到底點樣為之成功的教仔?依個問題我和卓希爸都討論過好多次,佢的論點係個仔只得兩歲人仔,唔識得分別是非黑白。但係我的論點係所以便要灌輸正確的觀念給個仔。
今晚有一位親戚和卓希爸在教仔方面有不同的見解,個親戚都同意我的教法,不過個氣氛就真係差咗少少!雖然如此,我都會同卓希爸話,要好好再諗清楚個仔的前境,三歲定八十,係時候要教!同時,也要他真的細想,不單只我話個仔naughty,連其他人都講時,都真係要諗諗問題所在!
我自己就覺得卓希唔係無得教,不過佢成日以為個爸爸係到,會有人幫到佢,所以有時我都會做衰人分開下佢哋。卓希唔係唔知要乖,而係有時佢係特登去做NAUGHTY嘢,嚟睇下大人的界線去到邊到。基於這樣,我有時都會執得好正(要睇我的精神如何啦!)。近來我會罰卓希坐NAUGHTY CHAIR,初初佢唔肯去坐,要我拉佢去坐,現在只要我話佢時,指指張椅子,佢就會自動自覺地去。跟著就會話罰幾多分鐘,佢再大吵大鬧就罰加時(其實佢唔明加時,我話係無得起身!)跟著就係最重要的一環,就係要佢自己講衰d乜嘢,近一個星期,佢自己係講得出的。我要佢向對做錯事的人道歉時,佢有時會唔肯,唔肯就無得起身。其實我唔只罰佢,到最後都會表示媽媽好錫佢,不過要佢乖,然後給我一個big hug。
卓希爸話我係以強制個仔,但係我覺得唔多唔少都要俾d顏色佢睇睇,唔可以咁縱容,日後佢會自食其果!
教仔真的唔容易,要同另一半合作教就更加唔容易!
suklaic 發表在 痞客邦 留言(1) 人氣()
考完試啦!不過個人好似散哂咁,人老咗,真係不能承受太多的壓力!
suklaic 發表在 痞客邦 留言(0) 人氣()
從靈修書中看到這篇文章:
追求愛是件困難的事。
追求真理也絕非易事。
將兩者並放一起,同時追求真理和愛,堅持下去準沒錯。
真理中有愛,愛中有真理,彼此缺一不可。沒有真理火炬的照耀永不可能擁抱愛;沒有愛的溫暖,永不可能有真理的熱力。
二者並重是我們單一的任務!
suklaic 發表在 痞客邦 留言(0) 人氣()
suklaic 發表在 痞客邦 留言(0) 人氣()
自從肌肉勞損要睇醫生後,食咗醫生的藥就無痛,不過食哂醫生的藥之後,又係到會半夜醒,痛到醒!不過又到週未,所以自己去藥房,買咗支冬青膏返屋企。
suklaic 發表在 痞客邦 留言(0) 人氣()
我的背脊之前已經痛了一個星期,個種痛法好似感冒嗰種痛。初初都以為一係就感冒,一係就攰過頭。點知依個七一假期就痛到我不得了!
suklaic 發表在 痞客邦 留言(1) 人氣()
香港已經回歸十年了,卓希爸時常講起當年怎樣怎樣,但我一點感覺也沒有,因為當時我幾天幾夜在醫院陪伴著我嫲嫲。當年(1997)我好記得,在心光工作還未夠一年,但係時常很晚才放工(相比起在嶺南的年代)。
suklaic 發表在 痞客邦 留言(1) 人氣()
以前我好鐘意改卷, 因為一到改卷時刻, 就即是話係一個學期的結束, 又可以放假了. 不過今個學期唔知自己做乜嘢, 一見到D點字就好眼訓, 完全唔想改, 仲有少少想去逃避添!
suklaic 發表在 痞客邦 留言(0) 人氣()
今日要返夜,明天一早返早,因為心光水運會,怕自己唔夠體力,點頂得順?!
