港楊回憶，樂趣無窮！

明天便正式返工，這個暑假要劃上句號了！

這個假期，真的是多事之夏，世界上不同地方都在發生不同的慘況，人生都在經歷不同的事情，願天父的慈愛之手安慰我們每個弱小的心靈！

不過，正式返工後，有學生同無學生係到，分別真的好大，有學生的話，放工時係得番四分一條人命！

婷婷妹妹明天開始返學啦！希望佢適應啦，因為佢勁癡身！我前幾天洗腦咁同佢講：「返學同小朋友一齊：玩！」今晚再BRIEF佢的時候，佢居然咁講：「返學同小朋友一齊：喊！」真係無哂氣，明天返學一定喊！

今日係覆診日，又要做物理治療，我的手臂超痛！今日係睇哮喘科，本來已經好咗好多，三個月先睇一次，但係上次係七月中時，因為情緒的問題，我條氣管差很好緊要，連吹廁紙筒都係拉車邊，所以醫生要我一個月後再覆診。但係放咗成個月的假，我都唔記得咗，到星期二去完HKIED後，同老公傾起時，突然諗起好似要覆診，去睇張覆診紙，先記起今個星期要睇醫生，但係本來要開校務會，真係又一件大頭蝦事件！

今日吹廁紙筒，未至於唔合格，但係都未到最好，醫生要我注意一下自己的情緒，我會的，我要好好咁照顧自己及家人，因為這是天父給我的禮物！

係電視到見到最後一個傷者都返到香港，真的安心，雖然唔知佢日後會點，但係香港自己的地方時，都好過係馬尼拉，不過我同老公講，如果我係個個梁太媽媽的話，一定唔會返屋企。五個人開開心心咁出依個門口去旅行，現在只得一個返到屋企，真係人都會癲，求天父給她力量照顧自己及她的兒子！

唉！個IP CAM真係攪到我頭大，無法下一定要請最近的IT同事嚟幫幫手，好彩佢住得近咋！

終於得咗，以後又要睇住兩個小朋友+一個工人姐姐，唔准作反！

今日我要出去旺角，因為屋企的IP CAM壞咗，要買過個新的，本來係打算帶埋兩個小朋友去，但卓希話想去嫲嫲到，同堂家姐玩，咁我就放底佢哋，然後自己去自我放幾小時的假先！

一去到旺角，就更係要去醫肚先啦！上去已經好想去依間到，但老公話唔想，今次得我一個人，要對自己好D，食好D先！因為下星期二以後，又係與飯盒共舞啦！

然後，我便急急腳返屋企，想試吓自己通個IP CAM，都係差少少，都係要請IT 同事幫忙，好彩有個住得近者！

晚上我哋就去咗靈匠堂，為咗慶祝爸媽結婚三十五週年，佢哋都仲好恩愛！

我的堂妹，就快去美國同佢老公一齊住，所以係細姑姐係香港的時候，就一齊食餐飯，大姑姐點的餸真係好好味！

執咗兩個幾小時，終於執好明天去旅行的日品，我一個人要執哂所有人的都幾係嘢，好彩訓練有加，粗重嘢難唔到我！SO, KENTING I AM COMING TOMORROW！

老公請我去聽演唱會，我地已經好耐無咁樣去拍拖！譚校長，我來也！

我哋坐山頂，無理公咁遠，所以都費事帶相機，都係用人哋個BLOG的相咋！

不過，今晚都未能完全盡情，因為當中的嘉賓有MR.，我第一次見到佢哋，如果唔係學生自殺依件事，我都唔知有隊咁的組合，唱歌就真係麻麻地，都係鐘意玩音樂之人！不過，如果阿璇真係有回味多D依首歌的話，也許不會做出依種傻事！

譚詠麟・Mr. – 約翰人生

約翰人生

主唱：譚詠麟・Mr.
作曲：譚詠麟・Alan Po
作詞：Dash
編曲：Gary Tong
監製：譚詠麟・Gary Tong

歌詞

如連儂傳說般永久　與世界每一天奮鬥
童年隨處飄不怕羞　最愛那結他的節奏
自在玩樂多麼美好　到處有結他聲散佈
一切都寫進音樂裡編制　歌與夢並存一世

用我聲音　跟樂器聲音　
將失敗痛心全釋放放在搖滾
沿用你一生　編織成成就感
就這樣找到決心　

潮流隨處飄不永久　最愛那結他的節奏
有這個他多麼美好　到處有結他聲散佈
一切都寫進音樂裡編制　歌與夢並存一世

用我聲音　跟樂器聲音
將失敗痛心全釋放放在搖滾
沿用你一生　編織成成就感
就這樣找到一切

曾話過要踏這一步　亦要拼著勁的去做
讓快樂裡有絕對的血汗　這闕火　隨緣地結果
這些結果　無限散播　再發力發光

用我聲音　跟樂器聲音
將失敗痛心全釋放放在搖滾
沿用你一生　編織成成就感
為你在珍惜光陰　

在繼續發光

之前我係咁儲印花，就係為咗個旅行用的拖拉箱！

20"米奇造型硬身旅行箱
- 30枚印花, 換購價$339 (原價$1,080)

