話說我這幾天被痔瘡攪到個人好忟，痛到入心入肺，所以今日樓下的洪醫生又打給我問我情況時，我都忍唔住，話要食藥啦！
但係食藥的後果就係無得餵人奶住，要食三天藥，但係就無得餵四天人奶。我好唔捨得，自己好唔容易先上到奶，咁又要唔餵幾日。最慘就係一谷奶就要pump出嚟，如果妹妹啜的話，一定食到好多，但係要我就咁pump出嚟的話，就真的唔係好得。所以我好擔心四天之後的奶量會否又唔夠妹妹食呢？唉！做人亞媽就連餵人奶好似咁少的事，都做得唔係好點，有點兒覺得自己無乜用！
suklaic 發表在 痞客邦 留言(1) 人氣()
我家屋苑正在做大維修，今天我家成日無水，其實上星期已經知道了，也預告給姐姐知。為免儲唔夠水，我昨天已打給陪月ee，問佢今日要做甚麼菜，等我好叫姐姐昨天買定同洗定，那今天便不用那麼多水。
點知我家姐姐真的睇少是次無水日，一早仲懶懶閒咁做嘢，我要係咁催促佢做哂所有要用水的嘢先。佢仲唔知c，係咁慢慢嚟，點知依個時候卓希醋又鬼咁多嘢問，問嚟問去仲係同一個問題，我答咗後佢仲問，把鬼火就大大聲咁話卓希先，然後就係姐姐。大罵完後，我成個人都頭暈，氣到我火c咁！
下午我又再問姐姐，到底明唔明點解我咁嬲，佢仲笑笑口咁唔答我，我話你今日就會親身經歷無水的苦處(我心想，仲要係我第一天的坐月添)。到晚上佢終於知道味道了，就係鬼c咁多嘢要做同洗，我都無氣話佢，成日都講一套做一套，我今日話等我放長雙眼睇下你有無做先！唉！星期三又會無水啦！
另外，天開始有谷奶的感覺啦！嘩！痛到我好想大喊，陪月ee係咁幫我用機pump出嚟，餵俾妹妹食。晚上我自己又pump，每次兩邊加起來都有成一安半，相比起以前有卓希時，已經覺得自己好叻女，好啦！又要pump奶去！
註：昨天晚上我和妹妹只睡得三小時，今天無水日家裏很亂，都無乜點休息，所以雙腳腫到成隻豬腳咁！好攰！
不過個心好想寫番生產日記，都係留待明天先！
suklaic 發表在 痞客邦 留言(3) 人氣()
乜我個肚真係咁好食又好住？有卓希時，佢滿咗40週都未出嚟，要催生，依家老二又就快40週，點知佢又係未出嚟，也許又要催生啦！
今日去東區醫院覆診，本來醫生要我等多一星期就要催生，但係佢一問我由上星期出院後到今日的情況時，佢就話要催生啦！因為由上星期出醫後，我一直都日日有流啡，不過係無痛又無其他嘢，所以我一d都無理到佢。不過醫生話依d不知名的流啡都要小心，所以排咗期今個星期五入院催生！
唉！我心情真的有點兒復雜！上次生卓希時，醫生一話可以催生，就擔粗粗咁去生啦！點知原來催生係比起有動靜痛好多個鐘，上次生卓希時，痛咗十四個鐘，痛到我卓希出咗世我都無力水去抱佢，仲哮喘病發作！今次一諗起又要催生，那漫長的時間，我就驚驚！我好想好似其他bk的媽媽咁，有動靜才入院，好多個四月懷第二胎的媽媽都係由痛到生只係兩小時，我唔知幾想！但係.................