suklaic 發表在 痞客邦 留言(0) 人氣()
我咪學人整個廣告係個blog到的,今天開嚟睇,原來都只係得少少,幾時先可以好似別人咁,名利雙收呢?
suklaic 發表在 痞客邦 留言(0) 人氣()
今日係我個blog的一歲生日, 唔經唔覺自己都寫咗日記一年. 初初就無咁勸力, 但係後來開始學人完blog pet後, 就日日都會寫一兩句, 為的是它可以有糧食.
suklaic 發表在 痞客邦 留言(0) 人氣()
一直以來,我都好怕俾別人見到我“手字”,真的醜得不能見人。自從會打中文後,就真的以電腦代手,少少嘢都要用電腦打!見到教中文的同事們,手字真的好靚,無乜必要都唔會俾人睇到自己的字!
不過讀咗兩年半bu,就會開始無咁自卑。因為全部教我中文的講師們,佢哋“手字”同我的有得fight。真的唔知係咪用白板的關係,連博士的講師,d字都真的好難睇。咁初初我都以為係男人先會係咁(我一向都認自己係男人頭),但係依家逢星期三的大課,個女講師的字認真係難睇中的難睇。唔係想唔抄筆記,而係都睇唔到,點抄啫!
所以我唔會再自卑啦!
suklaic 發表在 痞客邦 留言(0) 人氣()
昨晚唔知做乜鬼,做功課到十一點,然後上床諗住訓,點知係床到係咁look,訓唔著!成十二點都訓唔著,又唔想起身做功課,就係咁喺張床到諗嘢,諗諗下就訓咗。不過成晚都係咁醒下,又訓下!未有卓希前,我都已經有依個毛病,就係逢星期日晚都會有少少訓唔著,係怕星期一唔知醒,又怕自己訓得少無精神。不過有咗卓希後,由於太過體力勞動,所以好似無咗依個問題好耐。但係昨晚又嚟過,真係煩!
放咗兩日病假,返到辦公室,一睇,嚇c我,成張大枱面都係嘢!(唔係誇張,我唔記得影相咋!)直頭做到我傻,兩日無返啫,邊有咁多嘢跟呀?我都已經拿了少少返屋企做,如果唔係就真的今晚都無得返學!講起返學,我今個星期勁囉,星期一、二、三都要返bu(星期一及三係大課,星期二係導修),跟著星期四晚要返夜。我同卓希爸話卓希就一定會唔認得我囉!(都唔知自己的體力頂唔頂得順!所以今晚上咗一半就溜了返屋企,三晚內只有今晚的大課走得甩!)
好!要繼續做功課啦!努力,加油!
suklaic 發表在 痞客邦 留言(0) 人氣()
今早一打開部電腦,就見到瀏覽的人數已經九千幾,應該今日會逹到一萬,唔該,邊個見到個數字係一萬的話,幫我cap咗然後send嚟給我y!謝謝!
suklaic@hotmail.com
唏!今晚一開電腦,就自己睇到啦!剛好一萬個人瀏覽過,多謝哂各位!
p.s. 多謝楊sir的學生mandy,係我努力upload緊個數目時就收到你的e-mail,真的謝謝你!
suklaic 發表在 痞客邦 留言(2) 人氣()
終於到咗這一天,係芳ee的last day。芳ee超唔捨得卓希,一早就係咁攬住佢,去街又係咁抱住(卓希就超爽,唔使行)!
係星期一已經同芳ee約定,話今晚會請佢食飯,本來我係想請佢食korean bbq的,不過我哋咐近真的無,所以只好又係稻香。
回想起芳ee係2005年5月1 日嚟我地屋企到做的,到今天剛好是兩年零一個月。佢真係好錫卓希,最衰就係佢有時唔聽話,又唔過夜,所以如果我哋要多個小朋友的話,真的會攪唔點。只好短痛不如長痛,就咁決定!
