目前分類:靚太數生活 (646)
- Jul 10 Mon 2006 12:52
緊張的星期一又開始啦!
- Jul 09 Sun 2006 12:53
世界杯終極編!
嗱!我成日就係用這幾個步驟,係廚房到熱到不得了,簡直就係想溶咁濟,如果可以連d脂肪都溶埋就好,不過我都係發緊夢。
晚上開始收捨一些帶卓希到心光宿營的衣服及物品,但真的有好多東西要拎,見到我頭都痛,唔帶佢又唔得,佢爸爸話自己一個會頂唔順。咁我一個人帶足一個星期咪就不似人形!不過也許卓希成個星期沒有見卓希爸,而且和我相處耐,所以這兩天都唔係惦肯跟爸爸。以前要我抱後,如果我要做家務的話,只要話「爸爸抱」佢就會很自然地伸手去爸爸到,但這兩天就相反的攬到我實一實,點都唔放,連用食物引佢都唔得。唉!有好又有唔好,好就佢癡我我個心好開心,唔好就係我做唔到家務,我通常星期日係用嚟執芳ee的手尾,所以今晚都係要等到卓希訓咗我就可以做到!
今晚係世界杯的最後一場,其實我昨天晚上好想陪卓希爸看球賽,話哂都係四年一次。點知我聽到卓希爸起身,就係自己點都起唔到身,真的攰到我cc吓!希望今晚可以啦,不過我對自己的期望不高,反而很底,因為我真的很攰,而且明天早會仲要分享。無精神的話就會唔知自己講緊d乜,不過我都會睇吓邊個釣魚,然後就去笑(串)佢。我諗第一個就一定係jason,然後it三人組。
- Jul 08 Sat 2006 12:57
一家三口又噪噪吵吵的!
- Jul 07 Fri 2006 13:00
又要日日煲莞茜水啦!打倒玫瑰疹!
今天早上起床時,快快的檢查卓希的皮膚,原來玫瑰疹姐姐又來探訪我們。記得上次係一個月前,即六月一日(星期四)開始發燒,六月五日開始退燒後d玫瑰疹開始出。今次又係燒成四日就出玫瑰疹,到底卓希係咪同玫瑰疹好friend呢?我希望唔係,希望今次出完之後就快快的再無就好啦,所以我今日一早芳ee到後就去街巿買莞茜來煲水沖涼,又買竹蔗回家煲水給他飲。(幸好今天我放假,因補回水運會那天的工作時間)
今天晚上卓希係咁講“爸爸”,唔知係咪佢都好似我咁好好好掛住卓希爸呢?卓希與一般同齡的小朋友不一樣,佢唔肯講完整的詞或字,只係鐘意講自己的外星話,所以當今晚佢成日講“爸爸”時,我真的好開心,表示他又進一步了!
- Jul 06 Thu 2006 13:01
兩母子一擔擔!
唔好話卓希訓覺時咳到嘔,佢亞媽我亦都一樣。話說昨天晚上掠好哂衫,做好哂所有嘢後,便上床睡覺,點知今次輪到我係咁咳,我又怕吵醒卓希,咁就走咗出廳到係咁咳。我咳咳吓有預感自己會嘔,立刻走咗入廁所,真的把我辛苦煮來的麵嘔個清光,但奇怪的是,嘔之前同之後都沒有任何的不適,只是係咁咳。唉!所以話,我哋兩每子真的病都一擔擔的!
