港楊回憶，樂趣無窮！

返完教會後，我哋一家向西貢出發，為咗就係要感受新年的氣氛。話說依幾年我哋過年都有去西貢飲茶，一嚟係想食真正的“流沙奶皇包”，二嚟係想去睇舞獅。

今年也不例外，我哋等咗半小時後便有位，然後就咁睇住D舞獅一隻又一隻咁經過，“採青”，好好睇，唔單只小朋友鐘意，連我都好鐘意睇，好有細個時係柴灣過年的氣氛！

晚上有大件事啦！去咗我家姐屋企，一行五個大家庭一齊食飯，超開心，小朋友們最開心，因為平日我唔准佢哋打機，係家姐屋企就係咁打，我好怕佢哋會壞眼！

一年一度到荃灣和老公的親戚飲茶，然後返屋企卓希約咗MORFAR到單車公園..............賽車！卓希快的速度有我當年學滑雪一樣，只顧向前衝，都係用咗一段時間先學會係雪地上停下來，想起真好玩！

卓希一大突破係佢居然自己同MORMOR、MORFAR去街食飯，開心到不得了，話自己食咗4塊PIZZA添，好攪笑！

今年無返到柴灣，因為親戚們唔係要開工就係去咗旅行，所以柴灣之旅取消一年！

去咗嫲嫲到食開年飯，返咗屋企後又係到單車公園踩場...............哦！唔係，係踩單車！

今晚係屋企食飯，然後就好舒服咁係屋企睇煙花，睇電視又得，睇實境又得，第時啟德發展咗後，都唔知仲睇唔睇到啦！不過依幾年都係係屋企睇到，超正！

今日都較輕鬆，一早老公就去咗探覺光，(都係個句，有乜理由D佛教學校要擦鞋擦到咁？年初一，連自己的父母都未見到面，就要去見和尚，真係離譜！)，今年好遲才回到家，成十一點。然後我哋就出發去沙田MORMOR MORFAR屋企，食簡單的午餐，返屋企，兩個小朋友洗白白後就出發去爺爺嫲嫲屋企。

好耐無影相，今日部單反一上手時覺得好重，相都唔係影得好滿意！算吧！

今日婷婷妹妹仲要返學，老公又要返工。一早起身，我就同卓希帶婷婷返學，然後兩母子去STARBUCKS嘆早餐，因為店舖都未開門，我哋兩個為有係咁HEA吓先！

之後，卓希就好叻咁係咁幫我辦年貨，今年我買咗連米芝連都話好味的蝦子麵，真係諗唔到要買乜嘢，又要唔好亂咁買，又要佢哋真係會用得著，都真係好難諗！

我哋兩母子十一點已經攪點哂D嘢，仲有一個鐘咁點算呢？去咗商務到打書釘，好彩阿仔又係鐘意睇書之人，我哋各有各精彩！

接咗妹妹去，就去咗指定動作的“大快活”到食飯，叫咗兩個飯，佢哋兩個好似餓鬼上身咁，全部同我食哂，我只係食咗半碗飯咋！

之後就同婷婷去九龍灣診所到拆紗布，仲要貼多五日膠布就會好的！YEAH！

拆完線後，就去咗福華街買卓希生日會的回禮禮物，嘩！買買吓都買咗六百幾元，香港錢，唔禁使！

跟著就去又一村泊車，等老公JOIN我哋一齊去花虛行花巿，好多人，但係我哋又行得好開心，我、卓希、婷婷，三個都有著落！

我就緊係最鐘意的花，一年買一次咋，否則老公會話我浪費錢！

今日終於都止咗嘔，但係未止痾，不過痾的次數少咗好多！但係胸口始終都有道氣成日想“URRRR”出嚟，由於我一食嘢就痾，所以全日只係食咗一碗白粥，一塊白麵包，D腸都未停過！