另一個都想催生的原因係，如果係今個星期五，卓希爸可以陪到我，因為係清明節假期！我時都擔心佢返緊工時我就作動，跟著就要自己一個人攞住兩個“走佬袋”搭的士去醫院，佢點都會直接由學校飛的去醫院的啦，點會返嚟接我先呢？
心情好復雜，有無人可以俾下意見我呢？
同卓希爸講過我內心的感受，佢話咁不如唔好去催生啦，因為佢當初都無諗到我有咁的感受。我當初都無，只不過當我楂車返嚟屋企時，諗番起上次生卓希時的情境時，就怕怕！但係依家已經book好哂醫院，無得轉彎的啦！(因為如果唔催生，下星期要去覆診，但係我都無再預約到)
點算呢？點算呢？點算呢？請為我代禱，求天父係我要催生之前的日子有動靜咁生老二出嚟，而唔使催生啦！
跟蹤
話說今日覆診係下午二時，不過我十一時半就出咗去，因為我唔想卓希豬見到我然後lur話要陪我去！而且想去睇卓希豬搭校車的情況，原來依隻豬仔係學校識好多嘢的，不過係屋企唔肯做，咁解！
我先先去到佢課室外觀察佢，然後大約十一時五十分，校車ee就嚟接嗰d搭校車的小朋友。跟著叫埋高班嗰d哥哥姐姐，就一齊由另一個出口行去校巴處！我係好遠的地方，用相機zoom埋去，先影到以下幾張相，睇見卓希咁乖，真的唔似佢平時係屋企的樣，所以我全程都係咁笑！係咪傻媽媽呢？
出學校門口時的情況
跟著隊去搭校車
suklaic 發表在 痞客邦 留言(4) 人氣()
唉！昨晚真係無覺好訓，依家老二好重，晚上我都要去幾次洗手間。以下係我昨晚的時間表：
12:30am 起床去洗手間
01:30am 卓希豬嚟大床到訓
至
03:00am 卓希豬不停咁轉身，fu被，又係咁踢
04:30am 起床去洗手間
05:30am 起床去洗手間
06:15am 起床返工
一晚醒成五次，攰到我不得了！好想快d到週未，可以日頭係屋企休息吓！(←阿楊太，昨天才放完假，今日係星期一，咁快又想到週未？)
suklaic 發表在 痞客邦 留言(0) 人氣()
我昨天晚上同姐姐講，叫佢今日星期六就放假，佢話以為15號，我話怕老二隨時出世，到時無得放佢。點知佢細細聲話無錢，我一於當自己聽唔到，都唔知做乜鬼，成日都話自己無錢，之但係又出陪咁貴的手機，我唔理佢！雖然佢係每月九號就出糧，不過我唔會早一日出俾佢(又唔見我個老細會早d出糧俾我？)，因為佢近日的表現真的係無心戀戰咁！
唉！晚上返到嚟，又黑面，我哋一家人都唔理佢，有時放完假返嚟就HIGH到不得了，今次就係咁黑面。我好心問吓佢，有無打返屋企，佢又話無錢，$20一張電話咭都可以傾成半小時，咁都會又無錢？真的K怪！
suklaic 發表在 痞客邦 留言(1) 人氣()
自從開始由HKIED讀書以來，到今天在BU，從未以此趕過功課！我每次都會在最少一個月前已經找資料及開始做，為免和別人爭借書，但，但，但，今次..........唉！今天是星期一，但星期三便要交一份四千五百字的功課，上星期六把前部份亂做一通，今晚便要改、改、改，及把後半部份“嘔”到出來！好攰！好想大哭！
繼續努力做功課中！
後記：到半夜十二時(已是我的極限，眼都就快張不開)，已經改完又改，寫了四千三百字，明晚會繼續去修改，務求盡量做到好似好“完美”！(希望講師收貨啦！合格我都願！)