今天卓希早上都有微燒,佢五點半已經起床叫我(點解唔訓多半個鐘呢?)佢食完奶之後睇佢係仲眼訓的,但係點都唔訓。你唔訓就我訓啦,去到廳到卓希話要睇電視,我就開有線的卡通台,諗住佢有佢睇,我有我訓係sofa到,點知佢係咁扭我計,把我從sofa到扯起身。其實佢好眼訓,但又唔想訓,咁我只好出絕招,就係抱住佢係咁“暗”佢訓。入到房後佢都唔想被我控制,但係我抱著他,點都唔放,唔使五分鐘佢已經話要落床訓,落咗床之後唔使五分鐘又訓著。所以話呢,佢成日都係因為想玩,就唔捨得訓。終於我哋兩母子由七時十五分,再訓到八時三十五分,對我來說,今天早上有得再睡已經係bonus來的。
平時星期四我返十二點,今天也不例外,不過我提早了一個半小時,因為我要去中環的瑞典領事館幫卓希拿已申請好的歐盟passport。嘩,拿到後,真的由心裏笑出來,因為等了很久才等到,而且這款最新的passpaort連佢亞媽我都無,所以坐在領事館到好奇的望多了幾眼才走人,返到心光都只係十一點十分。
今晚青年團的其中一個項目是出維園週圍行,了解一吓自己生活的香港,跟著我們便去了肯x基食東西。回到心光後我成個人都散哂,但心還記掛著卓希得很,所以便飛快的回家去。回到家後芳ee告知卓希今天痾了兩次,都是爛爛的,而且晚飯只吃了半碗的米線(他最愛吃米線,不過今晚我叫亞芳只放鹽,所以咪無乜味),咁我又唔擔心,他能痾清d毒素就係最好,而且食得幾多就食幾多,bb自己識調節的。但另一樣令我擔心的事情係,芳ee話佢今晚沖涼時發現卓希的面有一粒粒。咁我就立刻去房到睇佢,真的在額頭有一粒粒的紅點,就像上次出玫瑰疹一樣。如果真的是出玫瑰疹咁我就放心啦,因為真的出粒粒的話,就代表他很快會好番的,唔順要擔心他為何會這樣發燒又唔退。
我好希望明天晚上快些來臨,因為卓希爸會在半夜才能回來。之前我以為自己一個人可以當一個一星期的單親媽媽,但願來我和老公彼此之間已互相聯繫著,更和卓希三個人一條心。以前會覺得老公乜都唔識,事事阻住哂,但願來他的阻住已經成了我的幫助。所以婚姻和感情真的要慢慢培養出來,真的不能自以為事。
- Jul 05 Wed 2006 13:02
我終於頂唔住,請咗一日病假!
唉!說來話長,昨天晚上卓希和前晚一樣,由於有鼻塞的緣故,所以都係一小時醒一次,不過最頂癮的是他早上五時已經起床,我在照顧他的同時,自己也發現自己軟弱無力,頭暈暈的,而且個鼻都需休息,唔好吸咁多辦公室個d膠的毒,所以決定今天不返工。芳ee到來後,我的心願是把卓希交給她照顧,然後自己去休息,但係小卓希點會放過我,因為佢仲發燒的緣故,我便叫亞芳同佢沖涼,點知佢又要我抱住佢沖。總知乜嘢都要我同佢一齊做,好啦!做完啦,我便關上房門休息,芳ee便湊著卓希睡覺,點知以為他睡著了90%,就放他在我身邊時,他便100%醒哂,跟著便在我身上爬來爬去。可憐我這個媽媽攰到無力反抗,任由他在我床上玩,只要唔跌落床就由得他。他見我無乜反應後,便落床出廳去玩,係時機啦!我便關上房門,任由他和芳ee在外面,他有拍過幾次門,但我沒有理會他。過了不知幾多時間,我訓到轉身時才發現卓希睡在我身邊,但已太遲了,因為我已不小心壓著他的手板,就係咁,佢又被我攪醒咗。不過我真的無意識唔知道佢幾時入嚟的,因為我是訓在出面的,芳ee抱著他一定要誇過我先可以放得底佢,但係我一d都唔知,可想言之我真的很疲憊。
成個下午卓希都沒有發燒,我以為他已經好了,點知晚上七時同他洗澡後,又有少少燒,我成個人都想謝哂咁。
晚上“暗”了他睡後,便是我自己的時間,咁就諗住洗衣服,煮個麵食,寫下網上日記,點知當我正在食麵時,就聽到豬仔係房到咳。其實佢日頭就無咳,但係晚上一訓底時,因為鼻水倒流,所以形成d啖係喉嚨,就好容易咳。話說當我聽到他咳時,我便入房照顧他,但聽著他的咳聲時,我擔心他會咳到嘔。果然不出我所料,他真的咳到嘔,今次連五點鐘時食的粥都嘔出來,我又要做亞四咁係到換床單同幫卓希換衫。跟著仲要開一部洗衣機,有媽媽在她的網上日記提及要兒子了後才有自己的時間,我就話連自己的時間也許會沒有,就像我今晚咁,本來想早點休息,而家就要照顧個仔同等洗衣機的衫,全部都係為個仔,所以有一小朋友,就係二十四小時都屬於他的。
- Jul 04 Tue 2006 13:03
攰c我啦!