預計明天返工，再唔返的話，大把人找我算帳，仲有好多嘢未做起，仲有青年團小組要外出呢！

話說昨天我已經成日有D氣頂住係心口，飲水都下唔到道氣，昨晚上床時頭重重，一訓上床就個肚唔舒服，去咗洗手間到瀉。返到上床後，都唔敢訓底成個人，因為好暈，點知到半夜三點，個胸口悶到不得了，起身準備去洗手間吐時，喉嚨好似噴泉係咁吐，立即開門去洗手間，但已吐到一地都係，一心急，自己仲俾自己的口吐物“SIN”底咗，一身都係！就係我咁多嘈吵的動作時，工人姐姐及卓希爸被我吵醒咗，姐姐係咁幫我抺，又拎第二套睡衣給我換，真係好感激佢。

攪點哂，再上得床時已經係四時多，到六時一醒，又去洗手間吐，今次趕得切，然後又瀉，九時又吐，令我不得不去睇我認為無乜嘢用的洪醫生。佢話我腸胃炎，立即打咗技止吐止瀉針。

我成日都無乜點食嘢，因為胸口成日都好想吐，醫生只係俾咗明天假我，都唔知點唔點！我都唔知食錯乜嘢，我食的嘢，屋企個個都有食，但係佢哋就無事，我就病到咁。成日都只係訓係床到，昏睡！唉！真係好辛苦的！今日隨咗落樓睇醫生之外，邊到都無去，老公家長日要返工，得我同兩個小朋友及工人姐姐係屋企，教會無返，卓希朋友仔生日會無去，心光團年飯無去。講起生日會，今早同卓希話真係唔好意思，帶唔到佢去生日會，佢好生性咁話：唔講要，但係佢係唔開心的，因為佢期望咗好耐見依班由BB已識的朋友仔，結果都係因為我的緣故無得見，我好心痛的！

明天又要返工啦！超唔捨得兩個小朋友，唔可以再好似放假的時候咁，隨時可以溫phonics，又唔可以同佢哋落公園及單車公園到玩，又係工作工作又工作！

依個假期隨咗休息之外，我仲係咁執屋，好耐之前我已經好好好好想執，每每一見到工人姐姐攪到屋企好似垃圾崗的，每每有多少許的位置時，就係咁塞嘢入去，放東西又唔分類，就好鬼忟！我個心好想做完美主意者，奈何體力不足，每日返工，放工後成個人都散哂，我都無力水去執，所以今次真係“的”起心肝，每日執屋企一兩個地方，特別係大睡房連書房的書架，塵多到不得了，唔怪得知我哋氣管唔好啦！

係咁凍的天氣下執屋，又抺塵的代價就係雙手“爆察”，而且俾d紙介到雙手損哂，真的好痛，又唔可以用膠布，因為除時都要搽hand cream，真係無奈！

所以，直到今天為止，我仲有地方未執好，目標未能夠逹成。而且今天晚上我選擇沒有去嫲嫲屋企食美味的餸飯，原因是要趕埋明早週會的講章，星期四崇拜誦道又係我，所以要等佢哋唔係屋企的時候盡量去完成。週會講章預備好，崇拜講章只係三份一，又要返到學校先可以做到，不過一定唔會係星期一及星期二，因是最忙的日子！

我又要去整理卓希的成長相簿，剛剛昨晚才處理好妹妹的相簿咋！

一早起身，老公病咗，佢昨晚嘔咗兩次，然後我發現佢發燒，唉，放假先嚟病！

基本上今日都無乜嘢做過，只係我去咗做FACIAL，然後買埋禮物給MORMOR，就返屋企上網搵靴給妹妹！

卓希就好期待平安夜到MORMOR、MORFAR屋企，因為可以拆禮物，不過身為父母的我哋仲未有時間及機會買俾兩個小朋友。本來話今日會買的，但點知老公病咗，所以又推咗個仔話遲多幾日先啦！咁卓希今次又好生性，無扭到計，也許佢真的見到佢爸爸唔舒服，而且有其他親戚俾咗聖誕禮物過佢，所以咪唔介意住囉！