suklaic 發表在 痞客邦 留言(0) 人氣()
話說我依家日日早上返工之前都會收起姐姐的電話，以防佢係屋企煲電話粥。
今日我個仔返咗學之後，我就快要去上堂的時候，就上咗個ip cam到睇姐姐做嘢，也許佢唔知我個ip cam係收到音的，我聽到佢係到講緊電話。咁我就打返屋企，平時如果響咗五次之後無人接就會接到去fax機，但係響咗五次後仲響，我就好肯定佢係房到講電話。係cam到睇到佢講完，打返去問點解無人接，佢話佢肚痛，去咗洗手間到大大(我明明睇住佢)，跟著我再問多佢兩次，係咪真的，佢話係！
唉！我都唔知點教佢，好煩呀！
我原先諗住今晚返屋企後，係屋企電話到抄返佢今日打過的電話號碼，然後問佢依個係邊嗰的電話。不過返到屋企，check到佢係用calling card嚟打長途電話。卓希爸話唔好話佢住，靜觀其變，但係我係一個直腸宜肚的人，點忍得住？之但係卓希爸又講得啱，個仔係佢手上，一日十幾個鐘，點算？
當我正在內心祈禱，問天父應怎樣做之事，便收到一位同事的來電，和她傾了差不多一小時，所有的話題都係關於我。我的顧慮，我的思想與擔憂(包括工作與家庭)，當去到最後時，這位同事便以鼓勵的口吻叫我放擔去，咁我就真的同姐姐傾。
真的感謝神，如果唔係依位同事打給我，同我分享的話，也許我會聽卓希爸話靜觀其變。但原來我同姐姐傾的同時，係完全無丙佢的火藥味係到，初初只係解釋俾佢知點解我哋一定要收起佢的電話，怕佢係咁掛住講電話。然後就要佢回想一下，我哋一家人點樣對佢，佢都會覺得我哋對佢好。所以我便鼓勵佢，一家人就唔應該講大話。跟著佢就話我知，係佢哥哥叫佢出依部電話，又問我星期六可否外出幾小時，要寄多少少錢回印尼，因為佢爸爸病了。我就同佢話，咁咪好囉，你肯同我講，咁我知係的情況，唔使係咁瞎子摸大象咁亂咁猜。我係咁問佢仲有無嘢要同我講，佢點都話無，好！今次我唔拆穿佢，不過已經mark底哂ｄ時間及她傾過的電話號碼，有機會時會用作證據！唉！真係煩！
suklaic 發表在 痞客邦 留言(2) 人氣()
今日一早，我就同卓希及tun姐姐去咗油塘，為左就係去卓希契媽家拜年。話就係話拜年，但係其實想小朋友們一齊玩下，而且又可以給tun姐姐介紹另一個好的印印姐姐。卓希的契哥就好想同卓希玩，不過大家真的相差成三年幾，玩的方法同東西都唔同，所以到最後都係同契妹玩！
講起tun姐姐，真的被佢激c，俾我知佢開始唔老實，俾咗幾次幾會佢講真話，都唔講，所以今日下午我要同佢講清楚。上星期放假一早約咗奶奶的工人，問咗兩次又唔認，用walkman聽歌又唔認，要我叫佢拎俾我睇先得。仲有就係我唔知為乜，今早凌晨五點未夠就醒咗，跟著聽到tun姐姐六點十五分起身，點知就聽到電話聲。原來佢私下出咗部手提電話，我之前已經同佢講咗，如果佢出的話，就唔可以開工時用，同一定要話俾我知。點知佢兩樣都無做到，我下午問佢，早上好似聽到有電話聲，佢先笑笑口話自己出咗電話，我話：你唔話我知，佢話：遲d寄單嚟我都會知！唉！激c我啦！我立即好似教學生咁收咗佢的電話，話佢休息的時間(即是晚上)同佢放假的日子，我先會俾返佢，日頭佢開工的時間，我keep住佢！如果依家我嚴謹d，日後無好日子的一定係我，所以點都要做衰人咁話佢。仲有呀，我話鬼佢，用我哋的地址開電話咭都唔話我知，個地址係我哋的麻，點可以亂咁嚟？(←乜依家開電話sim咭，月費，唔使住址證明嗎？)
