close
今日特然好有興致地，係雪柜到攞番d燕窩出嚟整！自從卓希出世後，我坐月嗰個月，都未掂過d燕窩，要對自己好d，補下先！一大清早，無乜嘢做，就帶卓希去洗車，點知間電腦洗車屋的洗車機器未整好，咁只好手洗啦！
之後去咗啟業村買嘢，返屋企的時候，見到樓下泳池無乜人，咁熱的天氣，就去游水啦！卓希好開心咁用佢的浮板一路行就一路浮，超好笑！不過由於太陽伯伯太熱緣故，我哋玩咗半小時，就返屋企啦。食飯，然後三個人一齊，午睡！(依個假期唔肥先怪！)

下午我哋又去咗樂富的吉島行街，返到屋企，嫲嫲又帶咗堂家姐嚟！

一日就係咁過咗，好舒服，嫲嫲話月尾要返學時，我哋一定辛苦，我心諗，咁又係，到時又係非人生活，又要返工，又要返學(bu)！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