(2005年5月1日芳ee第一日上工) (2007年6月1日芳ee的last day)
suklaic 發表在 痞客邦 留言(0) 人氣()
(明報訊)荃灣德士古道一座工業大廈發生3級火警,27歲消防員黃家熙殉職,10人受傷,包括6名消防員。現場是德士古道126至140號一座工業大廈6樓一間電鍍廠,火警在昨晚十一時五十三分發生,於今日凌晨十二時十九分升為3級。消防出動4條消防喉及4隊煙帽隊灌救,在凌晨四時十七分將火救熄。7名消防員在救火期間受傷。其中27歲消防員黃家熙與45歲姓錢的消防隊目送仁濟醫院救治,但黃家熙於1時33分證實死亡,姓錢的消防隊目則被送到深切治療部,情況危殆。另外5名消防員被送到瑪嘉烈醫院,其中3人已出院。
消防處長郭晶強凌晨到醫院探望傷者,他對於黃家熙殉職表示心情沉重,並向黃家熙的家遺致以深切慰問。
二十七歲的消防員因救火而殉職,二十七歲的年輕生命,真的很可惜!
我相信他踏出家門踏進火場,也未必預測到這是最後一次,原來每天只要能安全地回家,這已是天父給予人們最大的恩賜,希望黃家熙先生能早日安息,而他的親友也能早日釋懷,並祈求受傷的消防員早日康復!
今晚終於要d-link的高級技術員嚟我家睇個ip cam,原來係自家的router出現問題,上次唔知邊個整時,關哂所有的port,咁咪出唔到街,哦!原來係咁!
suklaic 發表在 痞客邦 留言(0) 人氣()
帶咗重力力的notebook返工兩日,終於出哂卷啦!it同事好叻,可以係我部notebook到上到public,然後將我所要的files拉落嚟!可以專心整夏令營啦(工作係永遠都做唔完!所以planning好重要!)
今日星期二,不過晚上都要返學。以前係HKIED讀書時,都係星期二同星期四返學,跟著依家返BU後,大多都係星期一、三、五晚上返學。不過今個學期都特別好多啦,除了星期一及星期三返大課外,有幾堂係星期二上課的,所以真的好掛住個仔。
不過我醒,今晚返學都帶埋部notebook,因為早早已經check咗係五樓上堂。而五樓係成座樓唯一一層可以上到無線上網的,所以可以一路打日記,一路聽書。今晚個講師講的嘢都好容易明白,好彩!因為我今期讀古典文學,嗰d“之”“呼”“者”“也”,就一定係佢識我多過我識佢,所以明唔明係好重要的。
今冕講“屈原”所寫的《離騷》,嘩!認真多深字,和合本聖經都容易明過佢!依個屈原又係,寫d嘢都咁激動,有其他地方可以去,成日痴住個楚王做乜嘢?你當佢係寶,佢當你係草!一個人可以忠心,但係忠心得嚟都要個君主欣賞先有用,嗱!就好似屈原咁,君主唔欣賞佢時,佢又行為古古怪怪咁,表示自己同其他人唔同,唔會同流合污,咁個君主又點會理佢?
仲有呀,d楚國人唔知係咪好唔開心呢?成日都“兮、兮、兮”聲,係無意思的,只係每句都上去,讀到都唔順口。雖然唔係我讀,只係聽個講師讀,但係都聽到我心都煩。成日都“兮、兮、兮”聲,開心都俾佢攪到唔開心,呻都呻到所有樹葉都落哂!
不過我覺得最有意思係依句:「亦餘心之所善兮,雖九死其猶未悔。」
suklaic 發表在 痞客邦 留言(1) 人氣()
如果仲有惠康印花的話,可否給我呢?因為想係完結前再換多個血壓計!謝謝!