初初卓希爸都話我太嚴，不過晚上一俾返tun後，佢就不停咁send sms，又係到試電話，卓希爸先知我做得啱。咁如果依家唔整好d rules，第時我生完之後，只得tun同兩個小朋友係屋企，佢一日到黑掛住sms或講電話，點會照顧得好兩小子？都唔知佢出部電話嚟做乜？一日到黑都會係屋企，到時老二出咗世後，我唔會俾佢一個人帶著兩個落公園玩的啦，佢點睇得到？總之我就要睇緊d啦！
suklaic 發表在 痞客邦 留言(1) 人氣()
昨晚天氣已經凍冰冰，我便誇下海口，跟卓希豬話今晚“打邊爐”。今早打給bu的同學仔，她話一定一定會幫我簽到名，所以今晚便大安旨意咁返屋企“打邊爐”。點知仲有五分鐘就收點名簿時，同學仔先打電話給我，話好塞車，返唔到bu。當時我已“嬲”，嬲佢已經第二次誇下海口話一定簽到，嬲自己咁懶，返去簽個名都唔去。我已經無咗兩次qouta啦，再係咁，臨生時點算？求人不如求己，下次點都自己返去簽個名先，仲俾卓希爸串我。因為之前幾次都係我幫同學仔簽名，但係到同學仔要幫我時就係一定唔成功。
今晚已經心情唔靚啦，卓希爸仲衰多口，話我成日一開口就“鬧人”。咁佢又唔諗下點解我會“鬧”，成日係咁縱個仔，令到個仔咁鬼難教。如果個仔唔聽佢話，又會係個仔面前到話“媽媽鬧的”，整到我個形象就係一定會“鬧”。你估我想的咩？我夠想好似其他女人咁小鳥依人，又溫柔，又賢淑，咁你都要同我配合先得架！所以佢一咁講後，我一句都無理到佢。“嬲”！
suklaic 發表在 痞客邦 留言(0) 人氣()
我哋兩公婆對食的要求都係好求其的人，未有卓希前，我比較“咀尖”，所以都要求自己煮飯有一定水準，如果唔係唔好煮好過。卓希爸就求其有兩碗飯落肚就可以了，我煮過咁耐飯，佢都無一餐話“好食”又或者“唔好食”。
之但係我家的工人姐姐煮飯真的無乜心意，成日煮嚟煮去都係嗰幾味，試過一星期煮兩次蒸排骨，食到我都忍唔住口要話佢。好啦！聖誕假期我無咁唔舒服，就成日教佢煮嘢食，教佢有唔同的配合的菜式。
點知今晚一返到屋企，見到飯枱的餸，又係蒸排骨？我今次真的忍忍忍忍唔住口，同佢講，乜屋企無其他餸咩？佢話有，咁我話點解又係蒸排骨？我食到好悶。
上星期六我已預告姐姐知，星期日去買餸前要佢睇咗個D煮餸書(我預備好的)，然後去到佢負責攞，我負責俾錢，點知！點知！點知！又係咁，嬲到我面黑黑。
所以我要佢明天去同嫲嫲一齊買餸，點咗兩樣菜(我攰到C，仲要我用腦去諗，真的找C！)唉！再係咁落去，我要餐餐落街食先得啦！
suklaic 發表在 痞客邦 留言(0) 人氣()