昨晚雖然卓希是已睡了,但睡得不“林”,除了睡睡吓咳及嘔吐外,每一小時便醒一次,那是由於他鼻塞的緣故。所以我每小時便要抱著他一起i在床邊,到凌晨四點,我見他的燒去到39.3度,便餵他食退燒葯及抺一抺身。之後我哋兩母字就真的可以睡兩小時,到六時二十分卓希便叫我起身開奶。由於遲了起身,我便雖要“拿拿林”咁做嘢,預備D粥仔啦,又要睇住隻豬仔。佢一病就會好癡我的,今天係佢出生後第一次唔俾我換衫同返工,咸到好似擋豬咁。我已經比起平時遲了出門口,但他就好癡身,我叫亞芳同佢沖涼,等佢降吓溫先,就係係佢沖涼的時候,我便“溜”了返工。心在想,C啦,遲了幾個字出門口,一定遲到啦,不過又諗吓未必,因為平時我都係特早回到學校的,故也許時間可許可,不過都要視乎隧道的情況,我有諗過最壞的打算是用西隧,但係到我去到歐化時又見到唔係好多車,咁都係用紅隧。返到學校都只係七時五十分,可想言之平時我係幾早。其實我自己都未好,心裏好想請假休息吓,但礙於答應了同事幫忙監考,所以便頂硬上。不過真的好攰,一路監考,D眼皮就一路的想跌。
下午大約一時,打電話回家問卓希的情況時,亞芳話佢今天早上訓好多,梗係啦,成晚都無乜點訓過,真正睡得好只係由四時至六時這段時間,所以隻豬仔早上訓咗成兩個幾三小時。當時亞芳話佢探咗熱無燒,不過我都好怕,叫亞芳食多次退燒葯先,如果遲D真的沒有燒時,就知道是真的開始好了。正當和亞芳傾的時候,卓希爸便打電話回來。當我聽到卓希爸的聲音時真的好想大哭,因為真的好辛苦。但礙於係學校的緣故,打所以眼淚往肚裏去,先告訴他卓希晚上和今天早上的情況,然後便談及亞芳剛剛告知的情況。其實和卓希單獨相處並不難,難就難在他病的話好癡身,無覺好訓。不過今次都係一個體驗我這個SUPER MOTHER力量的時候!
不過當我正在回家的途中時,亞芳打給我,說卓希有少少燒38度,我都話要食退燒葯。泊好車,買了餸後便飛快的回家。亞芳和我都覺得昨天樓下那醫生的葯沒有效,鼻水都未收過,燒就只係退咗一段少的時間。所以我以媽媽的身份,決定唔再食樓下醫生俾的葯,食返睇開中環醫生的葯。希望豬仔希今晚可以有覺好訓啦。
晚上當我和小卓希在家時,他除了有少少 鼻水之外,都沒有甚麼特別。只是他在睡了之後有少許的咳和 鼻塞,求天父快些醫治他。
- Jul 03 Mon 2006 13:04
豬仔希又病了!
唉!卓希爸不在,我都唔知點算好,只好出絕招,我最叻的香薰治療,之前唔想用係因為香薰好厲害的,三分鐘便會入到d血到,我唔想卓希咁細個就用咁強勁的治療,但今天無辦法,因為我要返工。咁就用d好輕的薰衣草(舒緩)、甘菊(抗敏),再加jo jo ba油中和佢,然後搽在卓希身上,搽完後見佢無乜點抓自己個身就知佢無乜癢。
渣車返工時諗諗咁樣都唔係辦法,一返到學校便打電話給奶奶求救。唉!始終都要老人家出馬睇吓我先放心,咁奶奶一聽到後便一口咬定係“風癩”,又問我卓希食過乜,我話無特別,都係平時的一樣(c都唔話佢知星期六晚上咗去食上海嘢,如果唔係我就會耳根唔清靜)。咁嫲嫲都好快咁早上十點已經去睇隻豬仔,仲幫我買咗魚(明天的粥仔),及紫so葉給豬仔煲水沖涼。
下午打電話回家,問亞芳豬仔點,佢話豬仔唔肯食粥,無問過我就俾奶佢飲。我話唔好習慣咁樣,以後佢就唔會肯食的啦,因為知道唔食粥的話都會有奶飲。有時真的俾亞芳激c,好地地咁又轉佢d習慣做乜?所以晚飯時卓希食返粥,只係食了半碗,我覺得半碗無問題(咁佢唔舒服嫲),但係就唔好打亂佢食嘢的次序。
再晏d打電話回家時亞芳話卓希好似有少少燒同鼻水,咁我就叫亞芳探熱,耳探有成38度,卓希要立刻食退燒葯。我回到家後芳ee仲話卓希今天痾了三次,第二及第三次係爛爛地的,咁我就諗都唔使諗,立刻同卓希落樓下的診所看醫生(卓希平時睇開的醫生去咗旅行,次次有事都係咁!)。醫生話佢有少少感冒菌入腸,不算嚴重!
