目前分類：靚太好勞氣 (101)

瀏覽方式： 標題列表 簡短摘要
唔知係咪昨天隔離屋係咁裝修，嘈到拆天，攪到我今天的情緒好底落！個腦係咁仲有昨天轉嘢的聲，胸口悶到C！連卓希爸開收音機，卓希的喊聲，我都快頂唔住，要走落街。不過都唔好得去邊，去德福的郵局時，覺得身邊好多人，好嘈，好想快D逃離依個環境！唉！我真係需要轉換下環境，义下電先得！

suklaic 發表在 痞客邦 留言(0) 人氣()

▲top
  • Aug 08 Wed 2007 19:28

  • 帕布

唉! 早唔打, 遲唔打, 依個時候嚟打風, 有無攪錯!!!!!!!!
(繼續閱讀...)

suklaic 發表在 痞客邦 留言(0) 人氣()

▲top
話說我自己兩星期前就申請返個回鄉證，當時已經夠蠢，無一早幫卓希預約。咁今日我可以攞返證件時，就一早幫卓希係網上預約咗今日申請回鄉證。
(繼續閱讀...)

suklaic 發表在 痞客邦 留言(0) 人氣()

▲top
  • Jul 24 Tue 2007 22:34

  • 煩躁

唉！今日個人好煩躁，好多人都係咁問今天報紙的問題，我都一一答：「唔知」，唔想煩，唔想講錯嘢，係會害咗個同事的！
(繼續閱讀...)

suklaic 發表在 痞客邦 留言(0) 人氣()

▲top
昨晚我都無訓過，最後一次睇鐘係凌晨三點幾，跟著早上六點前，仲早過姐姐就起醒咗，但係就唔想起身！
(繼續閱讀...)

suklaic 發表在 痞客邦 留言(0) 人氣()

▲top
  • Jul 22 Sun 2007 22:01

  • shock

點會咁?????

到底依個世界發生緊乜嘢事??????

人的善良到了那裏???????

我真的無話可說!!!!!!!!!!!!!!!!!!!!(完全係震驚!!!!!!)

suklaic 發表在 痞客邦 留言(0) 人氣()

▲top
依個holiday inn, 係佢的網到又話有房, 但係我親手申請時, 又話無位!
(繼續閱讀...)

suklaic 發表在 痞客邦 留言(0) 人氣()

▲top
今晚收到東x遊的電話，佢哋話幫我book唔到holiday inn呀！要我轉過間酒店，咁好啦！返嚟屋企先上網到睇，點知一堆酒店，我就係揀唔落手！
(繼續閱讀...)

suklaic 發表在 痞客邦 留言(0) 人氣()

▲top
今日本來返十二點, 不過因為心裏記掛著工作, 所以十一時就已經返到心光. 係咁不停咁做, 到晚上團契惜別會之後的檢討會時, 就覺得背脊又開始有少少痛, 希望唔好覆發啦!!!!(個心仲俾老細激到唔開心!)

suklaic 發表在 痞客邦 留言(0) 人氣()

▲top
唉! 我真的要對電腦投降.
(繼續閱讀...)

suklaic 發表在 痞客邦 留言(0) 人氣()

▲top
  • Jun 26 Tue 2007 22:00

  • 無奈

唉!做嘢做到好無奈, 好無癮.
(繼續閱讀...)

suklaic 發表在 痞客邦 留言(0) 人氣()

▲top
沒有了工作電腦的日子，第八天！(係咪似曾相識呢？溏心效應！)

早上返工，第一時間就係攞自己部notebook出嚟，睇下可唔可以睇到個ip cam，果然係無問題！當時係超開心！

但係到咗lunch的時間，終於可以有時間睇時，又上唔到！  當時真的好火滾！打電話問上星期的d-link技工，佢哋話應該係我的router問題，因為上星期佢哋嚟整的時候，個router都斷咗幾次線！唉！咁我又知，因為之前自己都試過幾次係咁，用用下notebook，佢自己斷咗線。但係我又唔想買過個router(upgrade版)，唔係錢的問題，而係又要從新set過哂所有的settings！我自己都唔識set，全部都係個it同事又或者上星期個d-link技工幫我做的，我只係識用電腦，而唔識set電腦！總之就係煩！煩！煩！依家只好做得一日時就得一，到真的唔得時先至換！

suklaic 發表在 痞客邦 留言(0) 人氣()

▲top
一句講哂，豬仔希同卓希爸，兩個都係大小不良。細的就話乜都唔識啫，大的成日都偏幫住，又唔同我合作，總知就會有一日俾佢哋兩個激到c！(我近來成日頭暈又頭痛，都唔知係咪俾佢哋淚得多！)

suklaic 發表在 痞客邦 留言(0) 人氣()

▲top
由於要做功課的關係，今天lunch，我去了香港仔的圖書館到找書同還一本借錯咗的書。一去到香港仔，就去醫肚先，去咗judy介紹的“越棧”越式湯粉專門店，依間嘢的服務態度真的差到不得了。