20"米妮造型硬身旅行箱
- 30枚印花, 換購價$199 (原價$780)

*米奇造型硬身旅行箱尚有26"及29"可供選購，詳情請向職員查詢
*29"米奇造型硬身旅行箱只供訂購，顧客必須前往指定換領中心提貨 (我就係依個)

換到返嚟，真係好大個，應該可以放得哂我哋四個人的五天墾丁旅行的衣物，不過都要拎多個袋做後備！

咁啱，有個舊生打給我，話借本墾丁旅遊書給我，咁就同佢一齊食飯。睇住佢長大，自己唔認老都唔得，佢仲代表香港去世界各地去打柔道，真係好叻女！(我勸緊佢教卓希，咁我咪可以慳番筆，哈！)

今日一早返教會，但係起身後，左邊所出的鼻水都係綠色。不過今次喉嚨又唔痛，只係個人重重咁，同埋好想“呻”鼻水！

係教會返到屋企後，綠色鼻水情況又多咗，我在想，會否是鼻竇炎呢？以前係瑞典試過一次，要檢查時痛到我睇水都流哂出嚟，如果明天情況還是一樣，我就要睇醫生！

今日主要都係屋企休息，老公下午要返工，直至到晚上十時許，所以我哋自己出街。

為咗老公可以楂車，我哋的活動範圍只係德福，方便麻！先去宜家玩玩玩，它六月二十九日會搬去MEGA BOX，去睇有沒有平東西買，但係點知好多嘢都空哂！跟著我哋去咗商務到睇書，我哋成日都係咁，小朋友有小朋友睇，我就有我睇，睇咗好多旅行的書，好想放假去旅行呀！

跟著未夠六點我哋就去咗“和民”到食晚飯，因為德福過咗六點後，超多人，好難等位的。兩個小朋友胃口勁好，全都食哂！

返到屋企，洗澡後，仲有時間玩一陣先上床睡覺，好開心！

左邊面，鼻的後面，有少許異樣，好似唔舒服咁，到底係乜嘢一回事呢？

今日小朋友們的興趣班全都係尖沙咀，我哋又去咗九龍公園到玩，但係今日太焗，好熱呀！

然後我哋去咗沙嗲王到食嘢，好耐都無去過，而且唔多人，好靜，所以我哋坐得好舒服！

返到屋企，橫點MORFAR今晚夜機先返到香港，今晚都唔使去沙田屋企，就“的起心肝”執起所有冬天衫，拎D夏天衫出嚟。依個ME姐姐，真係唔識執嘢，唔識好好咁利用空間，成日話無哂位，咪又俾我執到好整齊！唉！總之佢做完的嘢，我就一定要執手尾，共執咗幾小時，腰都斷咗！

我終於有30Mbps啦！之前我個表弟話申請100Mbps，我唔知幾想呀，但係我依楝樓，pccw只得最快的18Mbps，點夠用呀？

嗱！ip cam用咗2Mbps，now一開就用咗4Mbps，如果連老公的電腦都開埋的話，所剩無幾，有時我自己連個blog都上得好慢又或者上唔到，所以前幾日pccw係網上療我每月只加多18元就可以有30Mbps時，二話不說便參加了！嘩！好快呀！

今日我好好多啦，羅漢果果然名不虛傳，今日一早已經出到聲及喉嚨唔痛。之前卓希契媽都有介紹過給我，不過我通常都係喉嚨痛到c先會飲。但係無幾耐之前，小吉媽又介紹多次，最重要係話有減肥的功能，我咪煲一大大煲，放係雪櫃到(可以放一個月的)，然後慢慢飲！希望可以快d清咗佢啦！

係幾個星期前，卓希及芍婷已經練定母親節要獻的詩歌，今日一早十點就要返到教會，我真係唔想起身，想懶吓麻！

佢哋係二樓最後練習的情況：

小朋友們獻詩時，我已影咗高清短片，不過檔案太大，UPLOAD唔到係自己個BLOG到，只可以UPLOAD到係FACEBOOK到！

然後，橫點有相機係手，就係咁影崇拜時的SNAP SHOT，唔知牧師話唔話我呢？

兒童崇拜的情況：

崇拜完咗之後，我就影一路以嚟都好想影的聖壇，不過今日D花有少少唔襯！

然後，老公有好重要的嘢，要返一返沙田學校到找找，找完之後，就提議去西貢一轉，都好，一家人出外走走。平時以前卓希未出世時，我哋成日去的意大利餐廳轉咗老細，D食物麻麻地，我諗以後都唔會再去啦！