返到屋企卓希攰到不得了,因為他只是早上睡過一小時,全個下午都沒有睡覺。所以又扭計,我便早半小時給他奶吃,但吃奶之前一定要食最嫲煩的葯。真係慘,有成三種葯,仲要分成三個唔同的針筒在同一時間內餵給他吃,難為了媽媽也難為了bb!
好啦!食完葯及食了兩安奶後,卓希又“無拿拿”咁扭計,我只好抱住他叫他睇吓其他嘢,點知佢一咸就連個兩安的奶都獲利回吐。幸好芳ee正在換衣服預備走,她可以幫一幫我照顧住卓希,等我又係洗嘢的時間。卓希勁快訓著,咁我就係廚房預備明天他食粥的湯底時便聽到他好像醒一醒及有幾聲咳,入去房看他及安慰他時,e!點解佢個龜背好似有少少濕濕哋的,開燈睇真d時才發現佢原來嘔了在他的床上,見到我入房便又安心的再訓過。唉!又要做亞四的把他搬去我們的床後,便換他的床上用品。今晚真的要睇多幾次先,剛才幫他探熱,燒已經退,不過“風癩”仲有。
我自己也不是很好過,話說放了兩天假,個鼻好好多,點知今天回校後,辦公室還是有一陣味,我的鼻又像開了水喉似的,不停地流鼻水,到五點時真的頂唔住,要回家食粒敏感葯。唉!真的難受,別人成日以為我係病,其實就係敏感,我都費事解釋咁多。
仲有,今早發現一件傷心事,就係我昨天所買的遊戲代用卷放咗係褲袋到,開咗洗衣機洗哂,白拿拿無哂八十大元的代用卷呀
- Jul 02 Sun 2006 13:08
鬥法!定係俾顏色佢睇???
今早卓希正常地六點才醒,他醒後沒有立刻叫我,只是由牆的那面爬到另一面,靠著我而睡,只是我怕他跌落床便打開隻眼,他便要奶奶,一個早上都相安無事,我們還去超巿買餸。點知依隻卓希豬仔,又眼訓,又唔肯訓,同我鬥法,咁我就掠衫唔理佢,佢就一直咸著咁跟著我,我唔會giveup的,佢都知所以佢便來攬住我,這就表示sorry了。好啦!咁我就抱起他,點知佢諗諗吓又大哭,突然,剛食完的bb乳酪全部獲利回吐,成地啦!我個身啦,仲有豬仔希個身啦,全部都係。咁我就成個super mother咁先放下卓希係廁所的洗澡格到,然後初步的攪點地板,跟著自己所有的衣服都要換過(當時卓希仲係到咸,不過佢知心虛,所以咸得細聲咗)。最後先同佢換衣服及沖沖隻腳仔,一抱上手佢就訓著,係咪呢,又眼訓,又唔聽話,咪又攪出咁多嘢囉。但係最嫲煩就係個時我哋已經要出門口返教會,但係又落緊大雨,咁我就要清潔哂所有的嘢,又開洗衣機(好彩卓希爸不在家,佢最唔鐘意掠咁多衫的),然後終於遲成半小時才可以開始返教會!
係教會時,我見卓希好似有d開始肚餓,咁就問他要不要食粥啦,佢係咁點頭,咁咪俾粥佢食囉,點知大約食咗十啖後佢就唔肯食,我以為佢又扭計啦,就好惡咁對佢。返到屋企附近時我都開始肚餓,咁就去m記食個烤餅,順便試吓卓希係咪真的唔肯食我煮的粥,但係連佢平日最鐘意食的粟米都唔肯食,咁我就知一定係無胃口。點知一返到屋企,依頭放底卓希,個頭就聽到佢係咁“放屁”。嘩!嗅到不得了!原來佢肚仔唔舒服,痾d水出嚟,唔知係咪昨天晚上所食的上海麵有d唔乾淨呢?因為我仲見到有d磨姑粒,所以都係同佢小心食嘢為妙!