今次係楊卓希連工人tun姐姐都給我“丙”。一早起身，卓希豬的天下第一督，成日都係片片到攪點，唔肯去洗手間，好啦！今日又係咁，晨早六點半，又懶濕哂佢自己成張床。簡直臭到嘔，要同佢去洗手間到整乾淨，依個tun姐姐都唔知係洗手間攪乜，成日一早就係洗手間到好耐都唔出嚟，連平日我哋返工，佢都係洗手間到好耐先出嚟，人哋要趕返工的麻(要“丙”)。今早要同卓希豬換哂所有衫時，又找唔到嗰件好重要的底衫，我忍唔住knock on the door，問工人姐姐到底件衫係邊到？佢找咗好耐，先係洗衫籃到找到，咁多日都唔洗？(再“丙”)
跟著我粗身大細，自己去整理卓希豬的床，今次真係火都嚟，原來工人姐姐無鋪到尿墊，我立即問佢點解，佢話唔記得咗！(忍唔住，又“丙”)
我已經無乜耐性，已經唔夠訓啦，仲要忟憎咁“丙”佢。所以帶埋卓希同卓希爸出去公園到，陪我散心。(晨咁早八點幾就落樓去公園啦！)返到嚟屋企，休息咗一陣，就去卓希間學校到，有開放日同攤位遊戲。以前d咁的節目，我哋都會帶埋工人姐姐的，一來可以幫忙睇吓卓希豬，二來等佢都有機會出吓街，唔使好似好慘咁係屋企。但係我今日乜心情都無，唔帶佢。玩完攤位後，去德福到食少少嘢，就返屋企附近攞車，因為我要返工！
今日係心光校友聖誕崇拜及校友會聚會，劉姑娘走咗後，我都要幫一幫光龍。所以就帶埋卓希，今次就帶埋tun姐姐一齊啦，點知又俾我“丙”！
事緣我猜卓希跟我返到工後，都會無乜時間訓覺，便叫佢在車到訓。咁個仔好難得先訓咗，去到心光，泊好車後，我係到找個太陽擋(之前d同事坐過我車，唔知飛咗去邊)，咁終於係車尾到見到。我都已經自己下車去拎，工人姐姐就申手去拎，然後就大大聲咁話：「楊太，係依到！」唉！咁樣又吵醒咗卓希豬，佢只係訓咗二十分鐘咋！我立即“丙”姐姐，成日都咁大聲講嘢，都唔分乜嘢時間同乜嘢情況。(有時係崇拜或夏令營的聚會都係咁，仲大聲過d講員)。一d都唔細心，只顧自己！
跟著到茶點時，我只係拎水給卓希豬飲，佢唔想要，就鬆咗手，當時我睇唔到事情係點樣發生的，但係工人姐姐就一d都無伸出援手到接住隻杯。兩個都俾我“丙”，卓希就立即被罰坐定定，唔准落地，又唔准換褲，要自己忍受濕立立的感覺。姐姐？我一路都無彩佢，返到屋企，我同卓希爸話唔使佢煮飯，我唔想再死細胞，要出街食，不過一句都無同工人姐姐講嘢，佢近來真的很離普，成日發夢，都唔知佢想點，做嘢又唔細心又無乜心機！所以真的要“丙”！
晚上，我都忍唔住，同tun姐姐三口六面講清楚。問佢點解近來咁的表現？係咪掛住屋企？(我成日都同佢講，如果佢掛住屋企，可以用calling card係我哋屋企到打返去印尼)佢乜都話唔係，跟著我就逐樣數，佢臉有難色，但係唔講的話，日後我會仲死好多細胞的，所以一定要攪清楚佢！好啦！佢話無嘢，咁我就放長雙眼，睇吓佢日後的表現會否有進步！
suklaic 發表在 痞客邦 留言(2) 人氣()
今晚打電話返屋企，tun姐姐話卓希懶咗尿係大床，仲係懶尿落我哋張被到，係羽絨被！嘩！嬲到我呀！張羽絨被我用咗成十幾年啦，保養得不知幾好，真係唔知佢兩個係屋企攪乜嘢。依隻豬仔又係，成日叫佢去洗手間痾尿，又話唔痾唔痾，點知去都洗手間就次次都一定有貨。亞tun又係，又成日唔自動地帶佢去洗手間，都唔知係屋企做乜？
我嬲到c啦
，卓希爸仲話我煩，話唔痾都痾咗，咁咪明天買過張！咁我今晚用乜呀？我無其他被啦！邊個俾錢買呀？係邊到買呀？要點買呀？成日係我的煩忙中加多咁多工作，係咪想我快d死啫！真係激c我啦！