今晚特意帶埋星鏡去影相，好靚！

今日係心光的聖誕聯歡會，超開心，因為可以帶埋兩個小朋友返工，一齊玩，仲有DR DOG，不過我都係掛住劉生劉太個D狗多D，佢哋個D狗好似乖D！

FB的工能真係勁，我班小學同學居然搵到我，之前初初JOIN時我都想要搵佢哋，但係搵唔到，依家居然係佢哋搵到我，下次一定要佢哋的聚會先得！

今日係聖誕的洗禮崇拜，及靈工堂的嘉年華會，兩個小朋友最開心！

到最後我都有玩埋一份，就係SET頭啦！

話說逢星期一我都忙到不得了，今天也不例外，但就特別忙，因為婷婷妹妹係我一起身，六點就醒咗。我要顧自己之餘，一個兩歲半的發ING燒的小妹妹係咁LUR住我，連要搵衫返工都唔得，因為個妹妹要去洗手間痾大大都要媽媽！OHHHH，NO！

去到我臨出門前的五分鐘，我先著衫，油灰水(化妝)，出門口，都無時間睇吓自己個樣得唔得，咁就返咗工！

重頭戲嚟啦！逢星期一都有全校的週會，而第一個敬拜+分享的環節通常都係由我負責，全校都望住我個樣，但係我一D都唔知自己有唔妥。返到自己個位時，後面的助教話我知位衫的鈕扣有問題，我仲以為佢話我有一粒無扣到添，完全唔為意我已經係全校面前出咗醜(依家想起，都自己覺得好好笑，仲大笑ING)！

週會完咗，通常兩個高高層都會被一個常討好的人MARK住，我都無為意原來院長係到等緊我。到我仲慢慢咁行到去禮堂門口時，院長話我D鈕扣有問題，我仲以為佢話我扣D鈕而又唔扣D鈕，我仲同佢講：「依家事興呀！」佢就問我：「依家FASHION係興扣高底鈕咩？」咁我先知到原來自己扣錯咗鈕！好瘀呀！

跟著就繼續俾院長笑我啦！唉！真係有口難言，只好實情相告早上的情況，無法啦！要顧咁多嘢！

婷婷妹妹成日都扭計，工人姐姐話佢係咁搵我，無法啦，唔係我想返工，係你爸爸唔准我唔做！老公今日下午放早，返到屋企同兩個小朋友到樓下踏單車，但係妹妹一D都無精神，只要等到我放工返到屋企後，先開始又跑，又跳，又唱歌！佢成日都係咁出汗，我猜她正在好轉中，所以係咁出汗，將D病迫哂出嚟！退咗燒，要快D好番呀，媽媽都係因為你，所以今日瘀爆！

唔該，留個言俾我知，我係咪真的瘀爆！

今日返早，下午兩點返到屋企，分別同兩個小朋友做功課，都用咗成兩小時才可以完成哂！然後我就帶咗佢哋去永安(大減價到星期日)到買聖誕禮物給堂家姐及堂妹們，又去咗買少少嘢食，咁就兩小時啦！

然後我哋坐巴士去尖沙咀碼頭，去回合老公，食嘢，睇燈飾，咁的生活真係好享受！

 

 

 

 

今早七點俾兩個小朋友整醒咗，點知就發現卓希發燒！38.3，成個人都紅紅的，快快食退燒藥，但係佢就忟，因為頭痛！都唔知點解會係咁，昨晚去完DISNEY都好地地，係今早就有事！

所以只得我同婷婷去教會，然後去德福買嘢，跟著就返屋企！超多功課要跟呀，先先係卓希，跟著到婷婷，然後仲要同卓希整金字塔！

卓希日頭就好似退咗少少燒，但係到晚上就燒過，直頭去到39點幾！老公開始係咁咳，我就成日都頭痛，而且一早起身耳水不平衡，又暈！唉！唔通我哋一家又病過？

今日第二將臨期，我哋先有時間拎聖誕飾物出嚟(基本上係屋企，所以咪有時間囉)