下午係咁等卓希有睡意,點知佢係屋企玩到好鬼精神。大怕娘致電,約我們去波波池,卓希今次習慣了很多,同堂家姐一落波波池後都唔使理佢亞媽係邊到。就係咁用蛙式係d波波上面到游來游去,好鬼得意,可惜我沒有帶dv,如果唔係就一定好好睇的。玩完波波池後,還渣巴士同玩火車,在玩火車時,卓希好“吽”,因為佢係好sleepy,但因為玩的緣故,所以c都唔訓住。但在肯x基時,真的難敵睡魔急call,便睡了一陣,真的係一陣,因為我們在上車回家時,他己經睡醒了,前後只是十分鐘。總括卓希今天全日只睡了四十分鐘,所以佢亞媽我都好希望佢今晚訓得好d。
回到家後,預備和卓希洗澡,點知一打開佢件衣服,就見到在肚的週圍有d好似被嘢咬的紅色一逹逹咁,又唔似係蚊,又唔似敏感(敏感是全身的,不會只有一逹地方),所以我猜也許是有蚤在那玩玩具的範圍(pooh的膠),咁我就等卓希訓咗後,用滴露加藍x寶係咁洗,連全屋的地也拖,總之就係大掃除啦!唉!人有helper,我有helper,但係我就要一腳踢!
不過我真的好enjoy同卓希在一起的時間,佢一扭我就俾臉色佢睇,佢跟本就無時間再去扭,所以如果係我自己可以湊返的話,佢的綼氣就唔會咁大。
卓希今日有自己的日記!
- Jul 01 Sat 2006 13:09
好忙的一天!
都唔知係咪卓希知道我們會去沙沙灘,凌晨四點四十五分已叫我起身,話要飲奶奶,平時要佢飲水都頂得住,但係今天早上他好堅決表示要飲奶。咁佢亞媽我就一早爬起身開奶俾佢飲,佢一飲完我就訓番,佢又唔肯訓自己個位,要訓我的位。好啦!咁就俾佢訓我個位,點知佢一路訓就360度咁轉,我都唔鬼理佢。不過一到六點(佢一見到天光就要起身的)咁佢就起身要落床!無法啦,只好起身服事隻豬仔。
我們早上八點正出發,到石澳時八時四十五分(又係四十五分),以為自己好早啦,點知!好多人仲早過我哋,無位泊車。只好讓卓希爸、卓希同芳ee落車去玩先!(所以我見唔到卓希一開始玩沙時的高興樣子)。我都等了差不多半小時才有位,仲要係我見有人去自己架車到,我落車好有誠意咁問佢係咪走,佢仲話要我等多十分鐘咁先可以mark到個位。
好啦,到我可以在沙灘時,卓希開始攰^x^,不過我都同佢忍唔住地落咗水,卓希爸話豬仔見到d浪時好好好開心,我就同佢玩車仔水泡。但因為今天太太太大浪,卓希返而有少少驚。
玩水的短片
卓希與媽媽玩沙的情況!
好啦!咁我哋唯有上沙灘玩沙,到玩得好開心時又落過雲雨,卓希爸便將所有唔濕得的東西先放上車,然後我哋等停雨。此時我收到豆媽的電話,他們已到石澳,但policeman唔俾佢哋入停車場,只好放在出面那些貴的停車位置。所以後來見到豆b後,卓希和他只玩了一會兒,因為卓希真的很sleepy,所以無幾耐便和豆b一家say goodbye。卓希一上到車,都未出完石澳的範圍已經在車上睡著了。我們便去柴灣細叔到食午飯,大家很開心的有傾有講。
下午卓希只是睡了一小時十五分鐘,跟著我們會不小心地弄醒了他,因為係時候出發送卓希爸回校集合,預備帶學生到廣西遊學團。由於卓希爸要早些少回學校,我們送了他後,便到morfar同mormor(公公婆婆)的家去拿一些夏天衫。一路去的時候,我個心都有些擔心,morfar家好大,我點樣可以handle隻豬隻呢?原來係無其他人的情況下,卓希豬係會跟到我實一實,我去到邊佢都會跟著。然後我們去三樓拿東西時,我發現隻豬仔好用力咁,就知道佢係到痾大,係,又係另一個難題,好彩我哋有好多東西都有放係morfar同mormor家。所以就可以好快咁同佢換片片,不過到洗pat pat時,佢媽媽我不小心把他著的衣服弄濕了,就係morfar家找一件預備卓希明年才著到的衣服給他,真的有點衣不稱身!