係回程的車到，我乜都影一餐，唔使我楂車，係咁影相，學吓用快門，都幾好玩！

一早返教會時，係麗晶停車場門口見到有黨人士係到派花，我同妹妹就快快咁走去攡車，點知卓希同老公就走咗攡咗枝花番嚟。吓！原來卓希係學校學咗好多嘢，話唔可以破壞植物，真係笑C我！不過我唔會因為依個公黨派花而投佢票的，依家D議員真係亂七八槽，有D唔值得去投佢哋！

跟著到晚上，就係去嫲嫲到食飯，個蛋糕係我訂的，今次真係好好味，連嫲嫲都肯食！然後其他的就係兩個小朋友送給我的禮物，好得意的，妹妹個份就梗係工人姐姐幫手的啦！

今早真係好突然，有個同事係我哋屋企咐近玩FOOTBALL，跟住話嚟我哋屋企同兩個小朋友玩，嘩！兩個小朋友開心到飛起，跟著仲車咗我哋去旺角，然後就真的要分開啦！

晚上，又有MORFAR嚟我哋到，兩個小朋友又係玩到唔停，真係開心的一日！

前天心光收到教育局的信，要CUT班，又CUT多一班，由九班後，去年CUT到得八班，跟住今年又CUT多一班，即是只係得七班，我就一D都唔怕，一、天父安排得我係到做咁耐，就一定會安排我的去路。二、我都唔係教育局的編制下的，係跟德國差會，所以一日有心光，就一日有我個位！不過眼睇住心光咁縮班法，真係都替D同事担心。以前聽過其他同事話，一入咗特殊教育，就好難走番出去常規學校，初初我都唔信，但係依幾年睇其他同事搵工咁難時，都知道真係咁的一回事，希望依個問題可以解決到啦！

逢星期一，到下午的時段，就係我頭痛的時候，唉！人咁挨法，到老時，咪只剩番D骨？返到屋企，立即食散利痛，一會兒就好少少，但係陪訓完之後，就又開始過頭痛，哎呀！

講起陪訓，相信每一個家長都唔鐘意，因為訓訓下就會自己真的訓咗，然後.....................就會無咗自己的自由時間！但係依兩晚的陪訓我有好重要的任務，就係分散婷婷妹妹的注意力，等佢唔好搵“奶咀”，要佢習慣吓無奶咀的生活。實驗做咗兩晚，都算成功，只係午睡時妹妹蝦姐姐及嫲嫲，都係要奶咀先訓得著！我的目標係一個星期後，逹到晚上唔使奶咀，跟著就慢慢同佢戒午睡的奶咀心隠！

好想做FULL TIME媽媽的心未變，尤其是卓希再過一年便小學，希望可以實現啦！請代禱！

農曆年假時一大班人去咗GORDON的STUDIO到影相，終於有相睇啦！

今日老公返半日，因為係佢學校的測驗週，所以只係返半日。

昨日佢已經計劃好，今日下午會帶兩個小朋友，再一次去科學館，希望係無乜人的情況下，小朋友們可以試玩到多D實驗。

點知，係我開緊溝通會時，收到佢的SMS，話兩個小朋友都唔想出街，佢自己一個人出去，去歷史博物館。

我話我都去，就係咁，做就到我哋兩個拍拖的時間。不過老公都話，當佢PLAN好哂時，兩個小朋友拒絕去時，佢有失望的感覺！我明，因為佢哋三個成日都係咁對我，我點會唔明呢？

就係咁，我哋去咗睇歷史博物館，然後去食飯，KOREA燒烤，真係食得好輕鬆！YEAH！(全部係用手機影的相)

好多謝MINI的提醒，我今日終於試到一杯免費的MOCHA！

我好耐都好想要一個佢哋的保暖杯，咁順便就買埋，點知，原來你每次去STARBUCKS時，拿出有佢哋標誌的保暖杯，就可以免費有一杯黑咖啡。即是話，我去四次STARBUCKS時，隻杯的價錢就返哂嚟，真係底！