第二天早上的後記：問過tun姐姐，佢話只係濕咗一小範圍，仲只係張被袋，所以我決定唔使買住。不過對佢兩個係屋企有咁的表現都好不滿！卓希仲俾我罰坐naughty chair！
suklaic 發表在 痞客邦 留言(3) 人氣()
我個鼻真係仲利害過天文台，今日下午開始，已經不停咁流鼻水。唉！一轉天氣，我個鼻就嚟料，真係煩到不得了！
suklaic 發表在 痞客邦 留言(0) 人氣()
今日返工啦，雖然今日的堂數少，但係有好多paper work，真係做極都做唔完。仲有就係仲要攪番上星期院長攪禍的爛攤子，心光學校，老人院，恩望，週圍走。
卓希無事啦，只係昨天晚上痾一次咋，好彩！
嗯！好攰，休息先！
我的煩租戶又打來，好彩，真的好好彩，次次我都聽唔到電話聲，所以佢哋只可以留言。如果我真的接到他們的電話，血壓真的會係咁升！(上次都係咁升)先先就係好鬼無禮貌的x太，原來個熱水爐的風扇壞咗，佢哋未問過我哋就自把自為咁打咗去叫師傅嚟報價，又話整要成$800。我未覆佢住，先先找咗agent問清楚，係咪要我哋負責，agent話係，但係我唔想同佢哋直接傾，因為佢哋真的令我好失望，我怕自己會火山爆發。所以個agent都好好人，佢話等佢負責同佢哋傾。點知係我星期一晚返緊學的時候，嗰x先生自行由佢出面再打電話給我，又話依家無熱水沖涼。唔好話我黑心，上帝真係好公平，你點樣對人，神一定會係另一方面罰的。咁我就請agent小姐快些打給他們，不過agent小姐未打之前，星期二x先生又打嚟，真的好奇妙，佢哋次次打嚟，我都聽唔到電話聲。X先生今次講到好威脅性，就算我唔覆，佢哋都會整，而且會係今次的租到扣，希望唔係我唔聽佢電話。咁我梗係崔個agent姐姐打給他啦！
所以我哋已經決定，年半後唔再租給他們，就算平平地租俾熟人都唔會租俾佢哋。Agent姐姐聽咗我之前所講的情況，及x太的態度後，佢都話個x太的態度由找屋到簽所有嘢時都係好差的，不過x先生係ok的。佢叫我明年三月就可以唔再租給他們，但係到時好近老二出世，我唔想係嗰段時間攪d咁的嘢，所以就租埋生約嗰年啦！
suklaic 發表在 痞客邦 留言(0) 人氣()
數數手指及腳指，自己教學都超過十年，不過最無成功感就係今年！
話說教咗咁多年聖經，都儲咗好多教材，同不少的經驗。但係教今年的小一，真的無成功感可言！最少人就係今年嗰班，得四個，不過四個都有佢哋的特別之處。一個中文唔叻，有時識聽又有時唔識聽；一個係唔俾反應我，又唔肯出聲；一個同佢溝通唔到，佢只係自己的世界到，仲係超多口水；一個聽前面之後，就好似錄音機咁講返你所講的十份一。
唉！每次上佢哋堂就好似打扙咁，今天我仲預備咗手套上堂，預備同佢哋“連過”。攪得課室的秩序嚟，又要授課，一堂三十五分鐘，有成一半係要教他們秩序；一半講課，不過他們的吸收力真的很弱。
天父！求祢教導我應怎樣教他們吧！
suklaic 發表在 痞客邦 留言(0) 人氣()