跟著我們便回合卓希爸,今次真的很捨不得,因為自卓希出生後,我們一家人都未分開過,所以真的難捨難離。不過在與卓希爸say goodbye之前,他幫我把卓希的car sit放在車頭,因為這個星期如果我和卓希外出的話,可以方便在途中照顧他。我覺得很warm同卓希都好開心,不過又知比較危險,真的難以取捨。等卓希爸回來後,又係變回原位的,到時卓希實扭計。
好忙的一天呀!晚上仲約了一位網友準媽媽(又係網友,成日都識網友),她也是位老師,也是我們將要去北海道的顧問。我們(仲有她老公)約了一起食飯,也許卓希今天午睡的時間太短,他在晚飯中時常放蚊,kanris(網友,準媽媽)的老公想和卓希玩,點知個衰豬唔係點so人,真的羞家。到後來大家熟了點就對著人笑,真的俾佢笑c。
回到家裏便是一個重大的考驗,得我一個人攪卓希,仲要同佢沖涼,我便諗了一個方法,便是日花灑,不用在之前set咁多用品住,今晚只是用了五分鐘便完成平日的十五分鐘的洗澡,這可好了,可以作為預備我們去旅行時用花灑的經驗。卓希鐘意到不得了,又好奇,又新鮮,不過未等佢有所行動我已經抱佢走出廳著衫。今晚無其他人在家,只得卓希和我時,他真的很乖巧,他在飲奶時我便快快的去洗澡,佢飲完後仲拿著奶樽站在廁所門口等我。所以話呢,無哂d靠山,佢就會乖乖的聽話,唔聽話都係大人縱所致!
- Jun 30 Fri 2006 13:11
喉嚨又痛過!
- Jun 29 Thu 2006 13:13
海底隧道!
- Jun 28 Wed 2006 13:13
i link cable
一直以來,見到一位網媽媽常常為自己的兒子拍video,我好想自己也這樣做。但我這個電腦白痴連基本的用具也沒有,只有一個攝錄機。幸好,我有一班好好人的IT同事,佢哋教我很多東西,又幫我買了一條i link cable,令我可以自己剪片同post上網。
今晚整咗少少卓希近來玩玩具的情況:
用自己錢買的i link cable
點知返到屋企,老公先話我知,屋企都有一條i link cable(佢收得好埋),eeeeeeeeeeeeeeeeeeeeeeeeeeeeeeee,我又哂咗$55!
IT同事們又教我用NETWORK CAMERA,原本的用意是別人用來看家裏的傭人,但我心裏就想用嚟睇吓卓希,因為有時真的好掛心。打電話佢又唔識同我講嘢,又怕會吵醒他,所以如果有NETWORK CAMERA就好啦!我隨時隨哋係邊到上網都可以見到卓希,不過真的好好好好貴,都係等暑假去完旅行後才諗諗佢。
- Jun 27 Tue 2006 13:16
忙!忙!忙!
- Jun 26 Mon 2006 13:16
我就快氣壞了!^x^
昨天晚上真的不知為甚麼,十一時半上床睡覺,但個腦還在想很多事情。好啦!到我真的要睡時,又卓希哭鬧,一時小內不停的又睡、又醒、又哭鬧。身心真的很疲累。到他真的定定睡在我的位置時,又輪到自己係咁咳嗽,半夜一點半忍唔住走了出廳,大大聲地咳,咳了一輪後終於可以訓啦!但因為天氣太熱,四點又醒,要出動訓係張蓆到才可以有覺好訓。所以我真正有好的睡眠只是兩小時,因為未到六點,卓希又起身啦!我發現我哋兩公婆真是鐵打的,晚晚都唔夠訓,但係又頂得住,所以為人父母真的不容易!
今天是很忙碌的一天,早上要趕哂所有的堂,然後下午去聽一個倫理科的研討會,唉!教統局所安排的talk有時真的不知他們的作用是甚麼,個講員所講的和題目不付。真的有所失望,好彩八節裏我只報了四節,其中一節因為要帶學生外出便沒有去聽,如果唔係會激c!