我講的STARBUCKS保暖杯可換一杯咖啡係依到呀！

如果唔係MORMOR打嚟，我哋都唔記得今日係結婚週年記念，無乜特別做過，只係一家人外出，已經好開心！

今日返完教會之後，就同兩個小朋友去咗汀角路泥灘。

我有一個舊同事係心光做完代課之後，就去咗做生態教育的考察導師，佢曾經介紹我哋去大埔睇螢火蟲(不過睇唔成，因為落大雨)。今次佢介紹我哋去睇海星，但係因為我哋去完教會先去，太晏，開始潮漲之餘D海星游返哂去個大海到，只係睇到一隻係海到！

今日係我的生日，FACEBOOK真係有好處，就係唔使寫好長編的嘢都可以同人KEEP住聯絡，原來，原來有好多朋友同親人都好錫我的，今次係短短三日內，已經有好多人留言，我都無數幾多人，只係知好“多”。我仲遂一遂一咁多謝佢哋，而且係個個我都識的，唔係好似其他人咁，乜人都ADD！

Aron Lindén Grattis på födelsedagen önskar Aron!

Ruby Ha 比個birthday kiss 您先~~^3^

軒乂 生日快樂

張文海 好彩仲記得--生日快樂^^

Coey Chan HApPY BIrThday:)

Maria Li Grattis på din dag idag!!! Kram

Christine Fung HAPPY BIRTHDAY

Kwan Angie HAPPY HAPPY BIRTHDAY TO LOVELY MUMMY

Yanmy Cheng Happy Birthday!!

WingSze Cheng 生日快樂呀~ 今晚有咩好節目 ? 玩得開心啲 :)

Kristal Lee 我都祝你"生日快樂"

William Lee 生日快樂！

Marie Axén Grattis på födelsedagen Shirley! Hoppas att dagen blir precis som du önskar. Kram

Stella Ho HAPPY BIRTHDAY TO MY NEW FRIEND!!!

Anita Chow Chow 老二:生日快樂 ^_^

Cheng Kwai Fong Noel Happy Birthday, Shirley! Always 25!

Lylie Witting HYVÄÄ SYNTYMÄPÄIVÄÄÄ =) GRATTIS =)

Ling Chan 生日快樂! 祝你家人身體健康!! 繼續多蒙主恩!!! *v*

Anna Rossi Gratulationer från Vitick på födelsedagen- :) Kram Lena, Janne och Johanna

Angela Au 好媽媽~生日快樂呀~最緊要係你和家人都身體健康，平平安安~

Taby Local Happy Birthday!祝你—年靚過一年(我老公話你有D似范冰冰),
兩個宝贝身體健康!

Avon Yip Happy birthday to 好媽媽.祝你永遠快樂,天父鍚晒你.

Tse Shuk Mei May 周老師生日快樂，身體健康，永遠開心，主恩更多

Tibbie Ng Happy birthday Shirley!!!祝妳永遠健康快樂~~Shirley.

Pam Lam happy birthday...beauty mama

Mabel Cheung Happy Birthday to You, Happy Birthday to You,
Clara Chung Happy Happy Happy Happy Birthday!! keke.....

Pang Kwai Ling 生日快樂~

潘志光 生日快樂

EMily Ng shirley,生日快樂！希望你既仔女聽話聽教，一家健健康康~

-Chemson Hin Happy birthday ar!!

Grace Pinky Wong Happy Birthday To You!!!!!!!!!!!!!!!!!!!!!!!!!!!!!!!!!!!!!

Kathy Tang Happy Birthday!

Kelvin Cheng Shirley生日快樂，祝你和你一家人健康快樂 ^^

ViVigo Chan HAPPY B-DAY!!

Lo Suk Chi Judy I know I know it's your birthday tomorrow. I wish you God's blessings in abundance.

Mei Chan 預祝生日快樂呀周老師=)

Alice Chan 同阿妹生日好接近，生日快樂呀!

Ming Ming Ip Super Happy Birthday!!!

Ashley Chow Happy Bday Lai Kar Tse! May all your wishes come true! =)

Tazmanic Taz happy day..happy birthday

Kathy Tang Happy Birthday!

 昨日卓希去咗嫲嫲到同堂家玩，祖父母建議卓希去睇個親戚，他是耳鼻喉專科。因為卓希長年都咳，睇睇到底係乜嘢事。所以今早一早去睇醫生，我都知到係鼻敏感引致鼻水倒流，不過無人聽我專業又親身經歷的議見，一定要個醫生講先信，無法啦，佢哋要使錢我咪由得佢哋使！我就同妹妹去教協買吓嘢，又睇吓嘢！

下午食過飯之後，卓希又咗去嫲嫲到玩，我哋就同妹妹係屋企，玩吓，傾吓，老公後來帶咗妹妹落去公園到，卓希返屋企後我就同佢做一些有關專注的訓練。總之成日就係屋企，晚上才出動去食自助餐：皇家太平洋酒店！