我以前自己又或者會同學生去過，佢哋d服務態度好似人人都久咗佢哋咁。今日仲衰，話說我渣車落香港仔，如果有係香港仔商場消費多過一百元的單，就可以以半價泊車。咁我食完之後，就去埋單，問一問個女仔可唔可以俾張單給我泊車優惠用，佢居然話未開過一百元以上的單！講大話，之前係我左及右面都有成五至六人，我都聽到佢哋埋單都成百幾元，心裏仲諗，好囉，今次可以有單啦！(試過幾次自己去，佢都係話無單) 我火都嚟，唔忍啦！忍唔住話：「頭先座係我身邊兩座枱都有成百幾忟的單埋架！」跟著個女仔就嘴“妙妙”咁，唔出聲地reprint張單！

車！我又唔係要你請我食嘢，又唔係要你出錢，只係襟多幾個制reprint張單啫，又有幾辛苦呀？初初第一次係個店長唔俾，跟著依家個個都唔俾單，有無攪錯，佢哋的樣同服務態度就好似好輕視我咁，食三十多元的湯粉就要一張百幾元的單！！！啍！

返到心光，係網上找，誓要找到依間專門店的office電話，可惜找不到！只找到佢係黃埔的分店，打去問office的電話，個店長又八掛，係咁問我為何要打電話投訴。好！你咁想知就話你知啦，一五一十咁話俾佢知，原來佢哋老細啱啱走咗，如果唔係我可以親自同佢講！遲咗一步！(佢咁講，我咪咁信住先，起碼佢肯聽我講！)佢話逢星期一都會開分店店長會議，到時會提出嚟，又話好多謝我發表意見！

其實都唔係第一次的啦，我有時星期四留夜，都會自己走去食嘢，但係今次真的，明明聽到又睇到有單，咁都唔俾人，點會咁架！我唔知店長與店長之間係咪會有爭鬥，但起碼黃埔依個店長會聽我講，條氣都順d！

suklaic 發表在 痞客邦 留言(1) 人氣()

▲top

卓希都返咗幾次playgroup，全部大都係基督教服務處所舉辦的。所有的都係由我幫忙做co-ordinator，初初開班，我只係想做湊夠一班小朋友一起返幼潛，但係太多媽媽有興趣，又有媽媽早上要返工，所以我幫忙連下午班都做埋co-ordinator。

不過近來真的大頭佛！0502bb們參加完幼潛後，便開始進一步的開心荳芽組，其目的是：關注幼兒入學時的情緒表現，設有初班及高班，以有趣的活動引導幼兒適應分離，循序漸進地掌握學校學習模式，由初期需要父母陪同下遵從老師指示，直至不需陪同，初班適合滿2歲兒童參加，而高班參加者則必須年滿2歲9個月或曾參加初班活動。

咁乘接住以往，又係我做聯絡人，我哋又係包兩班。係我哋包班時，同基督教服務處逹成協議，每班只得十個小朋友，讓他們有多些活動空間，及不希望有不認識的bb加入。而每個bb都一定要參加stage 1的開心荳芽組先可以參加stage 2，因為stage 2係真的開始與父母有分離的情緒。上完stage 1都無問題，到上stage 2就問題多，個個都話要加入，有人又自己上去個form到填咗添，我都要晨住臉皮去post話無位。有媽媽又想佢哋d朋友的bb可以一齊參加，但真的無位，所以我一一都拒絕。

但係上星期六，另李鄭屋班的開心荳芽組居然多咗個b(我自己係大坑東組)，係我完全唔知情下，又有媽媽pm質疑我。我真的完全唔知發生乜事，今天打給基督教服務處時，就知道原來係有一個媽媽自己打電話去，話要同另一個小朋友一齊上兩點班，咁當時職員已經提點對方話兩點係包班，一定要得到所有媽媽的同意才可以。咁依個媽媽就話已經問咗，可以的了(依個媽媽的誠信有問題)。但係我一d都唔知，之前都有媽媽問過我可唔可以加入佢，但我都話唔可以。而且論waiting list，佢都係排第三嗰個。

我最嬲就係質疑我的誠信，識我的人都知係原則上我真的企得好硬，又點會咁容易被人加入？我真的唔想係bk到同那媽媽吵架，但係我心裏真的好似食咗一隻死貓咁！佢哋完全唔聽人講，講明要上stage 2就一定要完成stage 1，連stage 1都唔完成到又點可以上stage 2呢？另一方面，基督教服務處係處理依件事到都有問題，一路都有和我聯絡開，今次點會都唔問一下就加咗依個bb，仲係佢未上過stage 1的，行政失擋！煩！煩！煩！

好‧人‧難‧做！

suklaic 發表在 痞客邦 留言(0) 人氣()

▲top
今日真的唔係我的lucky day，早上係辦公室打打下心光110感恩崇拜的會議議程時，部電腦hang了，咁只好又開過機啦。點知開咗機之後，又打打下會議議程，又hang過，今次仲衰，出咗藍色畫面。快快的叫it同事來處理，佢哋話好似係個harddisk死咗，下！好彩，之前家樂仔叫我將所有files save係D到，咁我好聽佢話，所以今次係D到的files都仲有，不過個harddisk要formet過。不過it同事叫我唔好咁樂觀，因為個c:好似死得好嚴重，有排唔用得。唉！人返工，我返工，明天開始要自己帶埋部notebook返工，真係帖錢買難受。