今日下午在返工的途中，收到我哋租客的電話，話我又有信，會放係舊屋的看更到。我表示，自己近來有身孕，能否幫幫忙拿來我們的座數呢？因為我真的無時間行過去舊屋嗰邊，咁租客先生話可以。點知無幾耐，佢又打過嚟，今次要佢的太太和我傾，佢太太話佢哋返工都好攰，要佢哋行到嚟我的座數會唔方便！我開始生氣啦，當初租屋給他們時，我表示還有很多信件未轉到地址，他們自己立即話可以拿來我們的座數，而家我粗身大細，仲要帶著卓希，又要返工，又要返學，我邊有時間。依個租戶太太仲話叫卓希爸去攞信，有無攪錯，吩咐我哋做嘢？當初我哋都話未整好間屋，唔租住，係邊個係咁話ok ok，一定要租！
仲有呀，佢太太今日話我哋開的收據佢claim唔到錢，又話唔係要依種單，話書局有得買，又話佢哋開俾其他人的都有寫得好details。嘩！阿x太阿！我哋都係第一次租屋出去，你要單據時我哋立即一有時間就去買成本單據薄，依家你又要咁，又要咁，係咪超煩！我話過，如果佢再係咁煩時，又唔合作，我一定唔會再租俾佢！仲係讀緊master的神學，一點幫助人的心都無！
P.S.依個租戶太今晚仲打過電話嚟，d語氣串到不得了(幸好我聽唔到電話聲，係留言)，連卓希爸都話：我哋唔好去拎信，咁其實嗰d信係我哋真的改唔到地址住，又申請咗郵政局的轉寄的漏網之魚。所以一d都唔重要，唔拎都得。咁串，第時點做傳道人的老婆呀？？？d態度太過差，我哋又唔係等著佢的租金嚟開飯，有就會鬆動d，無都無乜大不了。之前佢一話間屋有乜唔點，我哋都立刻去打點，連佢入咗伙後，洗手間燈我哋都包整埋佢。啍！煩到我又激親我，就係咁，我哋兩已經決定年半後唔會再租俾佢哋！！！本來以為係基督徒，又係神學生，應該態度會好好的，點知仲會衰過d非基督徒，一d都無好的見證！！！
suklaic 發表在 痞客邦 留言(0) 人氣()
卓希昨晚睡得不好，凌晨三點已經要走過嚟大床，跟著就喺咁扭依又扭路，凌晨五點半仲醒埋添！！！！跟著卓希爸就發現佢有少少“熱”，我便幫他探熱，一探便是100.6，唉！又燒過！！！
快快的給他退燒藥，又陪他上床“休息”，自己下午返到工後都已經無哂力，而且今日係星期四，超多工作要跟進，所以係咁做，係咁做！！！
今日終於肯攞條托腹帶出嚟用，第二胎真係快見肚，行路成日要就住，因為個肚好似LONG下LONG下咁。今日一用返條托腹帶，行路都快過人，唔使再就住就住咁！
楊卓希，加油，快D好番！！！
suklaic 發表在 痞客邦 留言(2) 人氣()
今晚返緊學的時候，我用sms同卓希爸溝通。
卓希媽：好悶呀！(意思係個講師講得好悶！)
卓希爸：玩新火車，好好玩！
卓希媽：邊到有新火車？
卓希爸：哈哈哈，bb個衰爸有新火車。
當時我都唔為意佢講緊乜，點知一返到屋企，一入屋，我就登大隻眼望住佢兩父子，原來卓希爸自己走咗去玩具反x城到買thomas火車俾個仔。無啦啦又買玩具？縱壞哂！
suklaic 發表在 痞客邦 留言(0) 人氣()
今日條腰超痛, 連行步路都痛到cc下. 唉!咁幾時到生呀!!!!
suklaic 發表在 痞客邦 留言(0) 人氣()
嗰個正一衰中旅社, 係網到又唔講清楚要帶d乜嘢文件, 等我次次去都都係差一樣先做到.
suklaic 發表在 痞客邦 留言(0) 人氣()
廚藝“棒” (5)