請send e-mail給我,我會給地址的:suklaic@hotmail.com
suklaic 發表在 痞客邦 留言(0) 人氣()
和我家的頑皮仔慶祝佢人生的第三個母親節,特別在於佢見到蛋糕就會唱“happy birthday to you”,然後自數1、2、3!跟著就一定要吹candles!
早上返教會,真的見到卓希大個咗好多,係崇拜將要完結時,牧師派一班小朋友負責送禮物給在塲的媽媽們,去年卓希都要我幫忙教他把禮物送出去。今年佢識得自己手拿著兩份禮物,一份給我,一份給教會的另一位媽媽。我真的很高興,可以看到卓希開始自立,不會成天都要痴住媽媽!就算現在返開心荳芽組時,一上到課室那層,卓希都會自動地去洗手,然後入課室,找個位置坐下,完全不用找媽媽幫忙的。所以每個星期六都咁辛苦,攰到cc下咁,都要帶佢返開心荳芽組,為的是可以幫他返學時鋪路。
suklaic 發表在 痞客邦 留言(0) 人氣()
唉!當知道新工人姐姐今個星期到後,個腦不停係到諗好多問題,最主要係我依家要照顧多一個人的起居飲食,煩!煩!煩!
近來由於天氣轉的關係,我的濕疹又出現,所以迷上咗食龜苓膏:
龜苓膏的資料:
成份
所謂龜苓膏,「龜」和「苓」分別是指所用的藥材「龜板」和「土茯
苓」,兩者都是龜苓膏的重點藥材成份。龜苓膏即是由多種藥材加以熬製
後凝固而成的保健食物。
所謂膏,據李南醫師所解釋,即「是以藥物,食物為主,給特定配方
加工熬製凝結而成固體的保健產品。」
- 功效
龜苓膏不是仙丹,不會吃一兩盅就見效,但作為
養生健體的食療,龜苓膏的藥用功效不容置疑,連食家蔡瀾
也贈恭和堂一幅「以美味健身」的字。
1. 延年益壽
龜苓膏的主要材料是龜及土茯苓,兩者都是長壽之物。相傳,龜苓膏
是清朝太醫研製出來的一項養生保健良藥,專給皇帝、后
妃等享用,以調理身體達養生之效。據講,有「十全老
人」之稱的乾隆皇帝就每日吃一盅龜苓膏,如此,龜苓
膏一向被視為延年益壽之良藥。
2. 解毒良藥
由於龜苓龜主要材料之一的龜板有解毒的功效,是故吃龜苓膏
能有效排清身體內的毒素,簡單的如對我們臉上的暗瘡也有一定的
效用。
3. 增強抵抗力
龜苓膏的主要材料之一土茯苓,一向都被修道之士或講究養生的人視
作長壽之藥材,因為土茯苓有增強抵抗力的妙效,常吃可保青春。古書
記載,土茯苓是仙人膳食之一,武當山懂醫學的人製長生丸時亦以土茯苓
為主要材料。而西遊記中亦有仙人吃土茯苓的記載。
總括而言,龜苓膏有清熱解毒,去濕通便調理腸胃,促進新陳代謝之
效,並有滋陰養顏護膚及醫治皮膚濕疹痕癢和梅毒性病等功效。
製作龜苓膏,以金錢龜膏藥效最佳,但繼金錢龜被列入受保護動物之
後,由於貨源問題,金錢龜被藥製龜板取代,所謂藥製,即是事先將龜板
加以藥材浸泡過,以達到金錢龜之效用。
- 甜苦的疑惑︰苦口始終良藥
最初的龜苓膏絕對是苦口良藥,製作過程中沒有加糖,亦不會附設糖
水。後來因應顧客的要求,現代的龜苓膏有的在製作過程中已加片糖,有
的更附設以片糖及白糖煮成的糖漿,其中以糖漿較正氣,清潤之外,亦較
容易控製食糖的份量。記住︰糖份加得多,藥效就會相應減低。
suklaic 發表在 痞客邦 留言(0) 人氣()