無咗部電腦後，真的好似無咗雙手咁！要做文件時，就要走去mmlc到做，但係如果有人上堂時，就唔可以啦！煩！煩！煩！心光d電腦真的好鬼煩！

今晚開始讀bu的summe course啦，又開始一科新的科目，一睇到份功課，我就又頭痛，唉！六月中又要嘔一份三千字出嚟啦！

suklaic 發表在 痞客邦 留言(0) 人氣()

▲top
天氣一轉，d濕疹又嚟攪住我啦！好痕呀！
 
一早起身，雙手已經佈滿一粒粒的濕疹，然後返到工後，又發現隻腳都有啦！好痕呀！我最唔鐘意轉天氣，我d皮膚就會受罪啦，塊臉又一粒粒咁，肉酸c！

另一方面，濕疹一煩到我後，D灰甲菌又痕，所以放咗工後，快快到去超巿買支醋返嚟浸腳。依個方法係吉媽教我的，而係網上都找到一些有關醋的功效，真的好似好神奇咁。不過之前我都試過D腳浸過幾次醋，D灰甲好咗好多，無再侵食我咁多，仲好過醫生開的嗰D藥，早知係咁就唔使去睇幾百元的貴醫生啦！

浸完之後，D腳鬆哂，無痕啦！

suklaic 發表在 痞客邦 留言(0) 人氣()

▲top
同卓希及卓希爸出街真的好激氣，佳因一個鐘意抱住個仔，一個又鐘意被人抱。去一去街，可以由卓希爸全程抱住，我話佢哋咩！啍！個仔有佢爸爸係到，啋都唔啋我，個老公就有九百幾條理由係要抱住個仔。攪到我要做衰人咁分開佢哋，然後一手拉住卓希就咁就行。跟著個卓希爸就話我行得快，大老呀，唔行快d又怕你返轉頭搶個仔要抱。

返到屋企，就係我大訓話的時候，最初卓希見佢爸爸係到都唔想啋我，我見勢色唔對路，就帶佢去naughty chair到坐。佢一見到張naughty chair時，d眼淚就係咁標出嚟，我唔心軟，一定要佢坐下，訓示佢一餐先放佢走，仲要佢自己走去佢爸爸到，話以後去街都唔使爸爸抱！

依兩個姓楊的，遲早激死我搵山拜！

suklaic 發表在 痞客邦 留言(0) 人氣()

▲top
  • Apr 17 Tue 2007 15:36

  • 衰蚊

係咪搬錯屋？今天氣熱咗d，嘩！晚上真的好多蚊。昨天晚上臨訓前，我係咁用香薰驅蚊(我的強項)，卓希爸無表示，而且之前一晚又唔係咬佢，咁我就無幫到佢。點知昨晚我同卓希都無事，卓希爸就c火啦，雙腳成十幾粒“蚊爛”，痕到佢成晚話起身係咁搽白花油，我哋倆個就無事。
 
去到凌晨五時，唔知係咪天氣熱呢？卓希又起咗身，又話要去爸爸到，咁我哋三個又一齊一張床啦！今次隻衰蚊連我都咬，短短十五分鐘，已經咬咗四啖，今晚一定要將全屋都薰一薰香薰先！卓希爸話唔知係咪因為舊機場的地盤多雜草，所以就多蚊，但係我話我哋住咁高又點會呢？真係奇怪！(唔記得影卓希爸隻腳添！)

suklaic 發表在 痞客邦 留言(0) 人氣()

▲top
  • Mar 31 Sat 2007 22:02

  • 頭痛

今日主要係屋企，下午出咗去飲茶，慶祝芳EE生日。(佢唔知的，我哋去到酒樓先話佢知！)

跟著成日就係屋企啦，我同卓希一齊訓晏覺，唔知係咪昨天晚上我同卓希一齊訓新房，訓得唔好呢？今日下午係咁大昏迷，卓希起咗身，我知道，但係無力起身，只好由卓希爸照顧佢。個頭成日都痛，由昨天晚上已經係咁痛，今日都未停過，24小時內已食了兩次散利痛！好痛呀！

然後到我哋想出街時，嫲嫲又話帶堂家姐嚟我哋到。跟著依個懶鬼卓希爸就唔想再出去，只肯落樓食晚飯！所以我成日都無乜攪作，只係喺屋企到執下個STORE ROOM同廚房D柜。都唔知芳EE點做嘢的？成個廚房D柜，一有少少空間，都係咁求其就放嘢入去，氣到我飛起！點可以咁架！所以今天我都有意無意咁係佢面前到執。佢成日係我想執嘢時，就出手做，我一定唔會俾佢做，如果佢真的咁醒目的話，我返工的日子，卓希訓覺的時間，佢就有大把時間做啦，便乜我要做的時候佢又出手。寧願我自己辛苦，都要整好屋企放嘢的SYSTEM，等日後新姐姐嚟的時候，有好的開始！

suklaic 發表在 痞客邦 留言(0) 人氣()

▲top
«12345 6