仲有一樣激c人的嘢(起碼對我來說是很大件事),今晚我返學,回來後卓希爸話卓希很扭計,咁我問他怎樣處理,他說他正在話卓希時芳ee走來帶走他!激c我啦!我之前話過亞芳,無論卓希哭成怎樣也不可以插手的。因為要教他不是凡事都可以得到的,但她就是縱他,這是很基本的原則,父母在教子女,為何要抱走他呢?我明天又要再講多次啦,這樣下去,大家相處都不是味兒!
- Jun 25 Sun 2006 13:17
一家三口樂也融融!
今天和平常的星期日一樣,一家人的FAMILY DAY,下午我們約了恩和萱萱一起去美國XX樂園。在那裏卓希第一次玩波波池。也許他當時還未睡午覺,所以玩波波池時“吽吽哋”。跟著我們便玩火車及木馬。接著卓希爸話要去麥記食嘢,但人很多,我們便走到M CAFE'那裏,叫了凍咖啡,及在大堂處買了些粟米給兩位小朋友吃。也許卓希太疲倦了,還未食完己經係咁扭,當我們打算走時,他又在卓希爸的懷抱裏睡著了,但只睡了十分鐘,一上車便醒過來,所以成個下午他只睡了十分鐘。也正因為這樣,我們在爺爺嫲嫲的家時間短了,另一方面,唔知係咪下午所飲的咖啡有問題,我的肚好痛,所以我們便史無前例的飛的回家。
回到家後,自己安頓好,也幫卓希沖涼後,便和他入房睡覺,很多時,陪伴卓希睡覺是一件苦差,又是一件樂事。好像今晚,只需十五分鐘,他會睡了,而且還要指定 睡在我的懷抱裏。我真的很享受這個母子的感覺,那是信任和依賴,是彼此之間互相的建立起來的。等卓希大了以後,他一定不會再這樣的睡在我的懷抱,我要好好的把握每一個時機。
- Jun 24 Sat 2006 13:20
鬥過!
- Jun 23 Fri 2006 13:21
退咗燒啦!
諸山未曾生出,地與世界你未曾造成,從亙古到永遠,你是神。
- Jun 22 Thu 2006 13:22
我病咗呀!
昨天晚上臨去睡時,喉嚨痛到不得了,而且背脊都有些痛痛哋。心想今次好像感冒,便沒有回房睡覺,因為真的唔想傳染卓希,點知去到半夜時,喉嚨痛到好像火燒的,便快快的食“散x痛”,早上便食“八仙果”,真的好些。
點知下午在聽倫理研討會時,個人開始唔係好妥,有些暈,條腰好似被火燒咁。心想,慘啦!今次仲發燒添,平時我一發燒便會腰痛。本來晚上還有一個講座要聽,但“拿拿林”回家到樓下睇醫生。幸好到診所時醫生已回來。嘩!他按著我的頸時痛到我大叫,佢仲笑咁話「話咁嚴重」。咁我問他如何嚴重,佢話係“淋巴腺發炎”同“喉嚨發炎”。唔怪得由上星期開始我就覺得個人好唔妥,上星期三早上仲未返工時行入睡房就暈得一陣陣,c橕著返工,星期四晚在心光d血壓仲升到好似生豬仔希時咁高,不過睡咗一晚又無事,所以就無理啦,點知今個星期就中招!
希望依個醫生今次d葯可以啦,因為次次我喉嚨有事時,睇親佢都係無乜用,佢d葯幫唔到時,每次都要特登返出旺角睇耳鼻喉專科先至得。
我老公聽到我的病情,第一時間就話鬼我,話我訓得少,以前未有豬仔希時十點上床,六點起床,但係自從學人上網寫blog後,成日都唔訓,掛住係到upload d相,又同d媽媽msn。佢就乘機話我,我都知係唔啱,但係鬼叫我想快些追返有關囝囝的成長寫上blog!
仲有呀!希望明天無事啦,因為學校水運會,每年到這個機會睇學生的游姿真的好好笑,所以真的唔想miss 咗佢。
返到屋企,食咗d葯就開始大昏迷,連個仔我都唔去理(我全日都帶口罩,佢成日想攪我,但係我係唔會俾機會佢的)。希望真的沒有傳給他吧!
- Jun 21 Wed 2006 13:23
喉嚨有少少痛添!