去年鄰居所給的雪形貼紙！

今日同學校班校工一齊佈置聖誕裝飾，連續做咗三小時之後，手軟腳軟咁，我以為自己血糖底，快快咁食糖！

但係之後都無乜點好到，個心仲跳得急，但係又要快快咁去香港仔換西餅，請一眾工友食，佢哋都出咗唔少力水！

到上完堂，開咗會後，我真的好攰，好似無哂力咁，但係要預備聖餐崇拜，唔可以唔郁，係咁迫自己郁快快咁做！到咗禮堂後，一彎底身，條腰痛到火燒咁，哎呀，我發燒就係咁的啦，會腰痛的！

但係成個人都係？？？？又無喉嚨痛，又無頭痛，到底係身體邊到有問題呢？真的不知道，快快的食咗兩粒PANADOL，崇拜完後，走人！一路返屋企的路上真的好驚險，我好眼訓，係咁聽歌，拍打自己的腳，唔准自己訓，因為我楂ING車，好危險呀！

返到屋企後，快快的攪好自己，九時上床訓(自我隔離，去咗細房)，半夜一點成身都係汗，早上六點起身時好似好咗少少咁，就返工，因為好多手尾要跟呀！

今日真係忙到嘔，先先係平日都要做的上課，然後就係一年一度的買禮物，我今年算係叻，全部一百份禮物都係一式一樣，個個都一定話係好，因為好輕便的東西！

然後，就要趕返屋企，同小朋友去東水涌，去睇清明上河圖，雖然係好多人，但係我哋睇得好開心，而且我又一路講解俾卓希聽，佢都好鐘意，但係我雙手就無哂力！因為初初係抱卓希，後來抱婷婷，兩個都係咁要睇個隻跑出嚟的豬，真係好好笑！

(臨走前IPHONE留影)

返到屋企，除咗快快攪兩個小朋友訓覺之後，就係要整陪新的空氣清新機，終於都買咗及送到嚟，希望對我哋一家的氣管有效啦！

嘩！一開部清新機，個燈就去咗大紅色，久久都未轉，即是空氣污濁！今次真係要多謝教會的一個弟兄，佢用咗自己的QOUTA幫我訂的，比起外面便宜好多！

今日長者主日，卓希及芍婷都要幫忙做話劇，依個就係佢哋的造型！

今日吹紙筒條氣管唔合格，要食一個星期的類固醇及氣管舒張劑！

係近日天氣差，半夜都喘(好多晚都已經係半夜十二點幾先訓)，同埋小人當道，所以我好接納自己身體差的事實，就當我財多身體弱啦！但係罵人時絕不口軟！哈！

六個星期後再要見醫生，唔准SAY NO，今日係高級高級醫生見我，我話耐少少先覆診啦，仲俾佢同我講大條道理點解唔可以，我都知，不過請假係好鬼痳煩的一件事，後來發現原來係假期，好囉，唔使調堂調到七彩咁！

以前我覆診，都會請另一個部門的同事幫忙睇晚禱及學生們，依家就唔得，一定要靠光龍同麥太啦！免得又話我“指”佢哋做嘢！

天氣近日成日轉，我已經日日都要吸VENTALINE，早晚都要，連有時返緊工，個人好緊張的時候，都要吸(似唔似吸毒品呢？)果然不出我所料，條氣管真的不合格，一個月後又要見醫生，又煩！

鼻又煩，我之前做的手術係咁的，原來個邊鼻都有三對鼻甲骨，而我上次的手術係係每邊的下兩對切咗佢，不過我左邊成日都好容易受感染，D病都係由左面起。醫生又放個鏡頭入去，見到左面的鼻甲骨係漲過右面的，依家要我試每晚噴鼻，睇睇會唔會細番，又係煩！