係卓希爸話收到，我自己未見到)唉！我依個仔的脾氣認真大啊！
所以其實放假係好想同佢影多些短片，回味同笑下，不過真的無乜嘢好影，因為我要專注係教導佢的身上，希望未來幾天的紅日假期得啦！
suklaic 發表在 痞客邦 留言(0) 人氣()
卓希一路以來都好鐘意“車，”記得我細路細時又係咁，直致到爸媽買lego給他就自己諗出好多唔同的創意出來。
所以由卓希兩歲生日時，我哋就話所有的車都係lego就最好，因為可以由得佢自己係咁砌。初初卓希都唔識砌的，當時我都有諗係咪自己心急呢？不過這一個月以來，佢的住展真的好快，加上我哋有時會砌不同的方法給他看，所以佢依家就真的係自己砌。好似上次為了戒奶咀而買的消防車，同他一齊砌好後，佢有自己的意見，又話唔係咁，又話要咁，又要咁。今日佢又有自己的創意啦！
所以我同卓希爸都決定，下一步要卓希戒片的話，都係會以買lego為主，不過就真的好貴。佢貴在要找人design，又design得嚟要可以給小朋友的小肌自己做到的。不過為咗鼓勵卓希同引佢做到我們的要求時，貴一貴都要買。最多嗰個月自己買少兩件衫啦！(我已經好耐無買衫啦！因為怕好似報紙個段新聞咁“無哂大碼”！)
suklaic 發表在 痞客邦 留言(0) 人氣()
卓希爸係學校到可以以平的價錢買到disney的卡通片，一百元有成八隻，一開始就給卓希睇白雪公主，跟住就煩啦！佢日日都公主前，又公主後，
一日到黑都要睇公主。“主”到我頭都暈，我開始問他，「咁媽媽媽靚定係公主靚呀？」佢又話公主！(仲咗毒！)
咁今日我又問佢，「王子靚定係bb靚？」佢的答案居然係：「公主！」真係俾佢笑c！不過又一定要人陪佢睇，因為一有個繼母同塊魔鏡時，又要人攬住佢條腰嚟睇住電視，真的好好笑！
依個仔有時真的好感性，佢唔單只會同一般男仔一樣鐘意“車”，佢又會kiss自己嗰d公仔，又好緊張d公仔。今次仲加埋白雪公主添，唔話佢毑毑哋都唔得！
suklaic 發表在 痞客邦 留言(0) 人氣()
媽媽成日都叫我玩完d玩具要自己執，不過都唔明，就咁放哂d玩具係到咪好！我一早起身又有得玩，都唔明d大人諗乜的？仲有呀，晚晚媽媽都用最後個支奶嚟迫我執玩具的，好！我唔使你哋大人幫我，bb自己嚟！
suklaic 發表在 痞客邦 留言(0) 人氣()
年初十, 才來一個遲來又唔正經的拜年!!!!!
中山裝, 媽媽的傑作!!!!!
仲有少少害羞添!!!!!
再嚟一個唔正經樣!!!!!
suklaic 發表在 痞客邦 留言(0) 人氣()
原來佢哋嚟同我慶祝生日，仲有生日蛋糕食添，
d士多俾利好好味！
廚藝“棒” (5)
